Ladghaa_1
السلام عليكم گَمراتي
حبيت أوضح كم نقطة بخصوص قوانين المنصة حتى نتجنب أي سوء فهم أو إحراج للطرفين:
1. بخصوص الترويج: المنصة وُجدت للنقاش بالبارتات أو سؤال يخص الرواية، مو مكان للإعلانات وبصراحة، اللي خلاني آخذ هذا القرار هو الصدمة اللي شفتها ببعض الروايات اللي يروجون إلها بمنصتي دخلت وقريت مشاهد وكلام حرفياً يخلي الواحد يصفن من كمية الجرأة المبتذلة أني أكتب روايتي بأسلوب نظيف، فما أسمح ولا أقبل حسابي يتلوث بترويج لهيچ محتوى ما يشبهني أي ترويج راح ينحذف فوراً، وأني أعرف شلون أتصرف وية أي تجاوز يتكرر
2. براءة ذمة: أني غير مسؤولة عن أي ترويج لقصتي بغير منصات مثل ما أحترم خصوصية غيري، أريد الكل يحترم خصوصيتي وما يتجاوز باسمي ويروح يروج يمهن
3. التواصل: اللي عدها سؤال أو تريد تتناقش بشي يخص القصة، تگدر تراسلني هنا بالمنصة، أو على بوت التليجرام الخاص بية موجودة قناتي بنهاية كل بارت،تدخلون للقناة تلگون البوت بالبايو راسلوني، وإن شاء الله أجاوبكم حسب الفراغ
أتمنى تلتزمون بهل نقاط حتى نحافظ على الرقـــــــي.