Laila Elsayed

روايتي الجديدة ..♥️
          https://www.wattpad.com/story/349944341

نزلت اقتباس لروايتي 
          روايـة مداواة قلـب 
          
          الراوية مختلفة ومشوقة وان شاء الله تعجبكم مستنية رايكم ♥️♥️♥️

اغلب الدروس الي بنتعلمها في حياتنا بتبقي اغلبها عن طريق اشخاص مؤذين قابلنهم في حياتنا 
          حقيقي انا اتخدعت في ناس كتير في حياتي ومش انا بس الي مريت بكده ده " كلنا" 
          في انواع كتير مؤذية مرت في حياتنا زي الشخص الحقود الي بيحقد عليك في اقل حاجة ، الاناني الي مبيحبش غير نفسه ممكن يجي علي الكل لحساب نفسه ، الي عدوك وعامل نفسه صاحبك و الي بيتكلم عليك في ضهرك وقدامك بيقول عكس ده وحقيقي دايما الضربة بتيجي من القريبين "لان لو عدوك يقدر ياذيك مرة فصديقك يقدر ياذيك الف مرة "
          مرينا بناس كده كتير ومازلنا هنقابل" الحياة ما هي إلا دروس " 
          بس لازم نتعلم منها بس بالطريقة الصح احيانا ناس لما بتصادف شخصيات كده احيانااا بيبقوا زيهم وتتنقل الصفات دي ليهم وده مش صح الصح انك تحافظ علي روحك الجميلة وشخصيتك الطيبة مهما عاشرت ناس مؤذين " خليك زي ما انت اوعي تتغير" #بقلمي #ليلي السيد 

كانت جالسة تحكي شئ المها وعلي وجهها تلك الابتسامة التي دائما تزين ثغرها ولكن تلك المرة كانت ابتسامتها منطفئة ، بهته كانت " مصطنعة" 
          وكانها بتلك الابتسامة تحاول مدارة المها
          لكن لم تخفي علي
          انطفاء تلك اللمعة التي كانت دائما موجودة في عيناها .. انتفاض جسدها .. رجفة شفتيها .. ضغطها المستمر علي يدها 
          كل شئ في جسدها يدعوها للبكاء والانهيار ولكنها تجاهد كي لا تبكي 
          حينما تمردت دمعة علي وجنتيها قالت بصوت يملؤه كل الالم " ولكن هذا الشي لم يعد يؤلمني " 
          لسانها قد نطق بشئ وعيناها تقول شي اخر 
          
          " لم لا نبكي عندما يحزننا شئ من قال بأن البكاء للضعفاء من قال تلك المقولة فحتما هو لا يفهم شئ البكاء لاصحاب القلوب الرقيقة الطيبة ... البكاء ليس ضعف وانما قوة "  #بقلمي #ليلي السيد 

كل واحد منا اتعرض لصدمة في حياته سواء كانت فقدان شخص عزيز عليك ، خذلان أحد أصدقائك ليك ، فقدان حلمك و فقدان الشغف اتجاه شئ بتحبه ...الخ 
          بعد تعرضك لإحدي الصدمات دي علي الاغلب " كلنا بنتغير" بس كل واحد بطريقته 
          _في الي بينعزل عن الناس و يكره  التعامل مع البشر يقفل علي نفسه ويتحول لشخص " انطوائي" مبيحبش يتعامل مع حد 
          
          _في الي بيفضل ساكت هادي بعد ما كان بيضحك دايما وابتسامته مبتفارقش وشه
          الضحكة دي بقت نادرا لما بتظهر
          
          _ في الي دايما حزين وعايش في نفس اليوم مش قادر  يتعامل مع حد ولا يخرج هو بقي حابب الوحدة قافل علي نفسه اوضته خايف يتعامل مع البشر بقي خايف يجرب اي حاجة عشان ميعيش نفس الالم مرة تانية 
          
          _في بقي الي بيحاول يبين للكل انه اتخطي ده وعايش تمام وهو من جواه قلبه بيتالم كل يوم كل يوم في حرب دايرة بينه وبين نفسه في دوشه جواه رغم الهدوء الي باين للناس 
          
          كل واحد بيتخطي الصدمة حسب" شخصيته "
          شايفة أن احسن نوع من الأنواع الي قلتها دي " ولا واحد " 
          ايوة هو بالظبط كده ولا واحد من الي ذكرتهم ده الحل الصح لانك كده بتقفل علي نفسك بتمنع تعاملك مع البشر سكوتك وهدوءك مش حل هو لو حل فعلا ف هو "حل مؤقت مش دايم"
          
          طب اي هو الحل ؟ 
          " تحاول" 
          تحاول تخرج من الي انت فيه تحاول تخرج من حزنك 
          تحاول تتجاوز ده 
          تحاول تجدد ثقتك بالناس مش معني انك قابلت اشخاص مؤذين أن كل الناس مؤذية لا طبعاا
          تحاول تصبر نفسك علي فراقك لشخص عزيز عليك لانه اكيد في مكان اجمل من هنا بكتير وكلنا هنروح المكان ده 
          تحاول ترجع شغفك الي فقدته تجاه الحاجة الي بتحبها
          تحاول تحلم تاني مش معني انك محققتش حلمك الدنيا كده خلاص وقفت لا طبعا " نهايتك حلمك .. ما هي إلا بداية لحلم تاني اجمل"
          "حاااااول"
          متوقفش حياتك عند النقطة دي ..
          هياخد منك وقت بس هتتجاوز حتي لو متجاوزتش ده بشكل كامل بس هتكون طلعت من المرحلة دي " باقل الخساير"
          لو فضلت عند نفس النقطة واقف مبتتحركش ده مش حل صدقني كده بتتعب نفسك وهتضيع حياتك كلها وانت واقف مكانك 
          مبستهونش بحزنك ولا بقلل منه عارفه انها بتبقي مرحلة صعبه بس لو حاولت هتقدر تتجاوز مش هضحك عليك واقولك هتتجاوز بشكل كامل بس  زي ما قولتلك هتطلع منها "باقل الخساير "
          حياتك بتمر قدامك متعرفش اليوم الي هتضيعه هيجي غيره ولا لا ..
          " عيش كل يوم في حياتك اكنه الاخير "  #بقلمي #ليلي السيد