Lally-1

أنا برأسي سوالف مالهن رداد 
          على يا ساعة أفرغ مخزن برأسي 

أجيتك من بعد غربه 
          أجيت بليله گمريه
          هذاك انا نبع صافي
          يخايب دغش مابيه
          أجيتك وعتب بالعين 
          عتب عاشگ بحنيه 
          واگلك هجرك شسوه
          لو أدري فلا اهوى 

ليّش ما جاسَك حَنيّني 
          وقَررت غُبشة تِسافر 
          وآنه كاتبلك قَصايّد خَلصت بيّها الدَفاتر 
          الشاعِر الوادم تحبه 
          وآنه أحبَّك وآنه شاعِر 
          أمس مامَريت بيّه 
          راح أتانيك أعلى باچر 
          وخاف باچر ماتجيني لعُگبة منصوبة الچوادر.

أنا مو سدرة بيرغ گوم مو ياهو اليجي يهزني.

أتَيتنِي تَائِهاً تَشكو
           هَجرِهُم لَك فآوَيتك
          إِذ بَي أدرِك لمَا هَجروك.

ما تجين
          وانتِ تدرين بعشگنا
          وحسب تقليد الضلوع الشبگة دين
          وحيل مؤمن كلمن توضى بحبيبه
          وكافر الماعنده دين
          وانتِ وين 
          كل شبر بيناتنا يدردم حنين
          ها تجين؟
          بيه واهس سندباد
          وذاك چتفه
          الما تعب من ياسمين

يلتمن علية مشتتات البال 
          وانفضهن نفض وانهض ولا چني 

أنا مره ضگتهن متت وشلون لو مرتين؟
          ‏ضليت ما أشتهي صايم و أون يومين
          ‏بوس الشفايف سحر مو مثل بوس العين
          ‏بشفايفك هالطعم متگلي جبته من منين؟
          ‏الفوگ طعم العسل و الجوا قمر الدين.
          ‏

انتِ عذبة شلون دجلة
          ويمچ تحوم النوارس
          والله لو كلها بجمالچ
          ما بقى ليل الله دَامس
          الناس حلاها لبسها
          وانتِ حليتي الملابس

مو بيدي من ابتسم كلما حچوا عنك
          بس انتَ ضحكة طفل ماينشبع منك
          والروح لمن تمر يابه شكبر حظها
          وعيوني اذا شافتك جيب اليغمضها
          مرتاح يمك واحس 
          كل الخساير قبل بيك الله عوضها