lanamuun

Сахиусан тэнгэрүүдийн дунд амьдарч буй 
          Санаа муут нэгэн бэртэгчин би 
          Салхи хаахаа больсон овоохойндоо
          Сар жилүүдийг арай хийн үдэж
          Саар бүхнээр голоо зогоон амьдарна.
          Сэтгэлийн гунигт автсан нэгнийг
          Сорж шимэн хооллож
          Сульдаж тамирдсан биеэр нь даажигнахад
          Сэнтийд заларсан мэт сэтгэгдэл төрнө.
          Уй гашууд автсан нэгнийг
          Уйлахад нь баярлан 
          Урвайхад нь хөөрч
          Удтал тамлаж
          Утсан чинээ 
          Улаан амийг нь
          Урж тасдвал 
          Улаан орчлонд ирсэн хэрэг минь бүтнэ...

Цаг хугацаа зогсож
          Цаасан шувуу хийсэж
          Цахилдаг цэцэг үхэж
          Цахлай шувуу дүүлнэ.
          Бороо хур орж
          Бодолдоо хоёр хонож
          Бор дарсанд согтож
          Борхон зүрх түг түг хийнэ.
          Амьдарсан шиг амьдрах уу
          Үхсэн шиг үхэх үү
          Ялсан шиг ялах уу
          Ялагдсан шиг ялагдах уу...
          Ял авсан ялтан би 
          Ядарч байна гэж гомдоллох эрхгүй
          Янжуур зуун утаа нь санихад л
          Яг л диваажинд буй мэт санагдана.
          Алсын уулс сүүмийж харагдах мэт ч
          Ай гэхдээ нарсанд буй шүү дээ хэмээн бодроно
          Амандаа дахин янжуур зууна
          Аяа миний сүүлчийн янжуур.
          Дээрэлхүү гяндангийн байцаагч
          Дээрээс минь өчиглөн тамлавч
          Тэнэгэр мөрөө хумьсангүй
          Туслаач гэж гуйсангүй.
          Яадаг юм бэ би
          Ядарсан ардад задарсан баячуудын мөнгийг тараасан.
          Яадаг юм бэ би
          Ял авсан ялтан.
          Өдөр хоног өнгөрч 
          Өнгөт орчлонд 18 жилийн дараа
          Өөдөсхөн надад
          Өлмий гишгэх хувь олдов.
          Төрсөн нутагтаа очлоо
          Тоглож өссөн найз ч алга
          Тормолзсон хайрт хань минь ч алга
          Тэнд таньдаг нэг ч хүн алга.
          Алгагүй дээ аргагүй
          Арван хэдэн жил 
          Аавынд суусан
          Азгүй надад тохиосон тавилан юм даа
          Одоо нэгэнт өөрийгөө зүхээд яанам бээ
          Одсон цаг хугацааг эргүүлэх биш
          Оройтсон борооны араас цув нөмрөх биш
          Одоо нэгэнт өнгөрсөн өнгөрсөн өнгөрсөөн.
          Өнгө алаг энэ хорвоод үгүйлэх юм алга
          Өнгөрсөн амьдралдаа харамсах юм алга
          Өртөөлөн ирэх ирээдүйд ч шунах юм алга
          Өөр юунд ч хорогдох юм алга аа.
          Хөх тэнгэртээ цахлай болон нисэх цаг ирж
          Хөрс шороондоо шингэх цаг нь ирж
          Хөрстийн амьдралд алга болох цаг нь ирж
          Хөөрхийлөлтэй амьдралдаа цэг тавилаа.
          2020.06.28