(: lolo.k

السلام عليكم حلويني
          أول شي إجازة سعيدة و Have a nice vacation and enjoy your vacation
          ثاني شي بإذن الله بكرة مسافرة مع الأهل، وبنرجع إن شاء الله وإنتوا طيبين نهاية الأسبوع الجي. بأقول لكم لأني غالبا بيقل نشاطي فعشان لا أفجعكم إذا اختفيت للناس إلي تهتم بي ^3^
          وبس الله كونوا بخير ;)

الموضوع تافه، ليه أضايق وأزعل؟

https://www.tiktok.com/@fortfts/video/7454492243584404744
          
          https://www.tiktok.com/@jamesspmk/video/7454485642395782418
          
          طبعا ملخصات فورت وجيمس للسنة الأفضل .. سعيدة جدا لكل اللحظات والأشياء إلي بالفيديو ويارب تكون سنة مليئة بالإنجازات ❤️❤️✨

31/12/2024
          بما إنه اليوم آخر يوم بالسنة ابي أتكلم شوي عن الأشياء إلي تعلمتها هالسنة بشكل عام، وتقريبا ملخص لأهم الأشياء إلي صارت لي . . .
          أول شي علمتني هالسنة أشياء كثييير مرة، أهم شي الصبر؛ صارت لي ظروف كثير ومريت بضغوط كثير وتهاوشت مع ناس قطعت علاقتي مع أشخاص كثير بس في النهاية حسيت إنه الحياة ما تستحق كل هذا الزعل، وطبعا ما حسيت بهذا الشي في يوم وليلة وأكيد بمساعدة كبيرة من أشخاص فعلا أحب أشكرهم واحد واحد، وهم عارفين نفسهم بس بدون ذكر أسماء هم؟ ولا تبغوا أقول؟ ولا أقول لكم أرسل لهم خاص؟ شجعوني وقت ضعفي سمعوا لفضفضتي قالوا لي كلام مريح، حتى لو حسيتوا بيوم إنه الكلام إلي قلتوه لي ماله فايدة إنتوا غلطانين والله إني أذكر حتى أتفه الأشياء إلي قلتوها لي حتى لو قلتوا بس إنتي قدها تكفي وتخليني أنبسط.
          ثاني شي صارت لي أحداث حلوة ومحزنة ذي السنة، نبدأ بالحلوة؟ طبعا في البداية هذي السنة عرفت الرباعي المرح وصرت أعشقهم هم سعادتي حرفيا، عرفت نيت وجيمس أو خلنا نقول عرفت جيمس وأدمنت عليه وحبي إلى الأن زي ما هو ما نقص بالعكس كل يوم قاعد يزيد، تعرفت على ناس يجننوا ناس حلوين ناس طيبين بمعنى الكلمة، هم نفسهم إلي دعموني وقفوا معي. صارت لي أحداث عائلية سعيدة. بتكون سنة 2025 سنة تخرجي، صح إني بأنتقل لمرحلة أصعب نوعا ما بس التخرج له طعم لوحده.
          والأشياء الحزينة؟ ما ودي أطول فيها عشان لا أنكد عليكم بس بأختصرها؛ أول شي بعد ما حبيت نيتجيمس بفترة قصيرة سمعت خبر إنفصالهم وما قدرت اتخطى. ثاني شي قطعت علاقات كثير بحياتي تهاوشت مع ناس صرت وحيدة ما عندي صاحبات أبدا، مريت بظروف صعبة بسبب هذي الأشياء خاصة إنه ما عندي صاحبات في المدرسة وفي بعض  الأحيان يجيني شعور صعب جدا، تحس نفسك وحيد وكل ما تجلس مع مجموعة تحس نفسك دخيل عليهم وهذا مو مكانك. ثالث شي صارت لي مشاكل لا نهائية بالبيت ومستمرة إلى الأن بس أبشركم مع كل هذا أنا عايشة إلى الأن لأني صرت حاطة في بالي فكرة أنا مو عايشة لأحد أنا عايشة ومستمرة لنفس وعشان أبغى أحقق طموحي وحلمي إن شاء الله.

يا مساء الخييررر والسعادة أبشركم الإختبار سهل بس صعب بنفس الوقت .. يارب تطلع درجة زينة
          الحين ندعي وننتظر إلى تنزل الدرجات ❤️

يا زين الجو والغيوم، خلاني أروق والتوتر خف الحمد لله ✨

في أشخاص حتى في عز ضيقتك لو قالوا لك كلمة يروح كل الهم إلي فيك، حتى لو هم ما يحسون إنه لها هالتأثير القوي . . . الله يدمهم ويكثر منهم ويارب يصيروا إلي عندي مثلهم . .

أعترف أنا أكثر إنسان غبي ممكن تشوفوه في حياتكم. هذا إذا كنت إنسان أصلا

أحس مالي فايدة أنا غبية أنا ما أعرف أنا ما أفهم، كرهت نفسي أنا ما أعرف أسوي شي أنا دايم غلط دايم أنا الغلطانة وأنا السبب .. وش أسوييي؟؟! كيف أصلح أغلاطي؟ محد بيعطيني مجال أبرر وإذا أعطوني ما أعرف وش أقول أصلا وحتى لو قلت بيقولوا مو سبب مقنع! خلاص تعبتت كيف أغير حياتي؟ كيف أغير هذي الأشياء الغبية فيا؟؟؟

مساء الخير للجميع ;)