هەر چەند دەگەرێم بێ سەرو شوێن ماوە دڵی من 
ئاخۆ بە چ شاخێکەوە گیرساوە دڵی من 
یاخۆ بە چی داخێکەوە سوتاوە دڵی من

ئەو هامدەمی غەمخواز و نەدیمی منە یارەب 
ئەو مەحرەمی ئەسرارو قەدیمی منە یارەب 
ئەو گەوهەری شەهوات و یەتیمی منە یارەب

ئەتلێتەوە گاهێ بە خەیاڵی خەت و خاڵی 
ئەخولێتەوە گاهێ بە چرای شەوقی جەماڵی
نازانێ ئەگەر چۆنە بەدەس دەردەوە حاڵیی

وەک  پووشوپەڵاشێکە بەدەم باوە دڵیی من