Clover_Loon 🍀

@Light_ZhanYi channel က join လိုက်ပြီနော် 

ဒေါ်လွန်း Tele accပေးပါအုံး

မင်းရေးတဲ့ စာလေးတွေကို အခုမှတွေ့လို့သဘောကျမိပါရဲ့ လွန်းငယ်။
          ကိုယ်လည်း ကျောင်းသုံးနှစ်နီးပါးထိ နားခဲ့ရပြီး စစ်ပွဲတွေ သေနတ်သံတွေ ဗုံးသံတွေနဲ့ အတူနေခဲ့ရသူပေါ့။ အပြင်ကျောင်းအနေနဲ့ ပြန်ဖွင့်လို့ grade-9 သင်ရိုးဟောင်းနဲ့ တက်နေစဉ် အဆင့် တစ် အဖြစ် ဝင်သူဖြစ်ပေမယ့်လည်း ငြိမ်းချမ်းစွာ စာသင်ခွင့်မရှိတော့တဲ့ ကိုယ့်ရွာက ကျောင်းမှာ ကိုယ်မပျော်ခဲ့တော့ပါဘူး။ ဒါကြောင့် အဆင့်တွေလည်း ဂရုမစိုက်တော့ဘဲ ပိုက်ဆံရှာဖို့သာ ကျောင်းထွက်လာခဲ့ပါတယ်။ မိဘတွေက ကျောင်းဆက်တက်ခိုင်းသော်လည်း ကိုယ့်ရွေးချယ်တဲ့ လမ်းကိုပဲ ဆက်လျှောက်လာခဲ့ပါတယ်။ လုပ်ငန်းခွင် ဝင်ရတဲ့ ကိုယ့်အတွက် စာကြည့်တိုက်တွေနဲ့ အလှမ်းဝေးသွားပြီမို့ မင်းရေးတဲ့ စာလေးမြင်တော့ ကိုယ် စာအုပ်တွေကို သတိရပါတယ်လေ။ စစ်ပြေးအနေနဲ့ ကြုံခဲ့ရတဲ့နေ့တွေ အိမ်ထဲကနေ ထွက်ချိန်မရှိတော့လို့ ရဟတ်ယာဉ်နဲ့ ဗုံးကြဲချိန်တွေမှာ စက္ကန့်တိုင်း သေဖို့ စောင့်နေမိသူလို ခံစားရပါတယ်။ စာတွေကို ကြိုတင်ကျက်ထားပါသော ကိုယ်က စာသင်ရချိန်မှာ မပျော်တော့တာ ခေတ်ဆိုးရဲ့ အဆိုးစိတ် ဝင်သွားတယ် ထင်ပါရဲ့။ ငွေက အဓိကလို့ မြင်တွေ့နေမိတဲ့ ကိုယ်က မင်းပြောတဲ့ မင်းသူငယ်ချင်းတွေလို ကိုယ့်သူငယ်ချင်းတွေလည်း အိမ်ထောင်သားမွေးပြုကုန်ကြပေမယ့် ကိုယ်ကတော့ စိတ်မဝင်စားမိပါဘူး။ မပြိုင်ကောင်းသလို ကိုယ်ကတော့ ငွေတစ်လုံးသာ မြင်မ်ိရဲ့လေ။ ငွေနောက်လိုက်တာဟာ မှားတယ်ပြောကြပေမယ့် ခေတ်ပျက်ထဲမှာ ငွေဟာ အဓိကမို့ ငွေရှာတဲ့ ကိုယ် မှားပါသလား။
          လွန်းငယ် ဘယ်လိုမြင်ပါသလဲ။
          က်ုယ်က ထင်မြင်ချက်လေး ယူရုံပါ။ စိတ်ရင်းနဲ့တွေးပြီး ဖြေစေချင်ရဲ့။
          
          အချိန်အများကြီး မရှိတဲ့ ကိုယ့်အတွက် လွန်းငယ်ဘက်က အချိန်ပေးနိုင်ရင် ကိုယ်ဖတ်ဖို့ အခုလို စာလေးတွေ ရေးစေချင်ပါတယ်။
          လွန်းငယ်နှစ်သက်တဲ့ စာအုပ်ထဲက ဖြစ်စေ လွန်းငယ်ရဲ့ အတွေးမြင်တချို့ဖြစ်စေ ဆက်ရေးထားပေးနိုင်ပါရဲ့လား။ ကိုယ်က အခုလိုစာလေးတွေကို သဘောကျတတ်သူမို့ပါ။
          Wp မှာက စိတ်ကူးယဉ် fic တွေပဲ များနေလို့ပါလေ။
          
          ကဲ..တော်သေးပါပြီ။
          ရှည်လွန်းတဲ့ စာကြောင့် စိတ်မပျက်စေချင်ပါ။
          ခွန်မိုး မှ။