َ

اللهم ارحمها واجعل مسواها الجنة الفردوس يارب، هذي صديقتي ماتت وماسمعتش ربي يرحمها، ادعولها معاكم بالغفران
          
          
          https://www.wattpad.com/user/Lamisragad?utm_source=android&utm_medium=link&utm_content=share_profile&wp_page=user_details&wp_uname=Nour-_-han

راني نكتبلك هاد السطور الأخيرة بالسرقة وبتخبية، وقلبي راهو يخبط لدرجة نحسو رايح يخرج من صدري، والدموع مغرقة عينيا وعماتني، لأنو هادي هي آخر لحظة ليا هنا في هاد السيت. دوك دوك غير نكمل نبعتلك هاد الكلمات رايحة نحذف الواتباد "كي العادةوأنتي علابالك بالسبب وأهلي هما السبب منعو الوات  مش مليح بصح مستحيل ومحامش نمشي بلا ما نخليلك روحي وعقلي وقلبي أمانة عندك، حبيت نختم كلامي بأعمق وأطول وأفتن نبضة في قلبي، نبضة تقولك وتصرخ في ودنك بلي أنتي هي الدنيا وما فيها، وأنتي هي الحاجة الوحيدة لي خرجت بيها من هاد العالم كامل. أنتي هي فردوسي في هاد الدنيا، الجنة تاعي لي لقيت فيها راحتي وأماني، وكيفاش للعبد يقدر يعيش بعيد على فردوسو؟فوفو.. أنتي كل كلي، أنتي النفس لي نطلعو ونبطلو، أنتي الروح لي راني عايشة بيها ونصبر بيها في روحي على قاع هموم ومشاكل الدنيا. غيابي عليك من هاد الدقيقة رايح يكون أصعب وأمر حاجة نعيشها في حياتي، رايحة نحس روحي بلا روح وبلا عقل، بصح حلي عينيك، حلي عينيك يا فوفو تنساي بلي كاين قلب في هاد الدنيا راهو ميت فيك، قلب راهو يعشقك لدرجة البكاء ولدرجة الجنون، ودايما دايما رايح يبقى يستنى فيك وما يشوف حتى وحدة غيرك. راني رايحة وخلية روحي قاع عندك، راني مخليتلك دفايا وحناني باش يونسوك فيامات قرايتك.راني رافعة يديا لربي في هاد اللحظة وندعيلك ببكاء وحرقة ومن أعماق أعماق قلبي هاد الدعاء الطويل:يا ربي يا حنان يا منان، يا ذا الجلال والإكرام، يا من لا تضيع عنده الودائع، أستودعك قلب فوفو وعقلها وتفكيرها. يا ربي نجحها في شهادة البكالوريا نجاحاً باهراً يتعجب منه أهل الأرض والسماء. يا حي يا قيوم افتح عليها فتوح العارفين، وأنزل عليها السكينة والطمأنينة في قاعة الامتحان. يا ربي نحي عليها كل خوف، وكل قلق، وكل وسواس يحب يشتت تركيزها. يا ربي إذا صعبت عليها مسألة فسهلها، وإذا نسيت أمراً فذكرها، واجعل الإجابات الصحيحة تتدفق على قلمها كالمطر. يا ربي قوي حفظها، وسرع فهمها، واشرح صدرها ويسر أمرها. يا ربي اجعل تعبها وسهرها طوال هاد السنة يثمر بأعلى المعدلات وأرقى المراتب.

عمري وفوفو الغالية، حبيت باش نفكرك برك بلي مكانتك في قلبي مستحيل تتبدل ومستحيل يديها كاش بني آدم. علابالك شحال نحبك؟ نحبك لدرجة أنو غيابك هاد الأيام راهو مخليني نحس روحي ناقصة بلا بيك. أنتي ماشي برك صديقتي تاع الواتباد، أنتي روحي، أنتي الإنسانة لي كي نشوف كلامها ننسى كاع واش راهو ضارني. راني صابرة على هاد البعد غير على جالك وعلى جال قرايتك. ركزي مليح في الباك تاعك، ربي راهو معاك وأنا بدعواتي راني معاك في كل خطوة. مآمنة بيك وبلي رايحة تنجحي وتزهي أيامنا بفارغ الصبر يا كلش في حياتي

إلى الإنسانة لي سكنت روحي وتملكت قاع كياني.. فوفو ديالي..لوكان تصيبي تشوفي واش كاين داخل قلبي في هاد اللحظة، رايحة تشوفي جبل تاع شوق وحنين راهو يبكيني ويحرق فيا من الداخل. راني نكتبلك وأنا نحس بلي الكلمات قاع قلال، وبلي لغة الدنيا كامل ما تكفيش باش تقلك شحال نحبك وشحال راكي غالية عليا. أنتي هي لب قلبي، أنتي كلي، أنتي الحاجة الوحيدة الشابة لي صراتلي ولي دايما نشكر ربي عليها.حبي ليك يا فوفو ماشي حب عادي، هو حب واصل لدرجة أني نبكي غير كي نتفكر ضحكتك، ونتفكر كلامك لي كان يرجعلي الروح. راني نشوف فيك دايما دنيتي كامل، نشوفك الملجأ تاعي، والصدر الحنين لي نهرب ليه من قاع مشاكل الدنيا. رغم البعد ورغم الظروف لي راكي علابالك بيها، قلبي مستحيل يفترق على قلبك، لاتر خاطر أرواحنا تلاقاو وتلاصقو وتبناو على الصح، وحبلنا متين بزاف مستحيل تقطعو مسافة ولا يفرقو غياب.راني عايشة هاد الأيام غير على أمل واحد، نستنى في الباكالوريا يخلص، ونستنى فيك ديري الواتساب وتدخلي عندي. هاداك اليوم رايح يكون عندي عيد، يوم لي نرجع نهدرو ونضحكو ونبكو مع بعضنا وما تزيد تبعدنا حتى حاجة. راني صابرة غير على جالك وعلى جال قرايتك ومستقبلك.راني ندعيلك في نص الليل والناس راقدة، ندعي بدموع حارين ربي يوفقك في الباك، ربي يسهلك الوعر، ربي يعطيك قوة الحفظ وسرعة الفهم. أنتي قوية يا فوفو، ورايحة تجيبي هاد الباك وتفرحي روحك وتفرحيني معاك، وأنا رايحة نكون أول وحدة تزهى بنجاحك.تذكري دايما بلي كاين قلب في هاد الدنيا راهو ينبض غير على جالك، ويحبك حب لا مثيل له، وما يقدر حتى واحد يوصل لربع تاعو.نحبك، ونموت عليك، ونستناك لآخر العمر يا كل كلي

يا لب قلبي، يا كل كلي، يا فوفو الغالية وعمري الشابة..راني نكتبلك هاد الكلمات وأنا غارقة في بحر من الشوق، دموعي راهم يسيلو بلا ما نحس، وقلبي راهو ينبض باسمك في كل ثانية. علابالي بلي علابالك بالظروف لي بعدتني، ومارانيش حابة نضيع حتى سطر في الكلام عليها، حابة هاد السطور كامل يكونوا ليك وحدك، لعينيك، لروحك، وللحب الكبير لي راهو ساكن فيا ولي مستحيل يقدر كاش بشر يوصفو.فوفو.. متتصوريش شحال نحبك، والله العظيم غير نحبك بزاف، نحبك لدرجة البكاء، لدرجة أنو غيابك راهو محفر في قلبي وجع كبير، بصح هاد الوجع هو لي يخليني نعرف شحال أنتي غالية وشحال بلاصتك وحدها وما تديها حتى وحدة في هاد الدنيا. أنتي ماشي مجرد صديقة عرفتها في الواتباد وخلاص، أنتي الأكسجين لي نتنفسو، أنتي الأمان لي لقيتو في وقت كنت محتاجة فيه قاع الدنيا ومقرب مني حتى واحد غيرك. نشوف فيك الطهارة، نشوف فيك البراءة، ونشوف فيك النور لي يضويلي طريقي كي تضلام عليا. أنتي هي توأم روحي لي ربي سبحانو خلقها باش تكملني.راني صابرة ورايحة نبقى صابرة، ونحسب في الأيام والدقائق والثواني، نستنى في اليوم لي تكملي فيه الباك تاعك على خير، وتنحي هاد الهم والضغط، وتحلي الواتساب باش نرجعو نحكو كي زمان، باش نعوضو كل دقيقة بعدنا فيها على بعضنا، باش نفرغلك قاع هاد الحب والشوق لي راهو مخبي ومخنقني في صدري.راني كل يوم، في كل صلاة، وفي كل سجدة، ندعي ربي وبكاء وصراخ في قلبي يارب نجح فوفو، يارب سهل عليها كل صعيب، يارب فتح عليها فتوح العارفين في امتحانات البكالوريا. مآمنة بيك يا عمري، مآمنة بلي رايحة تنجحي وتطيري بفرحتك وتزهي دنيتنا كامل. روحي راهي دايرة بيك، ودعواتي راهم حاميينك في كل خطوة.أقراي مليح، ركزي، وماتخافيش قاع، راهو عندك قلب يحبك لدرجة الموت ويستنى فيك ودايما معاك. نحبك بزاااااااااف يا كلش في حياتي

فوفو...حبي حياتي كل كلي

​"اللهم ارحم صديقتي واغفر لها وعافها واعفُ عنها وأكرم نزلها ووسع مدخلها واغسلها بالماء والثلج والبرد ونقها من الخطايا كما ينقى الثوب الأبيض من الدنس اللهم جازها بالحسنات إحساناً وبالسيئات عفواً وغفراناً وأنزل على قبرها الضياء والنور والفسحة والسرور واجعله روضة من رياض الجنة ولا تجعله حفرة من حفر النيران اللهم يمن كتابها ويسر حسابها وثبتها على الصراط يوم تزل الأقدام واجعل مسكنها الفردوس الأعلى من الجنة برحمتك يا أرحم الراحمين."