himm2000
شفت مخلية بالقائمة الرويات الي حتقرينها بعدين وشفت من بينهن رواية الوجة الاخر للرحمة انصحج بيها تموتتت هي عبارة عن أكشن تملخ ، تدور الأحداث على دكتور نفسي بيوم من الأيام يشوف بنت تحاول تنتحر وهي بدلة العرس فينصحها وما يخليها تنتحر ورا كم يوم البنت يجيبوها للمصح الي هوة يشتغل بي ومنا راح تبدأ الأحداث تملخ تملخ كلها أكشن وغموض وألف علامة استفهام تدور بعقلج وبالمصح أكو دكاترة فاسدة تحاول تشتغل شغل غير قانوني هوا دكتور شريف يحاول يكشفهم لكن للأسف راح تصيبه مصايب من وراء ذولي الدكاترة وبالأخص هم مو دكاترة مافيات أغلبهم شهادات مزورة تخبل تخبل الأحداث ،
himm2000
اني عن نفسي مو كلش قارئة لعبير بس كم رواية اعرفهن هم بالبداية ماجنت اعرف الرواية بس شفت بنية ناصحة بيها بوكت ما عرف شنو اقرا بديتها اول بارتات الاحداث عادية وشو شوية صارت اكشن وحماس ومخدرات ومافيا وطخت الرواية ببالي وبعد عجبتني الشغلة وهاية السوالف ذوقي اموت عليهن+ اي وعلي روايات عبير وابداعاتها يموتن وبيهن نصائح يخبلن وكلهن بيهن خطورة و اطراف سياسية وهية معرضة نفسها لخاطرنا + صحيح عبير مشغولة بعائلتها وفترة توقفت علمود امتحانات ابنها بس رجعت والرواية طويلة للـ 80 بارت ومن حقج مو الكل يحب ينتظر اني تكون عندي كم رواية اقراهن ولمن ينزل البارت اشوفة وارجع عليهن حتى ما ابقى انتظر البارت بعد يومين +اني هم احب الطب النفسي وقارية رواية بيها نفس الشي يمكن تعجبج ومكتملة تقريباً "الها جزء ثاني" اسمها عزلة السقر ماعرف اذا قاريتها ، عمو ادهم ونصائحة ما ينسون
Luluao
@ himm2000 ادري بهل الرواية تموت لان كاتبتها عبير إدريس اثق ثقة عمياء بهذي الكاتبة واعرفها مستحيل تكتب شي مو حلو ومينال إعجابي صح هسة خفتت شهرتها بس لساتها مبدعة صراحة مشفت اي مقتطف عنها لحد هسة بس حطيتها بالقائمة لان كاتبتها عبير واني مستحيل افوتها الها ولازم اقراها انتِ اول شخص يعطيني نبذة وكلش شوقتيني ابلش بيها وابطل مطمطة صراحة بس الفكرة بالموضوع اني أجلت قرائتها لان اعرف عبير ملتزمة بشغل وبيت وجهال وراح تكطع هواي بينه واني ما بيه انتظار لذلك ضليت انتظرها تكمل بس ما ادري احس حبلش بيها يجوز لان خوش انطيتيني نبذة حلوة عنها بالاخص اني احب الطب النفسي والروايات الي يدخل بيهن جنت اعشق عمو أدهم لان عقله خرافي ولحد هسة محتفظة بكم معلومة من عنده رغم صارلي سنوات من قارية الرواية بوسة الج على هالنبذة الخرافية الي خلتني اتحفز اروح اقراها وابلش بيها
