LoLo

 *قال ﷺ: أكثروا من الصلاة عليّ ليلة الجمعه و يوم الجمعه فإن صلاتكم معروضة عليّ*

ولادك اللي ربنا رزقك بيهم دول نعمة كبيرة، والنعمة دي في حقيقتها اختبار ليك، وعشان تنجح في الاختبار لازم تاخد بأسباب النجاح..
          وأهم سبب إنك تغير مفهومك عن التربية..
          
          التربية مش أكل وشرب ولبس، التربية رحلة كفاح مع روح إنت مسئول عنها..
          الروح دي زي البذرة مطلوب منك تغرسها في تربة صالحة، وتسقيها بتعاليم الدين، وتراعيها لغاية ما يجي وقت الحصاد..
          والتربة الصالحة دي ليها صور كتير؛ المدرسة، النادي، الجيران، الصحاب..
          
          فمتخليش حرصك الشديد على مستقبلهم، وعلى المظهر الاجتماعي يعميك وتخاطر بيهم وتربيهم في بيئات فاسدة، وتضحك على نفسك إنك هتقدر تتحكم وتحميهم..
          إنت مسئول عنهم، وهتتحاسب عليهم، فالنبي ﷺ قال: "كلُّكم راعٍ وكلُّكم مسؤولٌ عن رعيتِهِ"..
          
          فاضبط مفهومك عن التربية وخليك أد المسئولية.
           #التربية  #إعادة_ضبط

السلام عليكم ورحمة الله وبركاته 
          صباح الخير يا شباب 
          
          سيدنا عمر بن الخطاب رضي الله عنه لما شاف النبي صلى الله عليه وسلم مهموم بسبب موقف مع نساءه قال: "لَأَقُولَنَّ شَيْئًا أُضْحِكُ النَّبِيَّ صَلَّى اللَّهُ عَلَيْهِ وَسَلَّمَ".. 
          
          والإمام النووي في شرحه للحديث قال هنا: "فيه استحباب مثل هذا، وأن الإنسان إذا رأى صاحبه مهموما حزينا يُستحب له أن يحدثه بما يُضحكه أو يشغله ويُطيب نفسه". 
          
          فلو ليك قريب أو صديق مهموم حاول النهاردة تخفف عنه ولو بكلمة طيبة.

الأمانة..
          أول ما تسمع الكلمة دي هيجي في بالك علطول مفهوم أمانة المال..
          لكن الحقيقة إن الأمانة مش مرتبطة بس بالمال، دي مرتبطة بحاجات كتير جدا في حياتنا..
          فحفاظك على السر أمانة، إتقانك لعملك أمانة، حملك لِهَم الدين وإصلاح المجتمع أمانة، تحري الحلال في معاملاتك أمانة..
          
          ومن الأمانات المهمة الغايبة عننا؛ أمانة الحفاظ على الصحة..
          يعني إنت مش حر في صحتك، وجسمك، تعمل فيهم اللي إنت عايزه..
          ومش من حقك تقصر معاهم وتضرهم بأي صورة زي شرب السجاير والمخدرات، والإفراط في الأكل غير الصحي، فالله عز وجل قال: "...وَلَا تَقْتُلُوا أَنفُسَكُمْ ۚ إِنَّ اللَّهَ كَانَ بِكُمْ رَحِيمًا"
          
          فاضبط مفهومك عن الأمانة، وحافظ عليها بكل صورها.
           #الأمانة #إعادة_ضبط

السلام عليكم ورحمة الله وبركاته  
          صباح الخير يا شباب
          
          ما تستهونش بكتاباتك وتفاعلاتك على السوشيال ميديا؛ لأنك هتتحاسب عليها زي أي عمل في حياتك..
          
          قال الله تعالى: "مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ"
           
          يعني الأغنية اللي نشرتها، واللايك اللي عملته على صورة بنت متبرجة، والتعليق اللي شتمت فيه صاحبك ولو بالهزار
          كل ده بيتكتب عليك، وهتتحاسب لو مت عليه من غير توبة.
          
          ففكر قبل ما تكتب، وافتكر دايمًا إن كلماتك ليها وزن، وخلي ليك بصمة طيبة وأثر إيجابي في حياة الناس.

إليكِ أنتِ ..
          
          سيأتي الذي يتقبُل عِلاتكِ
          هفواتِك وذَلاتكِ
          ِ
          سيأتي الذي يُنسيكِ
          آلامِكِ ، أخطائكِ ومُعاناتكِ 
          يتحملُ نوباتُ غضبكِ 
          وجنونكِ
           
          سيأتي الذي يُؤمنُ بأحلامكِ 
          ويجعلُها حقيقة 
          ويأخذُ بيدكِ 
          إلى صالِح أعمالكِ
          
          فما لصبركِ إلا العوض الجميل .

أدعية بعد التشهد الأخير وقبل السلام
          اللَّهُمَّ بِعِلْمِكَ الغَيْبَ وَقُدْرَتِكَ عَلَى الْخَلْقِ أحْيِنِيْ مَا عَلِمْتَ الْحَيَاةَ خَيْرًا لِيْ، وَتَوَفَّنِيْ إِذَا عَلِمْتَ الْوَفَاةَ خَيْرًا لِيْ، اللهم إِنِّيْ أسْألُكَ خَشْيَتَكَ فِيْ الْغَيْبِ وَالشَّهَادَةِ، وَأسْألُكَ كَلِمَةَ الْحَقِّ فِي الرِّضَا وَالْغَضَبِ، وَأسْألُكَ الْقَصْدَ فِيْ الْغِنَى وَالْفَقْرِ، وَأسْألُكَ نَعِيْمًا لَا يَنْفَدُ، وَأسْألُكَ قُرَّةَ عَيْنٍ لَا تَنْقَطِعُ، وَأسْألُكَ الرِّضَا بَعْدَ الْقَضَاءِ، وَأسْألُكَ بَرْدَ الْعَيْشِ بَعْدَ الْمَوْتِ، وَأسْألُكَ لَذَّةَ النَّظَرِ إِلَى وَجْهِكَ، وَالشَّوْقَ إِلَى لِقائِكَ فِيْ غَيْرِ ضَرَّاءَ مُضِرَّةٍ، وَلَا فِتْنَةٍ مُضِلَّةٍ، اللهم زَيِّنَّا بِزِينَةِ الْإِيْمَانِ، وَاجْعَلْنَا هُدَاةً مُهْتَدِيْنَ.
          
          

3 حاجات لو عملتها هيبقى ليك مكان جميل أوي في الجنة بإذن الله.. 
          
          قال رسول الله ﷺ: "إِنَّ في الجنةِ غُرَفًا يُرَى ظَاهِرُها من باطِنِها، وباطِنُها من ظَاهِرِها". فقال أبو مالِكٍ الأَشْعَرِيُّ: لِمَنْ هيَ يا رسولَ اللهِ؟ قال: "لِمَنْ أَطَابَ الكَلامَ، وأَطْعَمَ الطَّعَامَ، وباتَ قائِمًا و الناسُ نِيامٌ" 
          
          فنضف لسانك من كل فُحش وماتتكلمش إلا بكل جميل
          وزي ما ربنا أنعم عليك وأطعمك، أطعم خلقه
          وحافظ على قيام الليل ولو بركعتين 
          
          وأبشر خيرا.

السلام عليكم ورحمة الله وبركاته 
          صباح الخير يا شباب 
          
          أنا عايزكم تجيبوا سقف توقعاتكم عن الجنة ونعيمها، وتوصلوا لأقصي تصوراتكم عنها
          وبعدها اقرأوا قول ربنا تبارك وتعالى في الحديث القدسي: "أعْدَدْتُ لِعِبادِي الصَّالِحِينَ، ما لا عَيْنٌ رَأَتْ، ولا أُذُنٌ سَمِعَتْ، ولا خَطَرَ علَى قَلْبِ بَشَرٍ"
          
          يعني الجنة وكل ما فيها برا صندوق التفكير البشري بكل أشكاله..
          
          فسيروا في طريق الصلاح يا شباب واصبروا عليه وأبشروا بالجنة ونعيمها.
          
          اللهم إنا نسألك الجنة وكل ما قرب إليها من قول وعمل

صيف ومصيف ولمة العيلة والصحاب وبنكون عايزين نرفه عن نفسنا على أد ما نقدر وبنقعد نفكر ونخطط هنتبسط إزاى 
          بس الخطة دى يا شباب ماينفعش يكون فيها حاجة حرام زى سماع الأغاني وحضور حفلاتها مثلا 
          فكروا معايا كده الأغاني دى فيها حاجتين (كلمات وموسيقى)
           الموسيقى  حرام باتفاق المذاهب الأربعة والخلاف فى الموضوع ده ضعيف جدا.
           الكلمات فقط من غير موسيقى  الحلال منها حلال .. والحرام منها حرام.
          
          يعني أى أغنية طالما فيها موسيقى حرام نسمعها حتى لو كانت كلماتها محترمة جدا .. حتى لو كانت أغنية دينية 
          
          فما بالكم بقى لو الكلمات كمان كلها إسفاف وبذاءة زى الأغاني المنتشرة حاليا 
          
          وكل الكلام اللى فات ده لو بتسمعوا الأغاني بس  فما بالكم بقى بحضور الحفلات بتاعتها 
          متخيلين ساعتها كوكتيل الذنوب والمعاصي ( موسيقى واختلاط غير جائز بين شباب وبنات ورقص وعري وسجاير وممكن يكون كمان فيه خمور ومخدرات ).
          
          بالله عليكم فيه حد عاقل وفطرته سليمة يقول إن ده حلال؟!
          
          الخلاصة يا شباب  افرحوا واتبسطوا ورفهوا عن نفسكم بس بما يُرضي الله .. وأنا عارف إن ده ممكن يكون صعب ومش بالساهل بس خليكوا دايما فاكرين إن الجنة غالية ومش ببلاش بس تستاهل نتعب علشان ننولها بفضل الله