من گوڵێکی سیس و ژاکاوم، وجودم پەڕپەڕە!
چەرخی سپڵەش بولبولێکە و هەر وەکو خۆی دڵتەڕە
تۆش هاودەستی چارەنووسی و بۆ نەمانم حەولتە!
ئێوە دوون و من یەکێکم، کەی ئەوە ڕەسمی شەڕە؟!
دوژمنی وەک تۆم نەدیووە، پڕ بە دڵ خۆشم دەوێی!
قەستی گیانیشت ئەگەر بێ، هەر بە لامدا تێپەڕە!
چاوەکەت جەلادمە و پرچت تەنافی گەردنم!
بۆتە سێدارەی من، ئەو بەژنەی دەیانگوت دلبەرە!
مەرگی من، کە زۆر لەمێژە بۆتە ئاواتی دڵت
من دەمرم و تۆش بە ئاهەنگی نەمانم هەڵپەڕە!