MOH_Elias

•••

•••

مش عارف آخر مره جيت هنا كانت امتى ، مش معناه اني نسيتك بس منصتك بدخلها بحس اني هكتئب 
          ما علينا 
          تاني عيد ميلاد ليك من ساعة ما عرفت خلقتك، أنت اللي يعتبر فوقتني من اللي كنت فيه و طبعا مش ناسيلك ده ولا هنساه ولا كل اللي كنت بتعمله عشاني
          مش ناسي برضو أن أول تعامل بينا كان خناق تقريبا انا اللي كنت بدأتها ^_^
          أتدري رغم أن نكشك ليا كان بيستفزني بس للأسف كنت بحبه 
          و هقول نفس الحاجه الدرامية تحت وحشتني أنا التاني 
           كنت بتستفزني كتير بس كنت بعديها عشان أنت غالي و هتفضل غالي و طبعا مستني خلقتك رغم ان عندي سنة ما يعلم بيها إلا ربنا " يادي الحزن "
          كنت أتمنى تكون موجود عمتا عشان اقولك كزه حاجه بس عادي برضو مستنيك و اتمنى تكون بخير و ترجع بالسلامة
          كل سنة و أنت طيب يا ضاكتور 

احم احم تاني عيد ميلاد من اول ما عرفتك "نفسي اقول معرفة منيلة واعمل دراما بس بصراحة هكون كداب" طبعا انت مش موجود فدا هنا للذكرى عشان لما تيجي تشوفها دا لو حصل وافتكرتنا وكدا 
          ومن الجدير بالذكر أن اخر مرة اتكلمنا ٢١/١١ واحنا حاليا ١٤/٨ واه بكتب البوست بدري فهقولك حاجه درامية شوية وهي وحشتني 
          
          اول حد عرفته في الشلة المعاقة واكتر حد كنت مستني اتخانق معاه ونقطع دا بغض النظر عن أننا كنا بنقطع كل يومين مرة وبعدها نتكلم بس من غير سبب
          
          اجدع حد عرفته بصراحة والوحيد اللي فعليا اتعلمت منه حاجة "أو للدقة انا متعلمتش انا بس بشوفها مش اكتر" وهي أن مهما الشخص عمل بتحاول تراعي ظروفه والدنيا معاه حتى لو اتأذيت نوعا ما ودي من اكتر الحاجات المميزة في شخصيتك 
          
          ليك مواقف كتير مش ناسي منهم ولا واحد بداية من تعارفنا المعاق واخر بوست اللي شردنا ومتعلمناش واتشردنا تاني في منشن انتهاء ببنتر وبمنشن تالت واللي بالمناسبة وات دلوقتي بيخلي المنشن يشرد اي حد بيتكلم فيه حرفيا وطبعا مش عايز اقول انك لو موجود كنا اول اتنين هنتشرد مش عارف ايه سر حبنا أننا نتكلم منشن حتى وبنتر موجود 
          
          عامة مقتنع انك ان شاء الله هتفتح تاني واطلع عليك قلشك الرخيص كله ونتخانق الخناقة اللي قولنا عليها ونشرد وات كله من تاني 
          وسواء دا حصل فعلا أو لا فأتمنى انك تكون بخير وبس حتى لو مفتحتش وات أو حتى لو فتحت وقطعنا "هات هدية عيد ميلادي وبعدين اقطع" فأتمنى بردو تكون بخير
          وكدا رسميا اقدر أعلن انك دكتور شحط كبير 
          كل سنة وانت طيب يا زوز 
          Happy birthday to you المفروض اغني وكدا بس منصتك الحقيرة هتعملي بلوك عارف فبجمع كله في نفس البوست 

•••

_

•••

مُريح إنك تسيب كل حاجة لتدابير ربنا، وتبقى متأكد من جواك إن كل اللي بيحصل خير ليك، وإن ليك سند عمره ما هيسيبك أبداً. 

مشيئة ربنا هتحصل في الآخر على كل حال؛
          
          فا متضيعش عمرك كله في التفكير والحسابات، وكن على ثقة إن الخير فيما بيختاره ربنا ليك، وإن اختياره هو الأنسب والأحسن حتى لو جه عكس اللي انت عايزه، وكل حاجة بيختارها ربنا ليها حكمة، حتى لو انت مش فاهم السبب
          
          اختيار ربنا وتدبيره ليك أجمل بكتير من أي حاجة انت بتتمناها لنفسك أو بتجري وراها
          
          لو هتدعي ربنا بحاجة، ادعيه إن مشيئته توافق مشيئتك، وإن اللي انت عايزه يبقى هو نفسه اللي مكتوب ليك
          
          لأن الله، رب الخير، لا يمنع خيرًا، ولا يأتي بشرٍ.

•••