MOULOUDoubellil45

@ MOULOUDoubellil45  
            
            مرحبا بالنسبة إلي الرواية عجبتني، وأسلوب السرد جميل وواضح وسهل المتابعة. وإذا بدك شوية نصائح مني، فهي مجرد اقتراحات يمكن تفيدك.
            
            أولًا، حاول تخفف من الشرح المباشر للمشاعر، وخلي أفعال الشخصيات، تعابيرهم، وحواراتهم هي اللي توصل إحساسهم للقارئ. الإظهار دائمًا يكون أقوى من الإخبار.
            
            ثانيًا، إذا المشهد أو الفعل وصل الفكرة والمعنى، فما في داعي تضيف بعده جملة تشرح للقارئ شو صار، لأنه القارئ رح يكون فهمها من الحدث نفسه.
            
            وثالثًا، أعطِ اللحظات الكبيرة مساحتها الكاملة، وما تستعجل بالانتقال للحدث اللي بعده. أحيانًا التوقف عند المشهد وإعطاؤه وقته يكون تأثيره أقوى من الركض بالأحداث. لكن بصراحة بهاي النقطة ما بقدر أفيدك أكثر من هيك، لأني أنا كمان لحد الآن بحاول ألاقي التوازن فيها، ومرات بحس إني بوقع بالتمطيط، فهاي من أصعب الأشياء في الكتابة.
            
            وأخيرًا، استمر باستخدام الوصف السهل والواضح، لكن بدون مبالغة حتى ما يبطئ إيقاع السرد. وبالمناسبة، هاي نقطة أنا كمان بوقع فيها أحيانًا، فاعتبرها ملاحظة من شخص لسه بتعلم، مش انتقاد. 
            
            وبالنسبة لتأخير الفصل القادم، لا تشيل همه. إذا عندك أسباب تمنعك من التنزيل، فالقراء أكيد رح يتفهموا، والأهم إنك تنزل الفصل وأنت راضٍ عنه، لأن الجودة أهم من الاستعجال.
            
            وبالتوفيق، وإن شاء الله الفصل القادم يكون يستحق الانتظار.