مـاههيـتـاب .

الي تقره واطبق هذا الشرح راح تكدر تفتح صالون واغلب التعليمات تكدر اطبقها بخصل صغيره  #المنشور_الشامل_لاكثر_الامور_المهمه_بعمل_الصالون
          شرح عن الميش وقصر الشعر وسحب لون الشعر وسحب الحنه وطريقة الصبغ والتاتو والمكياج وطرق معالجة الشعر وافضل ماركات التسريح وافضل ماركات البلوندر والاوكسجين والمكياج
          1/قصر الشعر بالميش
          المقادير تكدرون تغيروها حسب طول وكثافة الشعر 
          مكيالتين بلوندر ابيض + 4 مكيالات اوكسجين تركيز 12 + مكياله بديل الزيت #يفضل استخدام بلوندر هيلين ايطالي او oro انرجي او اكوارلي او ايكورا  #يفضل استخدام نوع الاوكسجين مشابه لنوع البلوندر  #يفضل استخدام بديل الزيت لوريال 
          /// بعد خلط البلوندر والاوكسجين والبديل الزيت نضعهم ع الشعر وبعدها نلبس كب نايلون او كيس او علاقه / المهم نايلون عازل ونستخدم هواء دافي بالشسوار لمدة 10 او 15 او20 دقيه يصبح لون الشعربرتقالي فاتح بعدها يتم غسله 
          هذه الطريقه فقط لقصر الشعر من الالوان الغامقه ولا تفيد مع الحنه او العشبه او اللون الاحمر 
          2/قصر الشعر بالعصاره وهي تفيد الالوان الغامقه واللون الاحمر وتفيد ايضا بسحب العشبه من الشعر وكل الالوان ما عدا الحنه
          نستخدم من عصارة سحب اللون مكيالتين + 4 مكيالات اوكسجين تركيز 9 + مكياله بديل الزيت 
          نخلطهم جيدا ونضعهم ع الشعر ونضع نايلون ع الشعر كيس او علاقه او كب نايلون ونستخدم هواء دافي لمده ربع او نص ساعه او اكثر حسب احتياج الشعر وعندما يصبح الشعر لونه برتقالي فاتح يتم غسله جيدا 
          3/ طرق سحب الحنه 
          يفضل استخدام مادة سحب الحنه الهيلين الايطاليه نضع منها مكيالتين + 4 مكيالات اوكسجين تركيز 9 + ملعقة بديل الزيت .... نخلطه جيدا وبعدها نضعه ع الشعر لمده تختلف من شعر الى اخر ونضع كيس نايلون او كب نايلون وبعدها نستخدم هواء دافي بالشسوار وننتظر حتى يصبح لون الشعر برتقالي او

صالون وفن الحلاقه النسائية كوافيره تـــــــــــاج ♕♡:
          س4/ماهو القصر البارد وماهي مواده وهل يكون مؤذي للشعر ام لا
          
          ‏القضر البارد. هو تتفيح لون الشعر نستخدمه للشعر التعبان واذا اصرت الزبونه اله تسوي تفتيح او تجي زبونه وتريداللوان هادئ تحتاج تفتيح بسيط طبعا القصر البارد موذي هم لشعر مدام بيه اوكسجين بس التلف مالته يكون اخف من باقي طرق القصر مواده اما تخلطين بلوندر ابيض الي هو يكون بارد ويه اوكسجثن 10او20 مع اضافه معالج او عصاره قصر بارد جاهزه‏
          
          س/ على ماذا نعتمد بمعرفه درجات القصر
          
          حبيباتي نعتمد بالقصر علي الالوان الاساسيه درجات التفتيح من 1-10 
          الاسود والبنيات والاشقر غامق والاشقر متوسط والاشقر فاتح والاشقر فاتح جدا والاشقر فاتح جدادجدا
          هي هاي درجات القصر الي يبدي الشعر يفتح من الغامق الي درجه 10او اكثر

صالون وفن الحلاقه النسائية كوافيره تـــــــــــاج ♕♡:
          س2/ ماهي مقادير القصر؟    ج/مكياله بلوندر 2 مكيالات اوكسجين
          
          س3/ ماهو الشعر العنيد وكيف نتعامل معه؟
          
          الشعر العنيدد. هو الشعر المصبوغ
          الوان داكنه جدا من درجه 3فما دون يعني 3-2-1 
          وكذلك المخلاله حنه
          او عشبه مو اصليه
          او مصبوغ الوان حمارات بصبغه رديئه
          طريقه التعامل معه الافضل انسوي اختبار علي خصله ببعض الحالات مثلا اذا اجتج زبونه صابغه عشبه وشكتي بنوعيه العشبه سويله اختبار علي خصلع
          اذا اجتج زبونه مخليه حنه وشكتي بنوعيه الحنه هم سوي اختبار اما اذا تجيج اتكلج انه صابغه اسود بدون ماتفكريم سويله سحب لون بدون ماضيعين وقت
          تستخدمين عصاره سحب لون وتخلطين وياه اوكسجثن ومعالج ضروري

حبيباتي نعتمد بالقصر علي الالوان الاساسيه الماتعرف الالوان الاساسيه هي الوان الشعر الطبيعيه
          هسه نجي نعرف شنو الالوان الاساسيه هي
          اسود -بني غامق -بني متوسط-بني فاتح -بني فاتح جدا -اشقر غامق -اشقر متوسط -اشقر فاتح -اشقر فاتح جدا -اشقر فاتح جدا جدا
          هسه عرفنه الالوان الاساسيه نجي نحجي اشلون نعرف درجه القصر اول ماتحطين ماده القصر علي الشعر راح يبدي درجه التفتيح من المرحله الواصله الشعر مثلا انتي الشعر الجاي اتقصريه لونه الطبيعي هو 2بني غامق يعني من تحطين الماده علي الشعر راح يتفتح لون الشعر من درجه 2وبعده 3بني غامق وبعده4بني متوسط وبعده 5بني فاتح وبعده 6اشقر غامق وبعده 7اشقر متوسط وبعده 8اشقر فاتح. وهكذا منا لمن يوصل لدرجه 10الي هي درجه الثلجي (اشقر فاتح جدا جدا)
          نزلتلجن الالوان بالصور واطلعهن عليه وانتن تعرفن الي اي درجه وصل قصرجن لان جايات بالتدريج وانطيتجن اسماءهن وارقامهن هسه عدجن بس شغله وحده من تجين اتقصرين الشعر اول شغله تباوعين الشعر شنو لونه يادرجه واصل وثاني شغله اتحددين الدرجه التردين توصليله مثلا اجتج زبونه اتريد شقارات او زيتونيات او رماديات غامقه او متوسطه بهاي الحاله انتي اتعرفين هيج الوان تحتاج قصر درجه 8فما دون اما اذا اجتج اتريد شقارات فاتحه ابلاتيني سلفر ثلجي هاي الالوان انتي عدج معلومه عنه هي تحتاج قصر درجه 8فما فوق وهكذا@

اشرحلجن الفرق بين البلوندر الابيض والازرق
          حبيباتي اول شي هي ضروري اتعرفن استخدامهن
          نستخدمهن للميش وللقصر بس بحالات مختلفه وشرحتلجن قبل هذا الدرس اشلون ايكون استخدامهن بالقصر وباي طريقه نستخدمهن
          بقت شغله ضروري اتعرفنه هو انو البلوندر الازرق ايكون حار علي الشعر وممنوع استخدامه ويه اوكسجين 40وخاصه للشعر التعبان لان حيقضي علي الشعر نهائيا 
          يفضل استخدامه ويه اوكسجين 20حتي مايتعب الشعر وبالتالي تحصلين علي نتيجه مرضيه وامنه
          نسخدمه للميش الذهبي والزيتوني والاحمر.......
          اما البلوندر الابيض فيكون عكسه تماما يعني ايكون بارد علي الشعر ومايتعب الشعر كلش ونكدر نستخدمه ويه اوكسجين 40%لان هو بارد بس بحاله الشعر اذا كان تعبان نتجنب استخدامه ويه اوكسجين 40
          نستخدمه للميش الثلجي والبلاتيني والفضي 
          نستخدمه بمرحله القصر البارد ويه اوكسجين 20%ويكون كلش امن علي الشعر 
          
          واكو انواع اخره للبلوندر والي هي البلوندر الاحمر الي نستخدمه للميش الاحمر والبلوندر الاسود او الرصاصي
          لكن اهم شي عدنه هو البلوندر الازرق والابيض
          

10%الي هو نفسه 3%اكو شركات تكتب هيج بس بالحالتين هو نفس التركيز
          و20%الي هو نفسه تركيز 6%
          و30%الي هو نفسه تركيز 9%
          و40%الي هو نفسه تركيز12%
          و60%الي هو نفسه تركيز18%
          هذني يجن بصيغتين اما هيج او هيج بس هنه اثنينهن نفس التركيز بس اكو شركات اتغير بس انتن اذا شفتن 3%يعني هو نفسه 10%
          هسه نجي لاستخدامه
          ال10نستخدمه لتشقير وللتخصيب ولصبغ الالوان الغامقه وتغطيه الشيب وكذلك اذا ردنه نصبغ شعر وردنه انبقيه نفس لونه بس نحيي اللون نستخدم 10حتي مايكون قوي ويطينه تفتيح اعله
          20%نستخدمه ويه الصبغات وهم ويه القصر علي مرحلتين مثل ماشرحت سابقا
          30%نستخدمه للميش وللصبغ الالوان الفاتحه وللقصر
          40%نستخدمه للميش ولصبغ الالوان الفاتحه جدا وللقصر 
          و60%ابد بكل الاحوال ماانصح بستخدامه لان قوي كلش 
          هسه بقت شغله لازم انبه عليه انو نجاح الصبغ والقصر واي شي هو يعتمد عليج انتي اذا اختاريتي نوعيه اوكسجين واصباغ ماركه مضبوطه نجح شغلج اما اذا لا ماراح اتحصلين نتيجه مرضيه لا الج ولا لزبونتج 
          بالنسبه الي افضل استخدام الكوكو هير والكوارلي

بعد ماشرحنه طرق القصر وشرحنه سحب لون الشعر
          هسه نشرح القصصر البارد يعني تجيج زبونه شعره تعبان وتريد اتفتح لون شعره اول شي اتنصحيه انو ماتقصر لان القصر اياذي شعره اكثر اذا اصرت انو تقصر تشتغليه قصر بارد لشعره 
          اكو قصر بارد يجي جاهز عصاره هي واوكسجينه مجرد ماتخلطينه سوه ويه ماده معالجه وطبقينه علي الشعر مثل الصوره هاي النزلته الجن وهاي الطريقه علي الاكثر توصلج درجه تفتيح 8يعني ماتنطيج درجه صافيه للشعر 
          بس اتكون اشويه امنه للشعر
          اما الطريقه الثانيه هي للقصر البارد
          هي اتخلطين مكياله ابلوندر ابيض +مكيالتين اوكسجين 10او20 حسب درجه التلف +ماده معالجه
          وهاي الطريقه هم امنه اشويه للشعر يعني ما اتلفه كلش
          الطريقه الثالثه هي تستخدمين محايد واوكسجين تخلطين مكياله محايد ويه مكياله اوكسجين ويه ماده معالجه 
          وهاي الطريقه هم تنطيج درجه تفتيح كلش قليله 
          
          اني من اكول قصر بارد مو معناه ما ياذي الشعر لا اياذيه لان هم بيه اوكسجين وبيه امونيا وهم ايتعب الشعر بس التلف ايكون اقل كلش من الطرق السابقه يعني مايتلف الشعر كلش

اول شي بالقصر هي انطيجن اساسياته
          مواد القصر هي 
          بلوندر (ازرق اوابيض حسب الطريقه الراح تستخدميه) 
          اوكسجين (تركيزه كذلك حسب الطرق الراح اذكره )
          ماده معالجه (اولبلكس او بديل الزيت) 
          هسه عرفنه مواده راح اشرحلج طرقه اله اهواي طرق اكو بيه ضاره او اكو بيه نافعه يعني مو اي فيديو اتشوفنه باليوتيوب ترحن اطبقنه انتن لا غلط اكو بيه قنوات شرحه غلط مجرد تشتغل علي خصل شعر ميته ايكون التطبيق مالته وانتن اتشوفن النتيجه كدامجن صفار صافي حسبالج من اطبقنه علي شعرجن راح تحصلن مثل النتيجه لا حبيباتي غلط شعر عن شعر يختلف اكو شعر صحي يتحمل واكو شعر تعبان مالازم ينقصر واكو شعر تعبان نكدر انقصره بس بطريقه صحيحه حتي مايتلف واكو شعر عنيد ماياخذ بالقصر ابد
          لذلك اول شي لازم اتشوفين شعر الزبونه وشنو صابغه وشنو بشعره وتشتغليله حسب شعره ييعني اذا شعره تعبان تشتغليه بطريقه تختلف عن اذا كان صحي وكذللك اذا شعره عنيد هم طريقته تختلف عن الشعر الموعنيد 
          ملاحضه (الشعر العنيد هو المصبوغ حمارات وحنه ومصبوغ اسود او الالوان داكنه كلش)

إذا كان الشعر طبيعي لونه وبيه شيب نسبه ٥٠ او ٧٥ بلميه نصبغ واللون المطلوب أشقر طبيعي 
          
          أشقر رمادي غامق 6.1
          كستنائي رمادي غامق 5.1
          اشقر مطفي غامق6.2
          أشقر غامق مركز او مكثف 6.00
          6.11
          7.11
          كستنائي فاتح شوكلاته 
          بني شوكلاته 
          أشقر بيج غامق 
          أشقر غامق 
          6.22
          7.22
           اي لونه منهم مع اوكسجين 20...10
          
          وقت الصبغ ٤٥ دقيقه
          
          مرات نصبغ هذا الألوان ومياخذ الشيب 
          
          نستخدم طريقه التخصيب
          
          اذ كان الشيب %١٠٠ نشتغل طريقه معزز الون لي هيه صبغه بدون اوكسجين او اي اضافات فقط الون ان كان بني فاتح او رمادي غامق او اشقر فاتح او بني متوسط او اشقر غامق اي لون متوفر تصبغي لشعر كله وره ربع ساعه نصبغ الون المطلوب بدون مانغسل الشعر اكثر شقارات فاتحه اصبغو 
          إذا كان الشعر شيب ٥٠ بلميه او اكثر
          وشعره طبيعي واللون المطلوب بلاتيني شقارات  الطريقه شلون 
          
          قصر الشعر نفس الطريقه إليه شرحتلكم بيه  سابقا
          ا ذا كان اللون المطلوب بلاتيني
          نصبغ بعد القصر ٩ او ١٠
          أشقر فاتح جدا مركز او مكثف 9.00 نص عصاره 
          أشقر فاتح جدا جدا مطفي 10.2
          ربع 
          قليل من الأخضر 
          اوكسجين ٢٠ 
          يصير بلاتيني بيه لمحه خضار 
          اذا كان اللون المطلوب زيتوني القصر يكون 8
          صبغ 
          7.22 أشقر متوسط مطفي مركز 
          8.22 أشقر فاتح مطفي مركز 
          6.1 أشقر رمادي غامق 
          8.2 أشقر فاتح مطفي 
          7.2 أشقر متوسط مطفي 
          مع اوكسجين ٢٠ 
          مع أخضر اي لونه منهم او تخلطين اثنين عادي كل التدرجات تخبل 
          تحياتي

السلام عليكم 
          الى كل صالون مبتدئة راح نشرحلكم عن الاصباغ الي تهمكم بشغلكم .....
          
          1- الميش : نحتاج عصارة اشقر ثلجي و اشقر بلاتيني وعصارة محايد  اذا جتي زبونة تريد ثلجي او بلاتيني لازم متوفرات هاي العصارات ....
          
          2-  ميش المخضر : لازم تتوفر اشقر مطفي اشقر زيتوني متوسط واشقر زيتوني فاتح واشقر زيتوني فاتح جدا ولازم مطفي اخضر 
          
          3-  ميش الذهبي : اشقر ذهبي فاتح 
          
          4- توحيد الوان الشعر الوان الغوامق واكيد اوكسجين 20  
          اشقر رمادي غامق واشقر ذهبي غامق  وبني ..
          
          5-  الزيتونيات : نحتاج اشقر زيتوني فاتح واشقر زيتوني متوسط واشقر زيتوني فاتح جدا  والمطفي الاخضر 
          
          6- سلفر والفضيات : نحتاج اشقر رمادي فاتح جدا واشقر رمادي فاتح جدا جدا وازرق وبنفسجي .... اشقر دخاني والفضي 
          والاسود نحتاج نقطة من عندة بالسلفريات 
          
          7- الون الشعر الجوزي والصاجي : نحتاج شكولاتة و اشقر بندقي اشقر غامق وطبعا هاي الالوان نضيف وياهة نقطة مطفي اخضر علمود وراها متتحول الى زنجاريات 
          
          8- الشقارات : نحتاج اشقر ذهبي فاتح و اشقر ذهبي متوسط واشقر ذهبي غامق وبع حسب الخلطة لازم تتوفر عندج الشقارات ...السلام عليكم 
          الى كل صالون مبتدئة راح نشرحلكم عن الاصباغ الي تهمكم بشغلكم .....
          
          1- الميش : نحتاج عصارة اشقر ثلجي و اشقر بلاتيني وعصارة محايد  اذا جتي زبونة تريد ثلجي او بلاتيني لازم متوفرات هاي العصارات ....
          
          2-  ميش المخضر : لازم تتوفر اشقر مطفي اشقر زيتوني متوسط واشقر زيتوني فاتح واشقر زيتوني فاتح جدا ولازم مطفي اخضر 
          
          3-  ميش الذهبي : اشقر ذهبي فاتح 
          
          4- توحيد الوان الشعر الوان الغوامق واكيد اوكسجين 20  
          اشقر رمادي غامق واشقر ذهبي غامق  وبني ..
          
          5-  الزيتونيات : نحتاج اشقر زيتوني فاتح واشقر زيتوني متوسط واشقر زيتوني فاتح جدا  والمطفي الاخضر 
          
          6- سلفر والفضيات : نحتاج اشقر رمادي فاتح جدا واشقر رمادي فاتح جدا جدا وازرق وبنفسجي .... اشقر دخاني والفضي 
          والاسود نحتاج نقطة من عندة بالسلفريات 
          
          7- الون الشعر الجوزي والصاجي : نحتاج شكولاتة و اشقر بندقي اشقر غامق وطبعا هاي الالوان نضيف وياهة نقطة مطفي اخضر علمود وراها متتحول الى زنجاريات 
          
          8- الشقارات : نحتاج اشقر ذهبي فاتح و اشقر ذهبي متوسط واشقر ذهبي غامق وبع حسب الخلطة لازم تتوفر عندج الشقارات .....