MaiSaqr55
السلام عيلكم معكم متابعة جديدة في ذلك التطبيق الجميل تحب قراءة الروايات والقصص، أنا مؤقتًا مجرد قارئة لكن قريبًا سيبدأ هدفي الحقيقي والأساسى من دخولي التطبيق الذي سيكون فيه أول رواياتي♥️
سيبنا من الكلام الفصحى وخلينا ندخل في العامي، بالبلدي كدا معاكم واحدة مطحونة في ثانوية عامة أدبي بتعشق القراءة والكتابة من الصغر كتبت قصص كتير من صغري لحد دلوقتي وكمان كتبت اول رواية ليا على الإطلاق بس لسة مخلصتهاش بس عمري ما نشرت اي حاجة من اللي كتبتهم، عدا قصة قصيرة اشركتها في مسابقة وكسبت فيها كانت حاجة غير متوقعة بالنسبالي فأنا زي ناس كتير فكرت اني عديمة الموهبة ومعنديش مؤهلات وان اللي بكتبهم حاجات تافهة بس لما كسبت ومدح صديقاتي ليا وفي كتاباتي اتحفزت اعمل أولى رواياتي وانشرها في طريق تحقيق حلمي وربنا يشهد اني كتبتها من غير ما اقلد حد عشان لو ظهرت حاجة شبه بعض الأحداث ودا طبيعي بيحصل، حاجات الهمتني وعجبتني من كتب وروايات وقصص وأفلام خليتني اكتبها، أسفة على كمية الرغي حبيت أعرف عن نفسي بس لأن بإذن الله لما أخلص ثانوية عامة هنشر أول رواية ليا بكتبها من أيام ما كنت في أولى ثانوي(16 سنة)، لكن بدأت أكتب بذمة وصفحات بدل سطور في الاجازة الصيفية قبل ما دخل على جحيم تالتة، هنشرها في حساب تاني غير دا باسم (MaiSaqr) صقر دا الاسم العيلة وهيكون اسمي كا كاتبة جديدة، أشوفكم على خير إن شاء واسفة تاني على كمية الرغي اللي مبرغيهوش في حياتي غير في الكتابة اللي بطلع فيها كل اللي في قلبي♥️
وداعًا إلى وقت قريب كان معكم (مطحونة ثانوية عامة).
MaiSaqr55
@ user88407416 مش عارفة أقولك ايه الصراحة، رسالتك فرحتني وشجعتني جدًا، جاتلي في وقت كنت محتاجاها أوي، مبسوطة جدًا إن القصة عجبتك وألهمتك مكنتش متوقعة إنها تعجب أو تلهم حد، وشكرًا كمان وعلى نصايحك الجميلة، عندك حق أنا فعلًا ناوية أكتب قصص أطول وأضيف نهايات سعيدة ورومانسية بإذن الله هعمل بنصيحتك.
تسلميلي على كل كلمة وكل دعوة، ربنا يوفقك يا رب وتحققي اللي تتمنيه وتعدي الثانوية على خير، أنا حاسة بيكِ ومريت بنفس تجربتك، لإن بالمناسبة الرسالة قديمة كانت من سنتين لدرجة إني استغربت إن الرسالة لسة عايشة وموجودة متوقعتش نهائي حد يشوفها أو يرد عليها، فرسالتك كانت مفاجأة لطيفة الصراحة أنا في تانية جامعة حاليًا، عديت المرحلة الثانوية رغم صعوباتها وإنها مرمطتني جامد بس الحمدلله، بإذن الله يا رب يا قلبي تنجحي وتعدي على خير وتخشي كلية أحلامك، انتِ بإذن الله قدها وقدود واثقة فيكِ.
بتمنى ليكِ التوفيق والسداد في كل اللي جاي برضو.
وتسلمي مرة تانية، دي أجمل رسالة تشجيع جاتلي
user88407416
@MaiSaqr55 كمان شوفت بوست على الفيس مش عارف الراجل ده مجنون رسمي ولا ايه استمري وفكك من الناس دول
user88407416
@MaiSaqr55 بالتوفيق يارب و كفاية قصتك دي ألهمتني والله وصعبت عليا بس عايز أقولك ربنا يوفقك في حياتك و كل اللي جاي وإنتي قادرة تعمليها على فكرة قريت قصتك والحق لله فنانة بس لو تقدري تسردي قصص يعني فيها شوية رومانسية ودراما لإن ده اللي بيجذب القارئ وحاولي تكتبي روايات طويلة فيها من الشخصيات المهمة والعريقة واللي الدنيا جاية عليه بس في النهاية حاله بينصلح وربنا بيراضيه الناس والقراء بيحبوا النهايات السعيدة هي القصة اللي كتبتيها حلوة على فكرة وبتوضح جانب من الناس في المجتمع اللي بتحصله مأساة ومش بيقدر يتخطاها بس الواحد لازم يتجنب ويعدي عشان يعيش ف بتمنى إن ربنا يوفقك لإنك لما قولتي إنك في ثانوية عامة حسيتك كأخت ( أنا على فكرة ثانوية عامة بعمل ايه هنا معرفش ) كل التوفيق والسداد في اللي جاي .