I am a father of '' Tres Barakos''

Ang Dugo Ko'y Tinta

Positibong Letrang "A" ang dugo ni Ina,
Na sa aking pagsilang ay aking namana;
Ngunit ang panaho't guhit ng tadhana,
Hinalo ang dugo sa ningas ng tinta.

Nilinang ang husay pagsulat ng obra,
Tumagos sa puso ng nakakabasa;
Inawit ang tula ng saya at dusa,
Sa mga nabulag minulat ang mata.

Nalimot sandali ang mga paggawa,
Nang maging abala sa aking pamilya;
Ngunit 'pag sa ugat ay nananalaytay,
Agimat na tinta'y Hindi mamamatay.

Binuksan ni Covid ang apoy sa isip,
Nag-alab nang muli sa papel gumuhit;
Ang mga nilikhang tula't mga awit,
Kung inyong madama'y pagod ay masusulit.😘