MonaRajai
سمي الله وخشي برجلك اليمين يا شاااابه ☺️
روايه و للسعادة رأى آخر
واقعيه و الاحداث حدثت بالفعل
*****
ا ول ليله سحور في السوق
"محل الحاج حافظ الاصيل"
كل سنه وانت طيب يا حاج حافظ
ناوله كيس الفول ...وانت طيب يا علام يا ابني اتفضل
يدوم العز يا حاج ويجعله عامر
كل سنه وانت طيب يا حاج حافظ كل سنه وانت طيب يا ابراهيم يا ابني
وانت طيبه يا ام تيسير الا ابو تيسير اخباره ايه
زي ما هو والله ياابراهيم يا ابني ربنا يعفو عنه وما يقطع لكم عاده ابدا يا ابني ولا انت ولا الحاج حافظ ويبارك لك فيه
انا لو تسمحي لي هبقا اجي اشقر عليه كمان كام يوم بعد الفطار و قبل ما اجي هبعت لك خبر مع الواد علام
ابتهج وجهها المسن واسرعت مخبره اياه .. يا سلام تنور يا حاج فوق راسنا يا اخويا فوق راسنا
وانا بلاش اجي يعني يا خالتي كدا بردوا مكنش العشم
انت تنورنا يا ابرهيم يا ابني هو احنا في ديك الساعه
ديك الساعه لا طالما وصلنا للدجاج يبقا جاي جاي
قهقهت المرأة المسنه ودارت فمها بطرف طرحتها وتوجهت بحديثها لوالده يوووه شايف يا حاج ابراهيم ابنك ثم توجهت للاخير بالحديث طب ايه قولك بقا انا بعرف اتكلم برابنط زيك استنى سمعتها فى الاخبار ابصر ايه دي
بانجور
لااااا طالما وصلنا لبناجور يبقا انت عديتي يا خاله
يحظك يا ابراهيم ويحفظك لابوك يا ابني
بعد وقت وقبل اذان الفجر
اه الواحد ظهره وجعه قوي قالها وهو يهم بالحلوس على كرسي بجواره
العضمه كبرت بقى يا حاج
زغره مازحا بغضب . بس ياض اخرس ال كبير ال انا لو عايز اخاويك وادخلك الجيش بأثر رجعي اعملها بس انا قلبي حنين قال جملته الاخيرة وهو يشير على قلبه بأطراف اصابعه
يا حاج حافظ يا شقي انت
طب ايه ما شفناش شقاوه يعني جاي تتشاقى ليله السحور وقهقه ضاحكا
رفع طرف شفته العلويه لا يا اخويا انا بحب اداري على شمعتي وانت عينك وحشه
انا عيني وحشه انا ... ده حتى سود وياما وقعت اجانب بعيون ملونه
انا غلطان اني سفرتك معايا بلاد الفرنچه