abw4wad
تعبر إذا حطولي سم بالزاد
وما تعبر عليّ وجوه مسمومة
ناس تحب خراب وكل طشاش اثنين
يحسدون الكصيبة شلون ملمومة
شردت من السجن مو حكمي جان طويل
ولا ضايگ من القعدة والغومة
واحد مختلف يرضى على نفسه شلون
هدوم السجن كلها مشابه هدومه
وبس أنت العزلتك بين هاي الناس
ورممتك وأنا بيوت أهلي مهجومة
لا تلجم جروحي التوها ملجومة
عصافير السوالف جانت بلا زُور
بس تشمر حصى يگومن فرد كُومة
وبس أنوى الرحيل ألبس طويل الثوب
حتى أمسح آثاري التبقى مرسومة
جنت أكسر قرار الخيرة وأمشي وياك
وأنا ألتخايلك لو بَاصم مقسومة
طحت تچيتلي وگتلك جزاك الخير
وبآخر لحظة گتلي أنطيك معلومة
الحطب من ينتچي أسهل كسرته تصير
إلي رفست ظهر ما أدرى مضمومة
عود أنت العزلتك بين هاي الناس
ورممتك وأنا بيوت أهلي مهجومة
انترس عثگي حصو بطول السچچ مو هيچ
ومو هيچ أنطرد بعيون هضيمة
وأنا من گد ما معزب ما أراهم ناظور
لأن لمن تجي ما أطرد النومة
لميتك حروف مطشرة من الناس
وصغتك چلمة بعد مكابر ولومة
وضفت شامات وجهي ع الحروف نقاط
من گالوا چلمتك موش مفهومة
وگت تختارله شضيف للهموم
الجنت تختارله بالموعِد هدومه
الينطبگن ضلوعه من يمر طرواك
مثل طبگة جناج فراشة ملزومة
بس أنت الردت يومي گبل يومه
چا هيه إلا رافس وبرگبتك حبال؟
أنا مثل الثقة بلا حبل معدومة
بطلاغ الروح تمشي بمنحره السچين
المحمل حچي وواگف ببلعومه
عود أنت العزلتك بين هاي الناس
ورممتك وأنا بيوت أهلي مهجومة
