ردت ثوب الفرح بس مارهم وياي 😢 
بس ثوب الحزن ثاريه مقياسي ✋😟
وعاشرت الهموم من الصغر ياصاح 😥
بعشريني شيبت والشيب اخذ راسي 😢
اداري الناس كلهة شلون هذا واذاك 😢😥
وانترس ضهري الطعن بجفوف اعز ناسي 😭
واهم بجسا سهم لا ينجرح فد يوم 😢
وانه ولا بشر يحسب حسابي 😭
واجيبلهم الضحكه وبسمه المرتاح 😔
واشعار الحزن تلعب بقرطاسي 😢😢
ولا فد يوم غيري الخذ وقته بروح 😟
لالا.. والله ابد مو هذا نامسوي😢
مثل الشمعه اضوي واحترك بسكوت 
واتاني النار حد ماتوصل لساسي 
وهسه انته اجيت وكملت الاحزان 
يمن ردتك فرح يختم عطش كاسي 
ثاريك انته هم منهم نبين حيف 
جاسي ومارحمت الروح ياجاسي 
تيهت اليحبك والدروب ابعاد 
وعفت كلبي رهين لوهم وسواسي 
وانه الي شتلت ادروبك بكل طيب 
وجيتك دواي الي يطيب الروح 
والصدر والضيم واحزاني ويواسيني 
بس وداعتك رغم الجروح اهواك 
وعلى جرفك اضل رغم العصف راسي