𝓜𝓪𝓻𝓪𝓶🦋.

 مَريم كل عام وانتي بخير 
          يمكن مستغربة من رسالتي بعد هالفترة، بس اليوم حسّيت ما أكدر أخلي العيد يعدي بدون ما أعايدج. مهما صار بيناتنا تبقين شخص عزيز عليه وجزء حلو من أيامي.
          أدري صارت بيناتنا مسافة وسكوت ويمكن كل وحدة بينا تأذت بطريقتها، بس والله مرات أفكر شكد كانت علاقتنا حلوة وشكد ضحكنا وحچينا وسندنا بعض يمكن موقف واحد أو سوء فهم خلّى كلشي يتغير بسرعة، وهاي أكثر شي يوجعني
          مو جايه أفتح مشاكل ولا أعاتبج بطريقة تضوج، بس بخاطري تعرفين إنو فقدانج مو شي هين بالنسبة إلي. جنت أحبج صدك، كصديقة قريبة من كلبي مو مجرد شخص عابر ومرات الاشتياق يغلب الواحد حتى لو يحاول يتظاهر بالعكس
          إذا ضايقتج بأي شي يوم من الأيام فحقج عليه وإذا انتي هم متأذية مني فأتمنى الأيام تهدّي كلشي بيناتنا الحياة قصيرة ومحد يضمن شنو يصير باچر، فحبيت أوصلج هالكلام بقلب صافي
          أتمنى العيد يكون حلو عليج وتبقين بخير وفرح وراحة دائمًا