Maram6231

عيني حطيتها بالقراءة 
          ويوزر الكاتبة واتباد gh_fa57
          يوزر التلگرام gr_fa57
          إسم الكاتبة لـ غُرة الغسق 

تصافح عدوي بلا خجل !
          و اتقطع حبال الأمَل 
          تدري بحبيبَك لو زعل
          كل البَشر مَ تصالحـه 
          ما أصالح الما له بخت 
          مغرور طار وية الرخت
          كل الضعاين نوخت 
          و ضعون شوگي مطَوّحـة
          طوّحت بضعوني و أسِف
          و هذا المَثَل صَح يا ترف 
          ديچ الذي ماله عرف 
          ما تنسمع له صايحة 
          صيحتك ما منها رجـة ..
          فضحتني للراح و إجـة 
          سِري لعدوي تورجـه !
          و تريد مني مسامحـة 
          سامحتك و گلبي انشعب
          ما فاد وياك التعب 
          هذا المثل بيك انضرَب 
          من بد وفى لا تمالحـه
          بد وفى و ما تحكم عدل 
          كل سافتك جرح و تشل 
          ناس الذي تحب و تمل 
          اقرة عليها الفاتحة .

گلتلك بالبداية
          الغُلب عوفة وياي
          مو انتَ الهوى 
          ما يكسِر شراعي
          التعامل بالمِثل
          افضل علاج وياك
          ما توگف على أحد
          طيبتي متاعي
          تهمل تنهَمل
          تسعى الگلب مفتوح
          تجي مية هلا
          من تغيب ما أداعي
          لتهددني !
          أتعبك سولتي النسيان
          على لحن الموادع
          تطرب أسماعي

هَـلي زحمـة من أعاتبكم
          هَـلي المفروض حگي أنتم تردونة
          هَـلي المفروض من الدنيا تكسرني
          اجيكم واگعد بسدكم
          هَـلي بتكم يبچوها
          عليّ مترف شواربكم؟
          هَـلي چا انا مو منكم !
          هَـلي أحلامي الذبحتوهن يغثني 
          وحگ دمعي الجرة منكم
          أموت  وما أسـ…
          أحبكم راح أسامحكم..
          
          _رُسل فَهد