l5l5as
من اخلص سادس تعال جامعه صلاح الدين هناك باربيل اذا ما تريد نلتقي
Mawuud
Mawuud
Mawuud
كون ما بايگني مني، چا مشيت
وجان كبلك أعتذر
وكون كون
ولسه أكلك ليش
ولسه ما سامع عذر
Mawuud
Mawuud
تجذب أنت تجذب مابچیتك
جزت منك والسفينة
وروحي كلها سيستها
وتيهتها ولك والله تيهتها
وعاتبتها..
ولك فزاعة ولا فزاعة عندك
لامطر لا ليل تفتل بالمطر
ما بجیتك أنه جايبلك من دموعي نهر
شكبن رياح وبواچي
كلي شنطر أنه عنك
وأنت خاروعة صبخ
كلي شنطر بالصبخ
Mawuud
بالحلم ردتك تجيني
ومن العصر رتبت عيني
وسولفت للنوم يثگل
حتى حلمي وياك يطول
رشرشت بالبيت عطرك
ولسه ما فزيت، أنطرك
كلي نام العمر كله
ولا تفززني إعله هجرك
خاف يخلص نومي سكتة
وما تجيني
وخاف ما تعذرني عيني
Mawuud
خاف ياخذني الخشب لآخر ولاية
مذمم اليكتبله آية بوجه كبري
انه كاتب آيتي من عروگ گلبي
بسم عذري
مبري ذمّة
الشگبن سنينه وشمرهن فوگ ظهري
ومبري ذمّة
الغمضت رجله وچفه گلاص العمر
من مشتهاته وكال مدري
- عقيل العرد
Mawuud
ضيعتني وضاع كل عمري بصدودك
وأجيت أكلك وين شوكك؟
وين يمدلل عهودك؟
وين چلمات المحبة الهودرن بينا ليالي؟
وين چا وين السوالف يالربيت بضل دلالي؟
Mawuud
متعبني
جرحي من الزغر شامة
لا يلتم ولا ينزف كسر جامة
مو كل ناسي الأحسبها آنه عندي إعزاز
ثكال يمرن المحبوس بس يحسبهن ايامه
وانت وياي كريب إعله النفس بس كل عطر ما بيك
وردة بطوگ خزامة
شما أشكيلك تردني
وانه بگلبي لو أخليك هم شبيك تنشدني؟
وانه يمك طحت جمرة إعله طرف فراش
كلها تريد تبعدني
لا تكسرني إذا تودني!
عظم هدهد تموت ويه الكسر روحي
وبعد ما ينفع تشدني
من أستاحش أأمن عالشجر عصفور
وأجفل من أشوفك جاي تفكدني!
بيك الصوج أنت الما معودني!
وما مستبعد تذبني!
كمر عشت ولكيت الناس بس بعيونها تحبني
شما أحسب روحي عزيز أرد ندمان
دم محد يحب شوفي
ومو من غربة، من عينك كثر خوفي
معلم عالبواچي وكحلة معروفي
مثل خامة چفن گلبك
مامش عايش يرغبك؟
حطب وأنت بوكاحة تعاملك وياي
أحركك واكعد بكربك
شفتك ماي حب محبوس
ضميت الجرح عنك
كطرات الدمه تخربك
وبيش أچويك
وأنت أطباع حرمل بيك
تركص من تلوحك نار!
وكتلك أمن بفركاك
بس أنت النهر بروح
ولغيرك سواجي زغار
وغيرك من يمر عالبال حسبة ضيج
يمحيها الفرح وتروح
بس أنت شيزيحك ثار؟
بس ثاريك مو صاحب طويلة وياي
عشرتك زتت الخطار
ومرات الصبر زايد..
من بعد الصواب الشردة للچتال
وانه مصوب وشارد
مثل لدغة الحية يريدله استعجال
جرحك يكتل البارد
نيشانك وشم بروح
مو جرح وأنطره يطيب!
يحط نيشان من ينزاح نيشانك
وجه دفان وجهك يثكل أعله الجاي
حكك ما تعود ع الهلا لسانك
سد بيبانك وخلهن عذر مقبول
محد يعتنيك بشوگ يا سجان
من تفتحها ومن تسدها بيبانك
ريت الماخذك جاهل وصيح عليه
ويرجع بيك لمچانك
چنت مثل الشمس وياك
ما تانيتني وماجيت
ورد مكسور لدياري
مخلص دمعي وأعذاري
وإذا أنت أصبحت چتال
ياهو الياخذ بثاري
- عمّار سالم
Mawuud
وتوسطت الكلب فالة
ما ينفع بعد تنشال.. يا چتّال
وعگب جرحك مثل كصة جناح الطير
ساويت الخلك بالبال
وبغير موادعك للروح ما خليت كل چارة
Mawuud
وما ظلينا باب أباب
من كون البيوت خيام
چا شلنا
أمس حلمك چنت وتريدني أتدنه؟
ثاري عيون جاهل عندك بمصباح ينسنه
Mawuud
يمچمل العطش مِنّه
ماي أبير أبد ما بيك تتعنه
وموش بعازتك وجفوفي شالنه
حملي شما يطول يخف.. صبغ حنّه
Mawuud
شككت الصور بس ظلت ببالي
خفت لا دمعي يمحي رسوم كتّالي
Mawuud
ونزف مشيول صب دمعي إعله قمصاني
ولا تهتم ورد سندان.. أنه تعودت يتغير إمچاني
شريد أعتب على البايعني
إذا شرايي بچاني
Mawuud
شلون تكدر؟
تمسح من عيوني فيّ رمشك المتعافي، الغنج
وتكف أذيته