fic ရေးတော့မယ်လို့ ဆုံးဖြတ်ပြီး ပထမဆုံး plot လေးကို စကိုင်ခဲ့တာ သုံးနှစ်ပြည့်လို့ တစ်ရက်တောင်စွန်းသွားပြီပဲ။ ထပ်ပြောလိုက်ပါဦးမယ်။ အချိန်တွေကုန်တာအရမ်းမြန်တာပဲ။ သုံးနှစ်ပြည့်ရယ်လို့ သတ်သတ်မှတ်မှတ်နဲ့ ပြောချင်တာတွေ အများကြီးရှိတယ်။ ဒါပေမဲ့ ဘယ်ကစပြီး ဘာတွေပြောပြရမလဲ၊ ဘယ်လိုပြောရင်ကောင်းမလဲနဲ့ပဲ သက်ပြင်းချရင်း စိတ်တွေမလန်းတော့ဘူးရယ်။
မေနှင်းမပီသစွာ တိုတိုပဲပြောပါတော့မယ်။ စာစရေးကတည်းက ခုထိရခဲ့တဲ့ အမှတ်တရကောင်းလေးတွေကို သိမ်းထားဆဲပါလို့။ မန့်တွေကစလို့ စကားသေးသေးလေးတွေပါ သိမ်းထားပြီး အမှတ်ရနေတုန်းပါ။ ဒီညမှာ ရေးထားသမျှ fic တွေအကုန်လုံးမှာရှိနေတဲ့ မန့်တွေ၊ Wp Acc အဟောင်းရော၊ အသစ်ရောမှာရှိတဲ့ မန့်လေးတွေ အကုန်ပြန်ဖတ်ဖြစ်တယ်။ တချို့က Acc အသစ်ဖွင့်လိုက်မှန်းမသိကြတာကိုလည်း တွေ့တယ်။
အားလုံးကို အမြဲသတိရနေပြီး ရှိလာပေးခဲ့တဲ့ အချိန်တွေကို တန်ဖိုးထားနေဆဲပါ။ စာပြန်ရေးဖို့ကိုလည်း အားခဲနေပါတယ်။ plot လေးတွေးထားတာလည်း ရှိနေပေမဲ့ မနိုင်သေးဘဲ စ,ကိုင်လိုက်ရင် တစ်ပိုင်းတစ်စဖြစ်သွားမှာစိုးလို့ ပျောက်နေလိုက်ပါဦးမယ်။ နောက်တော့ ပြန်လာတာပေါ့နော်။ မေနှင်းက ရှိနေပါတယ်။ ငြိမ်နေတာပါပေါ့
