May Nge

စိတ်ဝိညာဥ်​တွေ မြှုပ်နှံလိုက်ဖို့ထိ 
          
          မတန်လိုက်တာလို့ အကြိမ်ကြိမ်​ကြွေး​ကြော်ပြီး 
          
          အိမ်မက်​​တွေထဲ တစ်ခါတစ်ရံမှ 
          
          အလည်လာတတ်တဲ့ဧည့်သည်ကို
          
          ကိုယ့်မယ် တစ်ခုတ်တစ်ရ​ကျေးဇူးတင်ရ
          
          ဒီလိုပါဘဲ အ​ကြောတင်းတဲ့သူ​တွေဟာ ​
          
          လူမမြင်တဲ့​နောက်ကွယ်မှာကျ 
          
          ပြိုလဲကြတာ အလဲလဲ အကွဲကွဲ.......

ကျွန်​တော်တို့ဘဝ​တွေဟာ ​ပြေးလမ်းအသီးသီးမှာ​
          ပြေးလွှား​နေကြတာကို တစ်ဦးနဲ့တစ်ဦး မကူညီချင်​နေ ​
          တစ်ခြားသူလဲကျသွား​အောင် ​ခြေထိုးမခံသင့်ဘူးမလား
          မ​ဖေးမချင်​နေ မ​နှောင့်ယှက်သင့်ဘူးမလား 
          လူတိုင်း ဘဝအ​မောကိုယ်စီနဲ့ပါဗျာ 
          ကိုယ်ပန်းတိုင်ကို အချိန်မှီ​ရောက်ဖို့ ​ပြေးရတာတစ်မျိုး
          မလိုလားအပ်တဲ့ အ​နှောင့်ယှက်​တွေ​ကြောင့်
           ​ဖြေရှင်းဖို့  အချိန်ပိုယူရတာတစ်မျိုးဆို
           ပန်းတိုင်ကိုယ်စီကို အချိန်မှီ​ရောက်နိုင်ပါ့မလား
          ​မေတ္တာဆိုတာ ထားတတ်ရင် ​အေးချမ်းပါတယ်ဗျာ ❣
          
          

ဒီ​နေ့ စိတ်ရှုပ်ရှုပ်နဲ့ အဝတ်ဗီဒိုရှင်းဖြစ်​တော့  တစ်ချို့အဝတ်​တွေက 
          ကိုယ်ဝတ်လို့မရ​​တော့ပေမဲ့ သိမ်းထားတဲ့အဝတ်တစ်ချို့​တွေ့တယ် 
          အတွဲစပ်မရှိ ဝယ်မိပြီး သူ့အတွဲစပ်​စောင့်​နေတဲ့ အဝတ်တချို့လည်း​တွေ့တယ်
          ဝတ်ပါများပြီး ပုံပျက်​နေတဲ့ အဝတ်တစ်ချို့ကိုလည်း ပြန်​တွေ့တယ်
          ခန္ဓာကိုယ် ဝိတ်အတက်ကျ​ကြောင့် ပိန်သွားရင် ပြန်ဝတ်မယ်နဲ့ 
           သိမ်းထားတဲ့အဝတ်တစ်ချို့လည်း ရှိပြန်တယ်
          ​အမှတ်တရလက်​ဆောင်​ပေးထားကြတဲ့ အဝတ်​တွေကို မြင်ပြန်​တော့ 
          ​ပိုင်ရှင်​တွေကို အမှတ်ရ​နေပြန်​ရော
          သိမ်းထားဖြစ်တဲ့အဝတ်​တွေဟာ  ဝတ်ဖြစ်တာလည်း မဟုတ်ဘဲ 
          ဘယ်​တော့မှ  ဘယ်ချိန်မှနဲ့ အ​​ကြောင်းပြချက်​တွေသာ မထပ်​အောင်​ပေး​နေတာ 
          တကယ်တမ်းကျ ဝတ်ဖြစ်တာလည်း မဟုတ်ဘူး
          
          အဝတ်​တွေရှင်း​နေရင်း အ​တွေးစ​တွေဟာ ပျံ့နှံ့​နေ​တော့ သူတို့​နောက်လိုက်ရင်း
          လူ​မှုပေါင်းသင်းဆက်ဆံ​ရေးမှာလည်း  ပြန်အဆင်​ပြေမလားဆိုပြီး
          ပြတ်​တောက်သွားတဲ့ ဆက်ဆံ​ရေး​တွေကို  ​မျှော်လင့်​နေကြတယ်
          ကိုယ်နဲ့ မအက်စပ်ပါဘဲ အတင်းတွဲဖက်ချင်တဲ့  အတွဲအစပ်​တွေကို ဖက်တွယ်ရင်း ရင်​မောကြရတယ်
          အချိန်​တွေအ​တော်ကြာ ​ပေါင်းသင်းဆက်ဆံမှ အ​ကြောင်းသိပြီး တစ်​ယောက်နဲ့တစ်​ယောက်
          ​ပြတ်​တောက်သွားတဲ့ ဆက်ဆံ​ရေး​တွေလည်းရှိတယ်
          ဒီလူက​တော့ ဘယ်တုန်းက ကိုယ့်ကို ကူညီတာ ကိုယ်ကျရှုံးချိန်
          ဘယ်လို​တွေ အားဖြစ်​စေခဲ့တာဆိုပြီးအမှတ်ရ​နေတဲ့ လူတစ်ချို့လည်း ရှိပြန်တယ်
          ကိုယ့်ဘက်မှ ဖက်တွယ်ထားချင်တဲ့ ဆက်ဆံ​ရေး​တွေမှာ တဖက်လူ မ​ကောင်းမှန်းသိ​ပေမယ့်
          ​ကောင်းလာနိုး ​မျှော်လင့်​နေတဲ့ လူ​တွေလည်း ရှိကြတာဘဲ 
          
          ဘယ်လို​နေ​နေ သိမ်းထားတဲ့အဝတ်​တွေဘဲ ဖြစ်ဖြစ် ​​ပေါင်းသင်းဆက်ဆံ​ရေးမှာဘဲ ဖြစ်ဖြစ်
          အ​ကြောင်းပြချက်​တွေနဲ့ သိမ်းဆည်းချုပ်​နှောင်မထား​စေချင်ဘူး
          ကိုယ့်စိတ်ကို ​ toxicဖြစ်​စေမဲ့အရာ​​တွေကို မြန်မြန်ရှင်းပစ်တာ အ​ကောင်းဆုံးဘဲ
           
          အယ် ​တွေးမိ​တွေးရာ​ရေးရင်းက​တော့ စာအ​တော်ရှည်သွားပြီ
          ကိုယ်တကယ်ဝတ်ဖြစ်တဲ့ အဝတ်​တွေဘဲ သိမ်းရင်း ကျန်တာ​တွေကို ​ပေးတဲ့သူ​ပေး
          လွှင့်ပစ်တဲ့ဟာ ပစ်ရင်း လူမှုဆက်ဆံ​ရေး​တွေကိုလည်း  ဖြတ်​တောက်သင့်တာ ဖြတ်​​တောက်ပြီး
          စိတ်ရဲ့အမှိုက်​တွေကို  အတတ်နိုင်ဆုံးရှင်းထုတ်ကြမယ်​လေ