user--ahemad-
عشان قرّبت من قلبك
وشوفتيني حزين مكسور
بعدتي وقُلتي نتفارق
ورُحتي بَنيتي بيننا جسور
حاولت كتير أعدّيها
لاقيتك حاطة مليون سـور
رِضيت بالضلمَة مع إني
حاولت أشوف معاكي النـور
حلمت كتير نكون واحـد
حلفتي يكون عددنا إتنين
ناديت ولا مرة ردّيتي
عيونك كانوا مش شايفين
هاقولك كلمة مـ الآخـر
وهاوصف قِصتي في سطريـن
في عيني الحُب كان -بذرة-
وواللهِ حاولت بروحي أزرعها
في قلبك بـس قلبك -بـور-