Mr.Parksı görən hər kəs onu bir cürə şərh edir. Kimi onu çox üzüyola, kimi səfeh, kimiysə xeyirxah adam adlandırardı. O, ehtiyacı olana lazımi köməyi göstərməkdən çəkinməz, bazarda qiymət davası etməyi sevməz, malı lazımından üç qat baha qiymətə alar, sevimli arvadı Culiyaya deyinər və sonra bu haqda tez bir zamanda unudardı. Evdə 2 uşağı vardı. Övladlarını dayə və anasına tapşırması ilə bərabər özünün onları 5 dəqiqədən artıq görməyə dözümü olmaması haqda söhbətlər Corc taunda qulaqdan-qulağa gəzirdi.
Bu balaca boy, kök, keçəl , tez-tez tərləyən ,tələskən adam, tənginəfəs halda kabinetindən çıxıb koridor boyu gedərkən iş yoldaşları gülüşlərini saxlamağa çalışaraq onu baxışlarıyla yola salırdılar.
