MennaNabil20092
( احنا ازاي بقينا كده ؟؟) 2
كل ده مش الجيش المصري اللي عمله لأ الشعب المصري ده تاريخنا اللي مليان ظلمه و رغم كل ظالم كنا بنمسحه بأستيكه و نكتب لقد هزمناهم ، بس فين الكلام ده دلوقتي ؟؟ انتخنا و قعدنا في البيت و قولنا " ٧٠٠٠ سنه حضارة و مجد و مصر أم الدنيا و تحيا مصر " و سايبين أخواتنا اللي عمرنا ما خذلناهم اللي بينا و بينهم دم و انا قولت اهو" اخواتنا " يعني من دمنا اللي بيحصلهم حصلنا كتير علي مدار ٧٠٠٠ سنه و كل مرة كنا بنتطلع منها ، ليه بقي جينا عندهم و سكتنا ؟؟ مش الشعب المصري شعب جدع ؟؟ ولا هو كلام و بس ؟؟
كل التاريخ و المجد ده ولا حاجه قصاد اللي اخواتنا بيشوفوه و احنا ساكتين و لو علي المقاومة الفلسطينية فهي قوية عشان هي علي حق و بتجاهد في سبيل الله بس احنا هنتحاسب في الآخرة عليهم عشان سيبنا ضهرهم مكشوف للعدو و رغم كده لسه بيقاوموا !!
و في الآخر يجي اللي ربنا ميزنا عنه بالعقل و يعمل اللي ما عملناهوش علي مدار ٧٥ سنه من الاحتلال الإخرائيلي ، شوف رغم العقل و العلم و التاريخ و المجد جه حيوان بري الشئ الوحيد اللي متشابه فيه معانا هو الجنسية احنا مصريين و هو مصري بس هو انسان عننا ، احنا مجرد كائنات بشريه جبانه لا تمد للإنسانيه بصله ، هو حس بـ قهرة الأم علي ابنها اللي مات من القصف بالصواريخ او الرصاص و أو الدبابات و هما بينزحوا ، هو حس بـ بكاء الولد علي اهله اللي أستشهدوا ، هو حس بـ الأب اللي خسر كل عيلته ، الوشق المصري حس بيهم و حاول يساعدهم على قد مقدرته
يمكن دي أشارة من ربنا اننا نتحرك ؟؟
يمكن نصحي و نرجع لـ أصلنا و نفتكر إحنا مين ولا.....
ولا ارجع اسأل نفسي بقهره علي حالنا :
" احنا ازاي بقينا كده ؟؟ "