Michielokim
Na-shortlist ulit tayo. The Elusive Charmer by yours truly! Thank you all!
Michielokim
Michielokim
MY WIFE WHO RUNS AT NIGHT, CH36-37 UPDATED
“Salamat... dahil hindi mo ako ibinunyag. Alam kong malaking panganib ang hinarap mo para lang hayaan akong makalayo.”
Ibinaling ni Haruma ang kanyang tingin sa mga sugatang kamay ni Dolor.
“Noong nakita kita sa likod ng belo, hindi ko nakita ang isang espiya. Nakita ko ang batang babaeng nagbigay sa akin ng pag-asa sa gitna ng malupit na mundo. Paano ko bibitayin ang sarili kong kaluluwa, Dolores? Kung ibinunyag kita, para ko na ring pinatay ang tanging dahilan kung bakit ako nananatiling tao sa giyerang ito.”
https://www.wattpad.com/story/261623010
Michielokim
MY WIFE WHO RUNS AT NIGHT, CH 35 UPDATED.
WARNING: SUGGESTIVE SCENES AHEAD!!!
https://www.wattpad.com/story/261623010
Michielokim
MY WIFE WHO RUNS AT NIGHT, CH34 UPDATED...
“Kung sasabihin kong wala… maniniwala ka ba? Hindi ka na ba magtatanong?”
Unti-unting itinaas ng lalaki ang mga kamay nito, saka marahan lamang nitong pinunasan ang natitirang bakas ng luha sa gilid ng kanyang mata gamit ang hinlalaki.
Napakagaan ng pagdampi, parang natatakot itong masaktan siya.
“Sana…” Malumanay din ang boses ni Haruma. “Sa susunod… sa akin ka umiyak dahil hindi ko naman itatanong ang dahilan.”
https://www.wattpad.com/story/261623010
Akamei_Sensei
Thank u for following back po! Padayon.
Michielokim
@Akamei_Sensei welcomeee
Michielokim
NEW SHORT STORY - WRONG RAID, RIGHT LOVE. FINISHED :)
https://www.wattpad.com/story/414840108
Michielokim
MY WIFE WHO RUNS AT NIGHT, CH32 UPDATED.
“Hindi ko linya ang pagsasayaw, mananahi ako. Alam mo ‘yan simula nang makilala kita sa Bulakan,” pagpapaalala ni Dolor sa kanilang kabataan, noong mga panahon na baligtad ang kanilang sitwasyon. Si Dolor ang mas marangya at malaya. Habang si Kazuo naman ay dating pipi at alipin lamang ng isang negosyante.
“Alam mong kahit kailan, hindi ako nakalimot ng mga bagay na may kinalaman sa’yo,” madamdamin na sagot ni Haruma, na hindi pa rin tugma sa kanyang mukha. Ni hindi pa rin makita ang kaunting ngiti sa kanyang mga labi na maraming lihim na hindi pa kayang sabihin.
Para bang kailangan pang magbayad ni Dolor ng ilang libong dolyares para lang makita ang ngiti ng asawa niyang opisyal. Mabuti pa ang dating Kazuo.
https://www.wattpad.com/story/261623010
Michielokim
MY WIFE WHO RUNS AT NIGHT, CH 30 UPDATED
Naramdaman ni Dolor ang biglaang pagsikip ng kanyang dibdib sa narinig. Ang isiping mawawala ang lalaking ito—ang dating kilala niya bilang si Kazuo, ay isang takot na hindi niya kayang harapin.
Sa halip, tinalian niya nang mahigpit ang benda, sapat upang mapadaing nang bahagya ang kapitan, bago siya tumayo nang tuwid at tinitigan ito nang may mapang-aping ngiti.
“Kung matuluyan ka?” seryosong tugon ni Dolor, bago binalewala ang tindi ng kaba gamit ang isang maikling tawa. “Aba... baka maghanap ulit ako ng ibang lalaki.”
Napatiim-bagang si Haruma sa narinig. Kahit alam niyang pang-aasar lang iyon ni Dolor upang layasan ang tensyon sa pagitan nila. Ang imahe ni Steven na nakayakap kay Dolor sa dilim ay muling bumalik sa kanyang isipan. Ang kanyang nagwawalang selos mula sa kakahuyan ay tila binuhusan ng langis na maaring magpalawak pa ng apoy. Kung alam lang ni Dolor, kulang na lang ay ikulong siya ni Haruma sa silid na iyon upang wala nang ibang lalaking makatingin sa kaniya.
https://www.wattpad.com/story/261623010
Michielokim
MY WIFE WHO RUNS AT NIGHT, CH 27-28 UPDATED
“Hindi mo ba naiisip na baka alam na niya?”
Bahagyang natigilan si Dolor sa tanong na iyon. Pumasok sa utak niya ang malamig, masungit, at walang pakialam na mukha ni Haruma sa umaga—ang lalaking itinuturing lang siyang parang katulong lamang na parang nandidiri pa nga kung tingnan siya. Paano naman nito malalaman ang mga lihim niyang pag-alis?
“Kung alam na niya, eh 'di sana sinaktan ako. Hindi naman,” matigas niyang sagot.
“Nagtitiwala ka na ba sa kanya?” mapang-usig na tanong pang muli ni Steven, tila ba hinahamon ang prinsipyo ng kausap.
Uminit ang pisngi ni Dolor sa tindi ng pang-uusisa ng binata. Pakiramdam niya ay masyado nitong pinapakialaman ang kanyang sitwasyon sa loob ng bahay-panuluyan.
Higit sa lahat, hindi niya alam kung masasagot ba ng oo o hindi ang katanungang iyon. Alam niyang mapanganib ang asawa niyang kapitan, pero sa kabilang banda, ni dulo ng daliri niya ay ‘di pa nito nahahawakan, o wala talaga itong balak na gawin sa kanya.
Minsan naman, naiisip pa rin niya na baka nagtatanga-tangahan lamang ito at may mas madilim pang plano na gustong isakatuparan. Kaya heto siya, litong-lito at parang bangkero na namamangka sa dalawang magkabilang ilog na tila pareho namang ligtas na tahakin.
https://www.wattpad.com/story/261623010
Michielokim
MY WIFE WHO RUNS AT NIGHT, CHAPTER 25-26 UPDATED
“Hindi kita pagbabawalang makipag-usap sa iyong nakaraan kung iyon ang magpapakalma sa iyong loob,” sambit ni Haruma. “Ngunit kailangan mong tandaan kung nasaan ka na ngayon. Asawa ka na ng isang opisyal. Ang bawat kilos mo ay repleksyon ng aking karangalan.”
Hinawakan ni Haruma ang panga ni Dolor, itinaas ito nang bahagya upang pilitin itong tumingin sa kanyang mga mata.
“Huwag kang lalabas ng bahay na ito kapag lumubog na ang araw, may kasama ka man o wala,” mariin niyang utos. “Ang gabi sa Maynila ay hindi na para sa iyo. Maaari mong itago ang iyong puso sa akin, Dolores. Maaari mo akong kamuhian hanggang sa iyong huling hininga. Ngunit hinding-hindi ka pwedeng magtaksil sa akin sa paraang pagsiping sa ibang lalaki. Ang katawan mo, ang pangalan mo, at ang bawat hininga mo ay pag-aari na ng Imperyo... at pag-aari ko.”
Binawi niya ang sarili sa pagkakahawak sa mukha ng asawa. Ang lamig ng kanyang pagkakasabi ay sapat na para ituring siyang kaaway.
https://www.wattpad.com/story/261623010