اتعلمت من صغرى اقرى فى كل حاجة ، طول عمر القراية هوايتى المفضلة هى و الرسم ...... و طبعا الكتابة
اتعلمت من القراية حاجات كتير اوى فى كل المجالات 
اتعلمت ما احكمش على الناس غير لما اتعامل معاهم بنفسى مهما سمعت عنهم 
اتعلمت اثق فى احساسى و حكمى على الامور لانى بحكم ضميرى قبل اى عوامل تانية 
اتعلمت ان الدنيا لو جميلة فهى جميلة بسبب الناس اللى فيها ،  و انها لو وحشة هتبقى برضة وحشة بسبب الناس اللى فيها
بحاول اعلم ولادى الحلال و الحرام قبل ما اعلمهم اى حاجة تانية
اتعلمت انى اقول شهادة الحق مهما كان التمن لان ده الصح 
اتعلمت من الدنيا اكتر ما اتعلمت فى المدارس والجامعة 
اتعلمت انى ما ازعلش على اى حاجة تضيع منى لانها اكيد ضاعت لخير مايعلموش غير ربنا
اتعلمت انى دايما اقول الحمدلله على كل حاجة 
عيشت بالرضا و بستر ربنا عليا فى حاجات كتير 
انا انسانة بسيطة جدا ، عادية جدا ، بس بحب كل اللى حواليا
اتعلمت انى مهما اتعلم الا انى لسه محتاجة اتعلم اكتر و اعرف اكتر 
لما بكتب ، بطلع على الورق حاجات كتير حاساها من جوايا بصدق ، حاجات يمكن تكون عدت عليا او على ناس اعرفها 
ببقى سعيدة بتعليقاتكم على الرواية و ارائكم اللى دايما يهمنى انى اعرفها و احسها معاكم
بحبكم فى الله .... ميمى عوالى