روايات بقلم نورا محمد علي

حفل توقيع روياتي الجمعة والسبت في معرض القاهرة الدولي للكتاب قاعة 1 جناح C12
          قاعة 1 جناح C10
          
          حفل توقيع للذئاب وجوه أخرى ٣
          حفل توقيع ألف خطوة للهاوية جزئين 
          ومش بس كده 
          ده كل دول  هي وسموه.. حاجز الصمت .. سلسلة للذئاب وجوه أخرى.. قيود الماريونت ألف خطوة للهاوية 
          
          
          
          
          
          
          
          
          

https://www.wattpad.com/story/392974432-%D8%B9%D9%80%D9%80%D8%B4%D9%80%D9%80%D9%82-%D8%A7%D9%84%D9%80%D9%80%D9%88%D9%82%D9%80%D9%80%D8%AD

آخر نداء بطيارة الدوحة 
          
          فاضل كام نسخة بس من الجزء الأول من سقطت في عشق البدو اللي  حابة تحجزي نسخة تبلغني

سقطت في عشق البدو 
          نورا محمد علي 
          
          شعرت بالدهشة حينما رأته يقف أمام سيارته ينتظرها، وابتسامة على وجهه حتى شعرت بالخجل يغزوها وهي تقول: 
          "كنت فاكرة إن احنا هنتقابل في المطعم."
           "ما حبيتش أتعبك."
          نظرت لسيارته وسيارتها ولكنها تحركت حيث فتح لها الباب..
          
          وصلوا إلى المكان الراقي الفاخر الذي لا يرتاده إلا الصفوة
          جذب المقعد لتجلس، لكنه كان يستمتع بمذاق عطرها الأثر وهو يتنفس بعمق عله يتسلل بداخله ..
          
          جلس مكانه مجبرا فإن بقى لحظة أخرى سيفقد السيطرة..
          
          بعد وقت كانا يتناولان الطعام في صمت، لكنه أبلغ من كل الكلام الذي قد يقال، تشعر به قريبآ منها تشعر بعينيه تتحدث معها لغة أخرى، وحينما طال الوقت ولم يخبرها شيء، نظرت له بحاجب مرفوع، كمن تسأل هل سيكون الطعام صامتاَ؟ 
          
           ابتسم وتاهت في بسمته، شعرت ان نبضات قلبها اختلت، هناك شيء غريب يحدث لها، جنون يطوف بعقلها وقلبها ولكنه قال بلهجته البدوية 
          
          -كنك متعجلة؟ ايش في ديانا ! وراكي شي؟
           كانت تنظر له بصدمة وهي تقول:
          - قلت ايه ؟ما فهمتيش!
          ابتسم وهو يقول:
          - كنت بقول لك مالك مستعجلة وراكي حاجه؟
          - لا .. بس عندي فضول غريب اني اعرف ازاي بدات حكايتك هنا؟ وجيت ازاي سفر شرعي! ولا تهريب؟
          
           اكتفى بنصف بسمه كادت ان تسلبها لبها، وهو بداخله يفكر هل تظن كما يفكر الجميع، ان البدو مرتبطين بالتهريب، ربما لا تدرك أننا في عالم آخر في زمن يعد غاية في الحداثة والتطور ، رغم انه لم يتنصل من جذوره، لكن هناك تغيير يحدث رغم وجود بعض الثوابت، التي لن تتغير، لكنه قال ما يدور بداخله:
          
          - ليه فكرت في كده؟ ازاي هخرج ادرس في اكسفورد تهريب!!
          - انت بجد دراس في اكسفورد؟
          
          - هكدب ليه؟ احنا بنتعلم على فكره؛ وبندرس في جامعات في مصر وفي اي مكان نكون فيه، آه بنتمسك بعاداتنا وتقاليدنا بس زي ما انت شايفة، انا عشت عمري في يوربا ومع ذلك لهجتي متغيرتش، انا بتكلم مع اللي مني بدوي..
          - طب انت من سينا
          - لا مش من سينا من مطروح، بتحديد من قرية صغيرة فيها، مكان قبيلتنا ثابت، في نوعين من البدو بدو سكن، وبدو رُحل
          
          - انت من ايه  فيهم ؟
          
          -انا.....
          لطلب الرواية  او معرفة السعر  وطريقة الدفع 
          تواصل على رسايل الصفحة 
          
          

ورواية الوريث هيه كمان مش موجوده

لو سمحت حضرتك فين الروايات إلى منزلها كلها بارت واحد أو اقتباس ومفيش روايات  زى وسقطت فى عشق البدوى 

للذئاب وجوه أخرى 6
          
          الصدمة على وجهه ذاخر كانت واضحة وهو ينظر إلى رحيم وكأنه رآى شيطان رجيم أمام عينيه، وهو يسأله:
          
          -أنت بتعمل ايه هنا؟
          -أنا مش سبق وقلت لك انك لو بصيت ليها، انا كمان اقدر ابقى مايسترو..
          
           ذلك الوجع والخوف و غضب لم يعد مكبووت أصبح ثائرا هائجاً كان يضغط على عنقه، حتى أوقف تصاعد الدم إلى رأسه بينما الآخر يشعر بالاختناق فالهواء لا يصل إلى رئته، والدم لا يصل الى رأسه بينما رحيم يصفعه الصفعة تلو الأخرى، وهو يقول:
          - عشان بصيت ليها ودي عشان اتمنيتها، ودي عشان جرأت انك تخطفها، دي عشان دانا…
           لكمة خلف الأخرى صفعة تلو الأخرى، بينما الآخر لا يستطيع ان يلتقط انفاسه، في اللحظة التي قام رحيم بلكمه في صدره حتى هو سمع صوت تهشم عظام صدره، تلك الدماء التي سالت من فمه تؤكد أن الرئة تم تمزيقها بالفعل. 
           بينما رحيم يجذبه من شعره المسترسل وهو يقول:
          -سبق ونبهت عليك، سمحت لنفسي اني اقول لك انا مين ، بس الظاهر انك ما اخدتش بالك ،هو كان لازم اقول لك اني مخابرات، ولا لازم اقول لك اني صفوة الصفوة عارف انت لعبت مع مين ؟
          
          في اللحظة التي كاد أن يفقد فيها الحياة، سمح رحيم للهواء ان يمر إلى رئته وهو يقول :
          -مش بدري كده، لسه شويه لسه مش لعبنا ،انت أتجرأت تبص لحاجه ملكي ، داليدا ملكي، دانا اختي واللي يسمح لنفسه اني يتجاوز حد من حدودي انسفه زي ما هنسفك دلوقتي، انت عارف انا هعمل فيك ايه ؟
          -خلاص توبت مش…
          - مش ايه؟ مش هتفكر فيها! انا هلغي عقلك من التفكير انا هبعتك لجهنم لاني نبهتك  بس ما فهمتش اني سايبك كرم اخلاق مني، لأن ميولك اي يكون سببها شيء ما يخصناش، حياتك الخاصة مش مناسبة لينا دانا عمرها ما كانت ولا هتكون ليك ..
          
          -انا حبيتها ،وهي كان ممكن تحبني 
          -دانا بتحب جوزها، انت ما أقدرتش تفرق هي مين فيهم
          
          - لا قدرت لما قلت لها انت فضلتي عليا مخنث، حسيت بالغضب على وشها وكانها عايزه تقوم تضربي، وقتها عرفت ان هي دانا 
          
          -عشان غضبت من الكلام اللي انت قلته على حبيبها، احمد مش بس جوزها، احمد يبقى حبيبها 
          -ما تقولش كده انت بتعذبني
          
          - انت لسه ما شفتش عذاب....مش انا قلت لك سهل أوي اكون زيك..كنت عايز تجلدها وتخليها خا...ضعتك، اديني هخليك تصرخ زي اي عاهرة ولولا اني ما ليش في الخشن كنت عرفتك انا ممكن أعمل فيك ايه ..
          
          
          لحجز نسخة تواصل  على الماسنجر 

للذئاب وجوه أخرى 6
          بقلم نورا محمد علي
          تسريبة ... 
          
          -اتصل عليها 
          
          لم يحرك أدم ساكناً، ظل واقفا أمام والده يعقد ذراعيه دون ان يفعل شئ، سوى التحديق في عين والده، الذي كان رغم الغضب الذي يشعر به يدرك أن ابنه مصدوم ..
          
          لذا رفع هاتفه ليرن لكن تحت صدمة الجميع ارتفع رنين الهاتف في جيب آدم، الذي رفع المحمول على أذنه وهو يقول :
          -فلتت منك دي يا وحش، يعني لو عايزة تسيب البيت  وتبعد عشان تعالج الجرح اللي انت السبب فيه ، يبقى هتقفل أي باب يوصل ليها..
          
          السخرية على وجهه كانت جالية، ولكن نظرة السخرية في عين والده كانت أكبر وهو يرد عليه بنفس أسلوبه 
          
          -بس كده سهلة يمكن متعرفش  انا ممكن اوصل ليها لو في آخر الدنيا
           
          تحرك إلى اللاب توب يعبث فيه لكن الموقع ليس بعيد  انه داخل البيت، كاد أن يكشر عن انيابه بعد ان ظن انه كشف اللعبة ..
          لكن نظرة أدم التي تشبه إلى حد بعيد  نظرته، جعلته ينتبه له وهو يفتح كف يده ليريه تلك الشريحة التى تحدد مكان والدته، وهو يقربها من وجه والده وهو يقول :
          
          -فلتت من سيادتك.
          
          -انت ب تتحداني ؟
          
          -لا انا بقر واقع انت اللي بدأت اللعبة وهي نهتها، ولا انت ما اخدتش بالك انها مجروحة! لا ماما كانت مدبوحة بايدك انت ، فبعدت لان صدمتها فيك ملهاش دوا يا سيادة اللوا ..
          -امك فين؟ 
          -معرفش 
          -اقسم بالله لو ما تكلمت ل..
          
          -صدقني ما اعرفش  كل اللي اعرفه انها ركبت رايس من اللي تحت القصر و خرجت من النفق 
          -رايس .. ماشي وديني لربيها 
          نظرت له أسماء التي لازالت صامتة حتى الآن رغم كل ما يحدث  ولكن طفح الكيل     
           
          -بس انا بنتي متربية يا ابو رحيم ومش محتاجة تربية و يا سيدي تشكر انا لولا اني عايزة اطمن على رحيم والبنات كنت خرجت من بيتك حالا ..
          - تخرجي تروحي فين؟
          - بيتي 
          -هنا بيتك ومفيش خروج من هنا لأي سبب .
          -ليه سجن؟ 
          -امي لو سمحتي أنا عارف انك زعلانة بس أنت بر الليلة دي، وبعدين انا وبنتك مفيش حاجة هتفرقنا ..
          -متأكد 
          -ايوة 
          -هي فين بنتي ؟ 
          - هجيبها....
          
          لحجز  نسخة  تواصل على رسايل الصفحة 
          
          سعر النسخة داخل مصر ١٥٠ جنيه ..
          ومن خارج مصر ٢٠ $

السلام عليكم ورحمه الله وبركاته لو سمحت لو حابة احجز الرواية وتوصلنى اسوان اتواصل ازاى

مساء الورد 
          كل سنة وانتم طيبين وبخير وصحة وسعادة يا سادة 
          أوشكت الرواية على الاكتمال 
          عدد النسخ محدودة 
          اللي حابب يحجز 
          للذئاب وجوه أخرى 6
          يتواصل على رسائل الصفحة الخاصة بالفيس بوك
          روايات بقلم نورا محمد علي 
          او الحساب الشخصي 
          نورا محمد علي