စာရေးဆရာ (Writer) တစ်ယောက်ဆိုတာ... မိမိမှာ စာဖတ်သူ တစ်ယောက်တည်းပဲ ရှိနေပါစေ၊ အဲ့ဒီတစ်ယောက်သောသူအတွက် အကောင်းဆုံး ဝတ္ထုတစ်ပုဒ် ဖြစ်လာဖို့ အမြဲတမ်း ကြိုးစားနေကြသူတွေပါ။​ကျွန်တော့်ရဲ့ စာသားလေးတွေကို ဖတ်လိုက်လို့ စာဖတ်သူရဲ့ ရင်ထဲမှာ တစ်ခုခု စွဲကျန်ရစ်ခဲ့မယ်ဆိုရင်ပဲ ကျွန်တော် ကျေနပ်လှပါပြီ။ စာဖတ်သူတွေအတွက်  ဝတ္ထုကောင်းတစ်ပုဒ် ဖန်တီး​ပေးနိုင်ဖို့ စာရေးသူတွေဟာ မိမိရဲ့ အချိန်တွေကို ရင်းနှီးရုံတင်မကဘဲ၊ စိတ်ခံစားချက်တွေကိုပါ အပြည့်အဝ ထည့်သွင်း​ပြီးကမ္ဘာငယ်လေး' တစ်ခုကို တည်ဆောက်ရတာပါ။​စာတစ်ပိုဒ်၊ စာတစ်ကြောင်း ဖြစ်လာဖို့ စဉ်းစားရတာ တကယ်မလွယ်ကူပါဘူး။ ဇာတ်ကောင်တွေရဲ့ နေရာမှာ အစားထိုး ဝင်ရောက်ခံစားကြည့်ရတယ်... သူတို့ ပျော်ရင် ကိုယ်ပါလိုက်ပြုံးမိသလို၊ သူတို့ ငိုရင်လည်း ကိုယ်ပါ လိုက်ငိုရပါတယ်။ သူတို့ နာကျင်နေရတဲ့ အချိန်တွေမှာဆိုရင်လည်း ကိုယ်တိုင်ပဲ ရင်ဘတ်ထဲမှာ တစ်ဆို့နစ်မွန်းနေရတာမျိုးပါ။​ကျွန်တော့်ရဲ့ စာသားလေးတွေကို ဖတ်လိုက်လို့ စာဖတ်သူရဲ့ ရင်ထဲမှာ အမှတ်တရ​တွေကိုခံစားရမယ်ဆိုရင်ပဲ ကျွန်တော် ကျေနပ်လှပါပြီ။ ဒါကြောင့် စာရေးသူတွေကို စာဖတ်သူတွေဘက်ကလည်း နွေးထွေးစွာ အားပေးကူညီပေးစေချင်ပါတယ်။ကျွန်တော် ရေးသားထားတဲ့ စာတွေအပေါ်မှာလည်း အားမနာတမ်း ဝေဖန်အကြံပြုပေးကြပါဦးနော်။ စာဖတ်သူတို့ရဲ့ ဝေဖန်ချက်တွေက ကျွန်တော့်အတွက် နောက်ထပ် ဝတ္ထုကောင်းတွေ ဖန်တီးဖို့ အင်အားတွေ ဖြစ်စေမှာမို့လို့ပါ