بقول لكم موقف زفت صار لي اليوم بالمدرسه
قمت الصبح متأخر يمكن الساعه ٧ونص و اختباري الحصه الثانيه ( انا اخوي يوصلني للمدرسه ) فتجهزت بسرعه و لبست اي شي قدامي و نزلت مع اخوي الكبير سعود و ركبنا السياره و قعدت امشط شعري و اسوي سكين كير بالسياره
ونسيت جهاز قياس السكر بالبيت على تسريحتي و ما افطرت حتى و انا ما آكل من المدرسه بس من اكل البيت ف نسيت أكلي في المطبخ فيوم جت الحصه الرابعه جتني دوخه مو طبيعيه و وقتها كان علينا رياضيات ف قلت للأستاذه بروح عند المرشده لأني تعبانه شوي ف منعتني و قالت لا تتدلعين روحي بعد الحصه , نعم !!! اتدلع ؟؟؟ حاولت اكلمها و اقنعها لكنها ما سمعت لي ف صار يلي كنت خايفه منه و اغمى علي بالمدرسه
ما اتذكر ايش صار بعدها لكن يوم صحيت لقيت نفسي بالمستشفى و معاي اخواني و بابا و يلي سمعته ان بابا اشتكى على الاستاذه لأن المعلمات قالو له عنها
و قسم بالله ليوم الدين ما اسامحها على الشي يلي سوته فيني
وبس اشوفكم بعدين
