MysteriaSenyorita

Kumusta, mga mahal ko?
          
          Walang humpay ang malakas na pagbuhos ng ulan at pag-ihip ng hangin. Nawa'y ligtas kayo sa loob ng inyong tahanan at mainit ang katawan. Huwag muna kayong lumabas nang mapanatili ang inyong kaligtasan.
          
          Munting anuncio para sa lahat,
          
          Kasalukuyang matatagalan ang paglalabas ko ng panibagong nobela sa kadahilanang bumalik na ang aking klase. Subalit huwag kayong mabahala na ako ay muling mawala na naman sapagkat handa at maayos na ang aking pakiramdam matapos ang ilang taong pagpapahinga. 
          
          Mangyaring maghintay lamang sa aking pagbabalik. Kung may katanungan o nais ninyo akong makausap, mangyaring makipag-ugnayan muna pansamantala rito o magpadala ng pribadong mensahe. Sa mga susunod na linggo ay magbubukas din ako ng Instagram account na aking ginamit din noon para rito.
          
          Hangad ko ang inyong kaligtasan, mahal kong mambabasa!
          
          - M.S

‎Kumusta, mga mahal ko?
          ‎
          ‎Isang pinagpalang araw sa inyong lahat!
          ‎
          ‎Ilang buwan na rin ang lumipas nang huli akong magparamdam dito. Subalit, kahit kailan ay hindi ko nalimutan ang bawat isa sa inyo at ang pangarap iniwan ko rito. 
          ‎
          ‎Pansamantala kong iniwan ang pagsusulat upang abutin din ang iba ko pang pangarap. Sa loob ng mahabang panahon ay batid kong babalik at babalik ako sa una kong naging tahanan.
          ‎
          ‎At buong giliw kong nais sabihin sa inyo na ako ay magbabalik. Tiniis kong kimkimin ang mga salita at istoryang muling magpapa-ibig sa inyong mga puso. 
          ‎
          ‎Mangyaring hintayin ang pagbabalik ng inyong mahal na manunulat.
          ‎
          ‎Nangangako,
          ‎M.S

Happy New Year Miss Author! Sana po bumalik na kayo! 

Manigong Bagong Taon! 
          
          Salubungin natin ang bagong taon na puno ng pangarap at kagalakan. Para sa atin ang taong 'to.
          
          - M.S 

Isang Pahayag Mula sa May Akda
          
          Para sa babasa nito, nawa'y 'yong namnamin ang bawat salita. 
          
          Bago matapos ang taon ay nais kong maghayag ng aking nararamdaman. Una sa lahat, taos puso akong nagpapasalamat sa walang humpay na pagmamahal at paghihintay. Nais kong mabatid ninyo na binabasa ko ang bawat mensahe at komentong iniiwan n'yo. Gayong nakatatak din sa'king isipan ang mga salitang bumubuhay muli sa'king pangarap.
          
          Hindi naging madali ang bungad ng taong 'to sa'kin. Kabiguan at paghilom ang pinagtuonan ko ng pansin. Subalit hindi nawala roon ang aking pag-asang na nais ko pa ring magbahagi ng makabuluhang nobela. Nais ko pa rin bumalik sa piling ng aking dating pangarap.
          
          Labing-isang gulang ako noong unang magsulat ng kuwento. Mahigit siyam na taon na akong nagsusulat ng mga kuwento na minsan ding bumihag sa inyong puso. Sa loob ng mga taong 'yon, limang taon niyo ako nakitang nagliwanag at apat na taon akong naglugmok. 
          
          Patawad kung kayo ay aking binigo sa tuwing sinusubukan kong magsulat subalit hindi ko matapos. Hindi ko na batid kung paano susundan ang bawat salita. Kung maganda pa ba ang aking magiging akda o sadyang wala ng sinuman ang tatangkilik pa. 
          
          Subalit nais kong ipabatid sa inyo na muli kong binubuhay ang pangarap ng batang ako. 
          
          Hindi na lamang isang pangarap ang inaabot ko. Nais kong ipabatid sa inyo na ako ngayon ay nag-aaral ng Narsing (Eng: Nursing). Kung kaya't nais ko rin paunawa sa inyo na hindi 'sing bilis ang magiging paglabas ng kabanata katulad noon.
          
          Gayon pa man, kasalukuyan akong naghahanap ng gumagawa ng pabalat ng aklat para sa paglalathala. Maraming salamat sa paghihintay!
          
          - M.S ♡

Magandang Gabi Binibini!
          
          Muli po akong sumusulat upang magsilbing paalala at pag asa na mayroong isang ako na nag aabang at nagmamahal sa iyong mg akda.Nais ko ng mabasa muli ang iyong mga walang katulad na akda.Maligayang bagong taon at sana ay sa pag bubukas ng taon na ito ay ang muling pagbbaalik ng iyong mg kwento.
          Salamat po!

Isang Pahayag Mula sa May Akda
          
          Ngayong linggo, ilalathala ko ang broadcast channel para sa lahat ng sumubaybay, naghintay, at patuloy naniniwala sa aking mga salita. Unawain na ang silid-tinig na 'to ay tanging ilulunsad rito sa Wattpad.
          
          Abangan sa mga darating na araw:
          
          • Sulat-liham ng may akda
          • Panibagong Novella
          • Mga akdang muling ilalathala
          • Opisyal na bansag para sa mga mambabasa
          
          Sa tinta ng panibagong yugto-ang dating lumisan ay muling magbabalik.
          
          - M.S ♡

Instagram Broadcast Channel coming soon!
          
          - M.S ♡

Unang Pasilip sa Muling Inilatahang Akda: Pahimakas
          
          Genre: Historical Fiction | Japanese Occupation Period 
          
          “Umaasa si Estella na sa pagbabalik ni Antonio, wala na siyang madidinig na pahimakas mula rito—tanging pangakong sa muli nilang pagkikita, muling maglalapat ang langit at lupa, gaya ng pagtatagpo nina Tala at Pebo sa dapithapon ng mga bituin.”
          
          Hanggang sa muli,
          Juan Antonio de Jesús
          Ana Estella Sumagaysay
          
          - M.S ♡

Missing your story "Sweet Memories of 19th Century". Pero sana happy ending na sa revised version.