نـــجـــد`

تم عندك رديها

ليه المسا عوق الشقاوي وطبه؟
          
          وليه الهبوب تصحي القلب لا بات؟
          
          وليه القمر يدعي جريح المحبه؟
          
          ويقول له يا هيه..ما فات ..ما مات
          
          جرحك ظهر لو قلت للوجه خبه
          
          وللحزن في ضحكك رسوم وعلامات
          
          وليه المطر بالذات ريحه.. وصبه
          
          كنه رسول بين الاحباب بالذات؟
          
          اشتاق فيه لشوفتك واتنبه
          
          للي نسيته من مواقف ونظرات
          
          لا استانس الخافق ذكر من يحبه
          
          ورجع يراجع فالوناسات ما فات
          
          يا مرتع القلب الحزين ومربه
          
          يزيين بك مثل الذهب صدر الابيات
          
          هيهات ينسى القلب شخص  لعبه
          
          وهيات يدله خاطري منك هيهات
          
          سبك مديح ومدح غيرك مسبه
          
          تقول واذني صوتها تقول لك هات
          
          ونبع الغلا عندك وعندي مصبه
          
          ومن الولا .. في خافقي لك ..ولاياات
          
          وطيفك حطب عيني..وعيني مشبه
          
          والشوق برد  ما انقطع لو للحظات
          
          ومكانك الصدر ولك القلب شبه
          
          بين الظلوع اللي فردها التنهات
          
          ولك بيرق  فالقلب حبك يهبه
          
          شامخ ولا هزه من العذل غارات
          
          محبتك فالوقت ذا ما تشبه
          
          الا بخيمة بدو بين العمارات
          
          ان شفتني ضايق واهوجس واسبه
          
          اخاف غدر الوقت.. والوقت دورات
          
          لا تحسب ان دمعي نزل دون سبه
          
          ابكي من الفرقا وهي مابعد جات
          
          اليوم كل امورنا..مستتبه
          
          وبكره ماندري وش معه من مسرات
          
          ارب قلبك مثل قلبي اربه
          
          ما يخلفه شور العرب والمسافات

يقال ان اول جملة غزل موثقة في التاريخ
          قالها الملك رمسيس الثاني لزوجته نفرتيتي يوم قال :
          
          هي التي تشرق الشمس من اجلها
          
          ماتزال هذه الجملة محفورة في معبد ابو سمبل في مصر
          
          واكتشفوا بعدها انه متزوج عليها ٥٤ امرأة فقط

إسقُوا غِراس چُمعتكم بـِ سُورة الكهف ، فإنَّها نُورٌ بين الجُمعتين ..
          
          وطَيبُوهَا بـ الصَلاة علي الرسول - صَلَ اللّٰه عليه وسَلم- ..
          
          خُذ من وقتك دقايق لربك..
          
          "إقرأوا كهفًا، وصلّوا على رسول اللّه ألفًا.
          
          الجُمعة للجُمعة كفّارةٌ لما بينهما إذا اجتُنبت الكبائـر."