نـ𝒩𝒪𝒪ℛـّوࢪ🧚🏼‍♀️

نورايتي.li

‌

أي مشتاگلك توجعنـي واحچيـها
          وبـس توصل لهاتـي اختنـك بيهـا
          والزمـهـا خـاف الـوادم يسمعـون
          اسـد شفتـي وتصيـر بعيـني وابچيـهـا...

ذكرتك بالوجوه الردت يمها انساك 
          وبدت بيك السوالف وانتَ تنهيها 
          وادير العين عنك والكلب يندار 
          وادير الكلب والكه شفافي تحجيها 
          وتمر سوالفك ناي بحياية الشوى
          وتعرضلي الكرامه وما احاجيها 
          المبادئ والقيم ما تشمل اليشتاك 
          الهجر رب المذلة القيم شعليها؟
          اني صفيت روحي من المضى بلياك 
          وانتَ وياي نيتك ما مصفيها؟!
          ضيعت العرف كطرة ببحر نسيان 
          واني لمسة جفوفك محتفظ بيها 
          شتلة ذكريات اشتلها بلكت تعيش
          ولو طبعك خريف وما تسويها 
          يَل مكشف عشرتي كبال ياهو الجان 
          واني حروف اسمك ما مراويها 
          مغشوش الهوى الما اشم عطرك بي 
          النسمة خلاف وجهك كوه اعديها...  
          

منو يخفف وجع راسي؟
          احسني من الألم شايط
          تعال اسندني خلي ارتاح 
          جتفك يسوى الف حايط!...
          

تمنيت القيامه واني احاسب بيك
          اعفيها الخلك بس انتَ اكلك كوم 
          وامشيك بجهنم ممشه عشر سنين 
          ومضاعف عليك اليله مية يوم
          وتحايل عليك بكتلة العباس 
          وبنيلك جربتك ورق من زقوم
          ما مندوم.!
          اصلاً من هجرتك ابد ما مندوم...
          

يعوضك الله بغيرهم لو فاركوك
          يجوز لو راحو حياتك تستقيم
          كوم لم روحك وبلش من جديد
          وكول بسم الله الرحمن الرحيم
          وشوفلك حب يستحق واتعب عليه
          ولا تظل قافل تريد الا القديم
          وديربالك تقتنع لو رخصوك
          دوم خليك انت عد روحك عظيم
          ولا تفك بابك بعد لمن يجون
          الوادم اختلفت والمسامح غشيم.

أوصفلك وجَعها سوايتك ويَّاي؟
          بت محترگ چفها وجرّوا المعضد
          يـ بزر المرت أبو مدلل وشابع نوم
          مو بزر الچبيرة معلّم على الچد..
          بس منا وهيچ انوب أحطلك حد!
          وأگصهن لو يطلعن ظفر من غطاك
          حَدي ويا الغطى الرجلين خل تنمد
          حار وياك حار ولو بردت عناد
          ثلاجة الموتى نصير منها أبرد.

الناس اكثر منك اذوني بغيابك
          جنت مرتاحه بدونك؟
          ما ادري منين الله جابك؟!
          كتلي احط حلقة باصبعج وانتضرتك رغم 
          حجي العرف والغربة وعذابك..
          وتالي ما تالي على اصبعي انطبك بابك
          واعدتني وعذبتني؟
          الله ليخليك تتهنى بشبابك!!
          تدري كمت اتمنى كون عيوني يعمن من تمر 
          من كدامي زفه؟
          تدري مريت بمحلات الذهب وشصار بيه؟
          وجهي صار بلونهن وبجفي رجفة.... 

لا اكدر اضمهن 
          لا افضفضهن!
          لا ميت ولا خلصان من عدهن؟
          انا جروحي سوالف بيت 
          ما اكدر اطلعن.....