نـَـ𓂆دى صَـبْـ𓂆ـرِي💜🇵🇸

⏰️ طيب العمل اي؟
          
          امسك في مبادئك: في وقت "الأحلاس"، ناس كتير بتبيع ضميرها عشان قرش أو عشان خايفة.. الثبات هنا هو البطولة.
          هيطلع مليون باب للقرش الحرام والكسب السهل البسيط قدام بيع المبادئوالعفه والشرف 
          
          بلاش إشاعات: الفتن دي بتكبر بـ "القال والقيل" ونشر الرعب بين الناس. تاخدها من باب ميمز من باب ريتش من باب يتقال عليا انا الي فاهم من اي باب يمكن العقل يتخيله..كله في الاخر هيترمى في فرن كبير مليان حطب الفتن
          
          خلينا سند لبعض: الفتنة هدفها تفرقنا (هرب)، والرد عليها إننا نتجمع ونسند المكسور والمنكوب فينا
          نسنده بكل اخلاص مش علشان الشو والريتش ونشكك في نوايا اي انسان نفسه يعمل خير ويوعي ويفيد..والغلطان نقومه ونصلحه ونسنده ونمنع انه يغلط تاني..ونخلي قلوبنا هينه سهله على بعض حتى في النقد والبناء 
          
          يتبع ان شاء الله في الجزء الثاني #منقول

عشان كدة الفتنة دي اتسمت بالاسم ده لسببين:
          
          طويلة الأمد: مش خناقة  ولا حرب ولا نزاع وتخلص، دي بتقعد سنين وسنين.
          
          شديدة الالتصاق: بتدخل في تفاصيل حياتنا، في بيوتنا، في رزقنا، وفي علاقتنا ببعض.
          
          في الحديث الصحيح اللي رواه عبد الله بن عمر، النبي ﷺ لخص مأساة الشعوب في الفتنة دي بكلمتين:
          
          "فتنةُ الأحلاسِ؛ هَرَبٌ وحَرَبٌ"
          
          يعني اي بقى الكلمتين دول بالراحة:
          
          "هَرَبٌ": يعني الناس بتفر  وتهرب من بعضها، الثقة بتضيع.. الكل متخون والغدر هو العنوان السائد في التعاملات..فضح مجالس فضح ادب حديث غيبه نميمه تسجيلات سكرينات بلاغات شكاوي  نفاق نوايا سيئه . الجار بيخاف من جاره، والصاحب بيشك في صاحبه، والناس بتسيب بيوتها وأوطانها وتهرب عشان تنجو بنفسها (زي اللي بنشوفه في حالات اللجوء والنزوح).
          
          "حَرَبٌ": (بفتح الراء) ومعناها "النهب والهلاك".. يعني تصحي تلاقي شقا عمرك راح، أو أمان عيلتك اتسرق منك في لحظة فوضى. بنوك بتفلس بقى او سيستم حاكم بيقولك معلش حصل كذا وهنعوضك بأي حاجه او او زي ما خيالك يوصلك
          
          طيب في ٤ ٥ ٦ ...تسعين فتنه اشمعنى دي الي واخده صيت مرعب مقبض كده؟؟
          
          فعلا فيه فتن تانية زي "فتنة السراء" اللي بتيجي من كتر الفلوس والرفاهية، وفيه "الدهيماء" اللي بتبقى صدمة فجأة للكل.. لكن "الأحلاس" هي "فتنة التعود على الوجع".
          انت متخيل اللفظ صح؟ 
          
          تنام تصحى تاكل تشرب تدخل الحمام تتمشي تصلي تعصي هي هي الفتن والخساره 
           حالة الضياع اللي مابينتهيش.
           انت مش شايف بكرة فيه إيه.
           الفوضى اللي بتتحول لـ "نظام حياة" يومي للأسف.
          
          

⏰️ الايام دي بيتردد كتير مصلطحات ممكن تكون مجهوله لاكثركم وممكن البعض يحس انه تايه في الوسط فيكسل او ينفر من البحث فيها
          
          سيدنا النبي عليه الصلاة والسلام قال انه قبل فتنه الدجال هيكون فيه ٤ فتن عظمى..حذرنا منهم وحذر صحابته لدرجه انهم كانو بيترعبو منها 
          
          فتنه الاحلاس 
          فتنه السراء 
          فتنه الدهيماء
          فتنه في الشرق  واخرى في الغرب
          ثم الدجال
          
          ⏰️ فتنه الاحلاس تعتبر هي اقرب الفتن لنا حتى لو ميعاد قيام الساعة مازال بعيد عننا بحكم انها مفروض اول الفتن
          
          قال صل الله عليه وسلم: 
          فتنةُ الأحلاسِ هربٌ وحربٌ ، ثم فتنةُ السَّرَّاءِ ، دخنُها من تحتِ قدمِ رجلٍ من أهلِ بيتي ، يزعم أنه مني ، وليس مني وإنما أوليائي المتَّقون ، ثم يصطلِحُ الناسُ على رجلٍ ، كوَرْكٍ على ضِلَعٍ ، ثم فتنةُ الدُّهَيماءِ ، لا تدَع أحدًا من هذه الأمةِ إلا لطمَتْه لطمةً ، فإذا قيل : انقضَتْ ، تمادَتْ ، يصبحُ الرجلُ فيها مؤمنًا ، ويُمسي كافرًا ، حتى يصيرَ الناسُ إلى فسطاطَين ، فسطاطُ إيمانٍ لا نفاقَ فيه ، وفُسطاطُ نفاقٍ لا إيمانَ فيه ، فإذا كان ذاكم فانتظِروا الدَّجَّالَ من يومِه أو غدِه
          
          كلمة "الأحلاس" جمع "حِلس"، وده كان غطا أو قماش بيتحط على ظهر الجمل تحت السرج.. الميزة في الغطا ده إنه "لزقة"، يعني بيفضل ملازم لظهر الجمل مش بيفارقه أبداً.
          
          

السلام عليكم، 
          الكلام الي في البوست مُوجه ليا قبليكوا بخصوص السوشيال ميديا وتأثيرها علينا.
          
          لو حد عايز يخرج من رمضان بأكبر استفادة من حيث العبادات، والمذاكرة، وتهذيب النفس، ويخرج منه متعود على دا ويستكمل باقي  السنة مُنضبط يبقى ضروري يقفل سوشيال ويحاول يوازن جوانب حياته.
          
          ليه ضروري نقفل؟
          • احنا محتاجين نفصل شوية عن العالم عشان نقدر نتلقى الوحي، ونستشعر معانيه ونتدبرها، والسوشيال ميديا مش هتساعدنا على دا.
          
          طب ليه مش هتساعدنا؟
          عشان حتى لو مش بتتفرج على المسلسلات والبرامج هتلاقيها هنا وكمية ميمز مش ملاحق عليها وغصب عنك هتشوفها، أغاني ورقص وعُري على التيك توك والانستجرام والفيس، تضييع وقت بالهبل بقى على هلس وكلام ملهوش لازمه وبتهلك نفسك حرفيًا، ف نفسك بتبقى مستثقلة العبادة وبتعملها بخمول وكسل.
          
          لو قفلت سوشيال شهر مش هيفوتك حاجة، بس لو فضلت تسكرول شهر هتضييع عليك خير كتير اوي.
          
          اقعد مع نفسك وخليك صادق معاها وخُد القرار ومتقعدش تقول هظبط مواعيدي وجدولي وهفتح قليل ومش هتأثر وهفتح هذكر الناس بالعبادات وغيره  من الكلام الي بنقوله لنفسنا كل سنة دا، فالأولى هو إصلاح نفسك والتركيز معها.
          
          يا باغي الخير أقبل، ويا باغي الشر أقصر! #منقول

لما تيجي تفطر متقولش  «اللهم لك صمت وعلى رزقك أفطرت» 
          حديث ضعيف
          
           ابقي قول «ذهب الظمأ وابتلت العروق وثبت الأجر إن شاء الله»
           حديث صحيح
          
          ‏كانَ رسولُ اللَّهِ -صلَّى اللَّهُ عليهِ وسلَّمَ- إذا أفطرَ قالَ: ذَهَبَ الظَّمأُ وابتلَّت العُروق وثبتَ الأجرُ إن شاءَ اللَّه.
          
          - صحيح أبي داود. #منقول
          
          كل عام وانتم بخير 

كل عام وأنتم جميعا بخير وفي سعادة وهنا يا رب 
          
          ويا رب رمضان ده يكون خير وهنا وفرح لكم والعيد يكون عيدين 
          وربنا يعوضكم خير ويفرحك قلوبكم يا رب
          
          هي لسه الرؤية مش ظهرت 
          ولكن يلا مش مشكلة خلينا نسبق بالخير
          
          
          أفرحوا يا جماعة رمضان على الأبواب 
          

رمضان باقى عليه كام يوم ركز فى أهم ١٠ حاجات ممكن تاخد بالك منهم :
          
          ١- ماتتكلمش كثير وإنت صائم، ماتهزرش كثير، ماتعليش صوتك .. ليه؟
          حديث النبي .. فإن كان صوم أحدكم فلا يرفث ولا يصخب.
          
          ٢- لو حد ضايقك في أي حاجه، ماتردش عليه ..
          قُل : إني صائم.
          
          ‏٣- رمضان مش من الفجر للمغرب، رمضان ٣٠ يوم ليل ونهار، فلو الصيام بالجوارح بالنهار .. فالصيام بالقلب بالليل والنهار
          
          ٤- كل الناس ممكن تصلى وتصوم وتقرا قرآن، بس مايعرفوش إن الهدف من ده كله هو التقوى .. فركز إن سلوكك يتعدل ويتحسن .. ركز إن قلبك يتعدل .. ركز إن العبادات تغيّر في المعاملات .. لو بتكذب بطّل، لو بتغتاب كفاية كده، لو بترتشى توب، غيّر أي سلوك انت عارف إنه حرام.
          
          ٥- للصائم دعوة لا تُرَد .. فجهّز ماتريد من الدعوات.
          
          ٦- هات السبحة الإلكترونية وخليها في جيبك على طول وحط هدف إن كل يوم على الأقل تذكر ربنا ألف مرة، ونوّع فى الذِكر .. مابين تحميد وتسبيح وتكبير، إلخ.
          
          ٧- حاول على قد ما تقدر تطلّع صدقة، حتى لو جنيه .. هتلاقى كرم مابعده كرم في الدنيا قبل الآخرة.
          
          ‏٨- صلي التراويح مش لازم كل يوم ومش لازم تطوّل فيها، بس حاول على قد ما تقدر.
          
          ٩- كل يوم ربنا ليه عتقاء من النـ ـار، اطلب من ربنا من كل قلبك كل ليلة إن ماكنش اعتقك قبل كده فيعتقك النهاردة، لله عتقاء من النـ ـار وذلك في كل ليلة.
          
          ١٠ - خلى ختمة السنادى مش قراءة بس، العبرة مش بالكم، هات المصحف اللى فيه المعانى، وأقرأ معانى كل صفحة تقرأها...وشوف إنت فين منها.
          
          كل عام وانتم بخير ، ربنا يتقبل منا ومنكم صالح الأعمال .
          - " ذكِّر فإنَّ الذِكري تنفَعُ المُؤمِنين " ..
           #منقول 

في ظل الأحداث المتسارعة يا جماعة الخير
          
          - لا تشتت نفسك بالأخبار المتداولة هنا وهناك وتملى عقلك بأحداث عفنة ومشوهة وانتبه لوقتك وحافظ على فطرتك الحيية في عدم قبول أي تلوث بصري وسمعي بياخد من انتباهك وتفكيرك حيز قادر يفسد يومك، وكل سنة وإحنا طيبين 
          
          - التشوه والعفن والمسخ أفسد حياء بعض النساء، وبقينا بنشوف تعليقات كلها ايحاءات دلالة على تأثير العفن اللي بنقرأه ونتداوله على الفطرة السوية في رفضه قولا وفعلا.
          
          - حصن نفسك كويس ومتفرطش في أذكار الصباح والنوم وقراءة البقرة وسماع الرقية، التحصين مبقاش اختيار ولكن أصبح شيء أساسي ومهم مع انتشار العفن وعبادة الشياطين.
          
          - بلاش تبقى عايش دور المتعجب المندهش من ثقافة الغرب وقوانينهم وتناقضهم، لأن بالفعل دا واقع عايشينه، واللي كان مننا ف غفلة عن حقيقة الغرب ودعاة حرية المرأة وحقوق الإنسان ، فاعتقد بعد أحداث غزة كل حاجة انكشفت واتضحت.
          
          - المتاجرة بالمرأة والأطفال وانتشار الماسونية وعبدة الشياطين والقرابين البشرية وما إلى غير ذلك فهو أمر معروف ومن سنوات إلى الخلف .
          
          - بلاش خطاب المتعجب من آداب دينه وتعاليم دينه ويااه الدين طلع حلو وحامي المرأة ومحافظ على الفطرة وكإنك لسه بتتعرف على دينك، ومنتظر إثبات كمان، فلازم تشوف العفانة والتشوه دا علشان تقتنع وتستشعر.
          
          - متنساش إن مع جمال ديننا وتعاليمه، فأنت محتاج حاليا تجتهد وتركز في تعاليمه وتحافظ عليها وتعمل بيها وتستعد علشان اللي جاي زفت على دماغنا كلنا ومحتاج استعداد وإعداد
          - #منقول

توضيح يا جماعة مفيش دليل صحيح أن ليلة النص من شعبان بترفع فيها الأعمال
          الصح أن الأعمال بترفع في كل شهر رمضان مش في وقت معين 
          ومفيش عبادة معينة ولا ذكر معين 
          بل هي ليلة كما باقي الليالي

 #اعتراف_صغير
          السلام عليكم ورحمة الله وبركاته 
          
          على اعتبار أن بكرة أول يوم فعلي في معرض القاهرة الدولي 2026 
          
          بصراحة السنة ده كنت حاسة أني هكون زعلانة ومضايقة عشان اللي حصل معايا في المعرض اللي فاتت ربنا يشهد أني كنت سعيدة عشان هكون في المكتبة اللي كنت فيها وكنت اتمنى كده من زمان والحمد لله ربنا حقق  لى حلمي ده ولكن قدر الله وما شاء فعل والموضوع مش كمل والحمد لله أكيد خير واتعلمت حاجات كتيرة أوي 
          
          وعلى الرغم أني زعلت جدا واضايقت عشان الموضوع مش كمل وخد الأمور على أعصابي كالعادة وكنت خايفة بجد المعرض ده يجي ومش اكون متحمسة ومش عايزة أكون في مكان اتظلمت في ولكن سبحان الله ربنا غير كل المشاعر السلبية اللي جوايا لسعادة حقيقة لكل كاتب وكاتبة نزول روايات السنة ده وحقيقي اتمنى لهم كل الخير والسعادة وأن ربنا يكتب لهم القبول ويكون نصيبهم أحسن من نصيبي 
          
          فالحمد لله على كل حال 
          عايزة أقول لكل كاتب وكاتبة افرحوا حتى لو الأمور مش كملت يكفى أن في يوم من الأيام اسمك كان ضمن مجموعة هائلة من الكتب في مكان جميل زي معرض القاهرة الدولي اللي يعتبر تاني أفضل حاجة بعد المعرض اللي بيحصل في أحد الدول الأوروبية تقريبا فبجد شعور جميل أوي
          
          اتمن لكم كل الخير بإذن الله والتوفيق لكم جميعا وأن كل واحد يفرح في طريقك ويكون بداية خير له 
           #ندى_صبري