willowpoppy
Author ကို တစ်ခုလောက် မေးချင်ပါတယ်။
'Professional Actor' စာအုပ်ထွက်လာတာ ကြာပြီဆိုတော့ Author ရဲ့ လက်ထဲကိုလည်း စာအုပ်ရောက်နေတာ ကြာလောက်ပြီပေါ့နော်။
စာရွက်သား Quality နဲ့ ပတ်သက်လို့ Author အနေနဲ့ စိတ်ကျေနပ်မှု ရှိပါရဲ့လား။
Author ရဲ့ စာမူကို တန်ဖိုးထားလို့ ဝယ်ယူအားပေးခဲ့ကြတဲ့ Reader တွေအတွက် ဒီလိုစာရွက်သား အညံ့စား Quality လောက်ပဲ ပေးနိုင်တဲ့အပေါ် Guilty စိတ်လေး နည်းနည်းတောင် မဖြစ်မိဘူးလားဟင်။
စာအုပ်တိုက် (ဘဝထက်စာပေ) ဘက်က Preorder တုန်းက 'White Paper' လို့ အတိအလင်းပြပြီး အော်ဒါကောက်ခဲ့တာပါ။
ဒါပေမယ့် လက်ထဲရတဲ့ စာအုပ်က White Paper မဟုတ်တဲ့အပြင် သတင်းစာစက္ကူလို အညံ့စား၊ အရမ်းပါးပြီး ဟိုဘက်ဒီဘက် စာလုံးတွေ ဖောက်မြင်နေရတဲ့အထိ Quality ညံ့လွန်းနေပါတယ်။
တခြားစာအုပ်က White Paper အစစ်နဲ့ ယှဉ်ကြည့်ရင်ကို အဖြူနဲ့အဝါညစ်လိုမျိုး ကွာခြားနေတာပါ။
ငွေကြိုလွှဲပြီး လနဲ့ချီ(4လနီးပါး) စောင့်ခဲ့ရတဲ့ Reader တွေရဲ့ ယုံကြည်မှုကို စာအုပ်တိုက်က အလေးမထားဘဲ အခုထိ တာဝန်ယူဖြေရှင်းပေးတာမျိုး မရှိဘဲ အသံတိတ်နေတာကို Author အနေနဲ့ စာအုပ်တိုက်ဘက်ကို ဖြေရှင်းချက်မတောင်းဘဲ ကိုယ်နဲ့မဆိုင်သလို ဥပေက္ခာပြုထားတာမျိုးလားရှင်။
လက်ထဲရောက်ပြီးသားမို့ ပြန်လဲဖို့
မမျှော်လင့်တော့ပေမယ့် အနည်းဆုံးတော့ တာဝန်ယူမှုရှိတဲ့ တောင်းပန်ခြင်း သို့မဟုတ် ရှင်းလင်းခြင်းမျိုးကို စာအုပ်တိုက်ရော Author ဆီကပါ မျှော်လင့်မိပါတယ်။
မိမိအားပေးတဲ့ စာရေးဆရာရဲ့ စာအုပ်ကို Quality ကောင်းကောင်းနဲ့ သိမ်းဆည်းချင်ကြတဲ့ Reader တွေရဲ့ ခံစားချက်ကို ငဲ့ညှာပြီး Author အနေနဲ့ စာအုပ်တိုက်ဘက်ကို တစ်ချက် မေးမြန်းဖြေရှင်းပေးဖို့ တောင်းဆိုချင်ပါတယ်ရှင်။
willowpoppy
@Ne_111 Author ရဲ့ ရှင်းလင်းချက်ကို ဖတ်ပြီး စိတ်မကောင်းဖြစ်ရပါတယ် (တကယ်ပါ)။ ညီမတို့ Reader တွေဘက်ကလည်း စာအုပ်တိုက်ရဲ့ Book Details ကြေညာချက်နဲ့ လက်ရှိရလာတဲ့ Quality မကိုက်ညီလို့ စိတ်ကုန်ပြီး အမှန်တရား(ဖြေရှင်းချက်)ကို သိချင်ရုံသက်သက်နဲ့ စာအုပ်တိုက်ဘက်ကလည်း အချိန်ကြာတဲ့အထိ (အခုချိန်အထိ) အသံပိတ်နေလို့ Author ကို အကျိုးအကြောင်း လာရောက်မေးမြန်းမိတာပါ။ Author ဘက်မှာ ဒီလို အခက်အခဲတွေ ရှိနေခဲ့မှန်း မသိလို့ မေးခွန်းတွေ ပြင်းထန်သွားခဲ့ရင် စိတ်ရင်းနဲ့ တောင်းပန်ပါတယ်ရှင့်။ စာမူကို နှမြောလို့ စိတ်ပူပြီး ပြောမိတဲ့အတွက် Author ဘက်က သဘောထားကြီးကြီးနဲ့ နားလည်ပေးနိုင်ဖို့ မျှော်လင့်မိပါတယ်။ အားနာတောင်းပန်စကား အရေးတယူ ပြန်ပြောပေးတဲ့အတွက်လည်း ကျေးဇူးတင်ပါတယ်။ စာရေးတာ နားမယ်ဆိုတဲ့ ဆုံးဖြတ်ချက်အတွက်လည်း တကယ့်ကို နှမြောပြီး စိတ်မကောင်းဖြစ်ရပေမယ့် Author ရဲ့ ဆုံးဖြတ်ချက်ကို လေးစားပါတယ်။ စာရေးနားဖို့ဆုံးဖြတ်လိုက်ရတဲ့အထိ စိတ်ပင်ပန်းနေရတဲ့ အခြေအနေတွေ အမြန်ဆုံး သက်သာပါစေလို့ ဆုတောင်းပေးလိုက်ပါတယ်နော်။
Ne_111
@willowpoppy အမှန်အတိုင်းပြောရရင် ကျွန်တော့်လက်ထဲ PA စာအုပ်မရှိပါဘူး။မရှိရတဲ့အကြောင်းအရင်းက ကျွန်တော့်ဇာတိက စာအုပ်သယ်ယူပို့ဆောင်ဖို့ အရမ်းခက်ခဲတာမို့လို့ စာအုပ်ထိခိုက်မှာကိုစိုးရိမ်စိတ်နဲ့ မယူဖြစ်ခဲ့သေးတာဆိုရင်ပိုမှန်ပါမယ်။ဒါပေမဲ့ နောင်မှာလည်း စာအုပ်ယူဖို့အတွက် အစီအစဉ်မရှိတော့ပါ။အကြောင်းအရင်းကိုတော့ ကျွန်တော့်အနေနဲ့ ပြောဖို့လိုမယ်မထင်လို့ မပြောတော့ပါဘူးခင်ဗျာ။ဘာမှ ဘယ်သူနဲ့မှ ပြဿနာမဖြစ်ချင်တာမို့လို့ပါ။ ကျွန်တော့်စာအုပ်ရဲ့ အရည်အသွေးမပြည့်စုံမှုအတွက် စာအုပ်ဝယ်ယူကြတဲ့စာဖတ်သူအားလုံးကို ကျွန်တော်ကပဲ တောင်းပန်ပါတယ်နော်။စိတ်ရင်းနဲ့အားနာပေမယ့် ဘယ်လိုမှပြန်ပြင်ပေးလို့မရတော့တာမို့လို့ပါ။ဒီလောက်ဆိုရင် ကျွန်တော်ဆိုလိုချင်တာလေးကို နားလည်မယ်ထင်ပါတယ်နော်။PA ကို တကယ်ပဲချစ်တဲ့စာဖတ်သူလေးဆိုရင် လက်ရှိစာအုပ်လေးကိုပဲ ရင်နာနာနဲ့လက်ခံပေးပါလို့ ထပ်ပြောပါရစေ။နောက်ထပ်လည်း PA ဟာ စာအုပ်ထပ်မထုတ်ဖြစ်မှာမို့လို့ပါနော် စာဖတ်သူရေ။PA မှမဟုတ်ပါဘူး။EM လည်း စာအုပ်မထုတ်ပါဘူးနော်။စာရေးတာလည်း အပြီးတိုင် နားလိုက်ပါပြီ။ဒါကလည်း ကျွန်တော့်ရဲ့ ဆုံးဖြတ်ချက်သက်သက်ပါပဲနော်။ နောက်ရက်မှာ တခြားစာဖတ်သူတွေအတွက်လည်း announcement လုပ်ပေးဖြစ်မှာပါ။ စာအုပ်နဲ့ပတ်သက်လို့ အားနာပါကြောင်း ထပ်ပြောပါရစေ စာဖတ်သူခင်ဗျာ။
