@NhmjEngineer
ورخص شوگي
وتبده بگيضك الميت حلم واحساس
تبديت .. وعرفت البيك جرح اخضر
يطشر ياس
شعليه المضه بروحك .. مضه ورايح
وانه بروحي .. لحن حزنك
عفت اسمي وحفظت اسمك .
لعبنه على الحبل
بس ما كطعناه..!
ولا سدينه بيبان الميانه
ولا خنه الوفه والعشك بعناه
نفسك
انت انت وانه انه...!
فتحنه كلوبنه بلا مستحه وخوف
واجو كدامنه الجانو ورانه
جنه انشوف كلشي وكلشي نقراه
عدنه عيون بس مدري شعمانه
صاحب الضويري
ما گلتلك بيدي جنة
ولاگلتلك .
گلبك شماخوذ منه
ردت أداوي أيام عمرك
واعتذرلك ..
خاف عن جرحك بطيت
وبيدك الملچومة حنة
@ userasg وأَگلك ليّش
يـ العطرك شريچ بـ عمبر المشخّاب
اعتازيتَك هوه وتَبخل عليّ شَمك
وأَگلك
نَص عمر بيه
تعال وخَل اكيّف بيك
ليش تگلي مو هَسه
عـَمت عينه البرد من لاح اصابيعَك
زرگ صارن
مَثل وجهي
أمن اذكرك واختَنگ وانجن
يـ كل رَفة جفن مرتين افكر بيّك
هـَم
اخطر عَله ضنونَك
دَبخ
ناري بـ نده عيونَك
اناغيلك
عشگ عرسان
يكلشي بروحي تندله
اناغيك بخلك
ياراي يمسومر حجي الكذله
.يبرحي وما خلص وكتك
خدران الهوه بطاريك كدما ساكر بشفتك
ولو بزلوفك من تعيل
ينجاس الكصب ويميل .
@ userasg اذا رايد تَعرف الخوف
يبدي منين ..
يبدي….شلون !
عاگدرايته ب شنهي ..
وعله اكتاره طفح يا لون
جرب
تصعد ال اخر سمه .…جروحك
جرب
تنتشي ب اخر ضوه…ب روحك
تنزل بيدك الفانوس والظلمه
مستاهد… باصابيعك
دفو من….ال عام
ترجف مستحى وتبچي
تبچي
وللشمس…محتام
اذا رايد تعرف الخوف يبدي منين
جرب
ينطفي
ب روحك
گمر وتنام ..
:عبالي العرس ديرم وثوب احمر
وترجيه وحجل وكلاده عالمنحر
انه ردت بعرسنه نفرح العاكول
ويخضر بصفنه الياس والعنبر
ليش بجفي الأيسر كل ذهب زنجر
الهلهوله اسمعتها بحزن مال مصاب
مو هلهوله معرسين بيها ام الولد تحضر .
لمنــي يــاس
بــراحتك ورگـة إعلـة ورگـة
وجـيب حنـــة
وحـطـني صـينــيـة حــلال
حطـني كلــشي
إحرگنـي شمعـة
إشـربني مـــاي
إلبـسني شـذرة
ألمهـم بـس إتجيـســني و'أشبع دلال
افتحلي بــابْ
و نِش عصآفيرك بـ وجهي
بيه تين و لعــب
بس محد يلمني
ترآبي بي ريحة گبل
امطر و شمني .
لاتحـبني..
الدنيا ماخلتـلي واهـس وأرجع أهوه !
الدنيا گسرتني بشگو أبن آدم گلت بس هوه يسوة ..
الدنيا اخـذت حيف گل ضحـگها عشتة ولحظـة حلوة!!
لاتحبني!!
مو بعازة الـ الچمة جروحي متهديات گوة
وديـلي ولـو اي شي عـطرڪ
ضحڪتك جرحك
يلهيني وشيلڪ لحظـه من بالـي
اشتهـيت الـمگـبره اتلـمنـي
من اشـوف امچانك الـخالـي
يبو جرحي اشبعد لـجفاڪ ونفض
وراويڪ الـبـگـلبي اشـبنـن ونفض
الـفگدن منـي يتعلمن
نـواعي ومثلي ماونن
والـمخلفات تـوم ابـتوم
مثـل اربـاي مـا ربن
سـنه اتگـود الـسنه ولـ هم
صـبر وتڪـاون اويه الهم
وبگـلبي غـده عـطاب ذاك
الـصوب هـم ينـشم
امعـيدي والـربطنـي اويـاك
ملـحه و سالـفة عشاك
مـا يـربـطنـي بيـك الدم
اشـبعد وتـرد وشبـگڪ كـون ونفيض
ابـدمـع حـد مـا يـشح الـشوف بيه...
تسبگني روحي على الدرب
لهفه وجفوفك دافيه
الخوف يلملمني برد
جني حمامه ولافيه
وعتّني من حِجْلي الشمس
وانه على صدرك غافيه
ياما الحلم ويّه الكحل
بجفني غفه كل ليله
وما بيع حزني للنذل
لو گطعوني الليله
تانيتك ليالي الزرگ
وكفه وتصلّ اضلوعي
صنطه ومشه بيّه الحزن
بطعم الكحل ودموعي
وشَرّيت زلفي من الندى
هندال فوگ اشموعي
ولتخلّي جفني بلا كحل
كونك كحل تشريله
ولا تبيع حزنك للنذل
لو گطّعوك الليله