Fai catro anos máis ou menos empecei a miña primeira historia en galego, chamada Eliana. É unha historia á que lle teño moito cariño e que, nalgún momento, deixei de sentirme inspirada para escribir e aí quedou. Catro anos despois, wattpad segue sen dar a opción de marcar unha historia como escrita en galego, e non en español. Catro anos despois, volvo sentirme inspirada e voulle dar un final. Non espero que moita xente vaia lelo, porque a xente que empezou isto quizais xa nin recorda como era o principio da historia, pero quería despedir algo que significou tanto para min, me regalou tantos comentarios bonitos, e coñecer o movemento de #wattpadengalego. Que non decaiga, que sexa o final que se necesita para moitos novos principios e que moitas grazas por lerme, en galego e en castelán. Eliana, chega ao seu final. Pero en galego habémonos de ver moitas máis veces.
