بنت البركان 🔥

تتشرف اسرة الحاجه وصال بحضورك عرس ضناها ال5 
          يوم الجمعه فاتحة نسيبه خطيبة يوسف وفاتحة رئام خطيبة علي وفاتحة جليله خطيبة احمد وفاطمه خطيبة محمد❤️↗️
          
          وبيش تشرفينا يوم السبت عندنا فاتحة عائشه خطيبة عبدالله ↗️
          ويوم الاحد نحر الجمال ✔️
          ويوم الاتنين عازمينك عالغدي كسكسي وعصبان وعازمينك عشي رشدة كسكاس❤️
          ويوم التلات رمي يوسف وعلي واحمد ومحمد 
          ويوم الاربعاء رمي عبدالله❤️
          ويوم الخميس الزفه في حوش الحاجه وصال"اني"
          ويوم الجمعه الصبحيه في صالة اكان جنب مصيف الامان❤️↗️
          
          العرس سبع ايام وسبع ليالي الزكار ليهم شهر يربخو والخيل حتى هوا ليه شهر داير كل يوم لهيد ☻
          وتي دبشك في صاكو وتعالي ديري اقامه في حويشي من اليوم 
          واعزمي اهلك وخوالك وعمامك وصاحباتك وجيرانك واحبابك كل من تبيه اعزميه وراك تنسي مرواح مافيش بتباتي في حوشي هههه❤️↗️
          
          العنوان :في برنامج الواتباد ايميل اسمه R___58 في كتاب "جدتكم وصال" 
          
          ومع السلامه طولت واجد☻

يا شباب مصراتة ويا بنات مصراتة كبار وضغار ..
          
          هل تعلموا إن مصراتة عدد المسجلين فيها اقل من 3000 مسجل من اصل 500 ألف مواطن ؟
          
          هل تعلموا إن التسجيل فاتح ليه 3 شهور ومعاش مازال إلا 4 أيام بالكثير ؟
          
          هل تعلم إن مصراتة في التسجيل أقل حتى من اوباري ؟
          
          هل تعلم إن من المترشحين الزايدي وحفتر واشتيوي وسيف القذافي ؟
          
          هل تعلم إن بنغازي وطرابلس وسرت وبني وليد وغيرهم نسبة التصويت فيها اكثر من مصراتة ؟
          
          هل تعلم أنك لو ما سجلتش إحتمال يسرقوا صوتك ويستخدموه ضدك؟
          
          هل تعلم إن اللعبة السياسية ما فيهاش حي ما سمعتش وما نعلمش وإن سلاحك في هذاكا اليوم ما ينفعكش ؟
          
          هل تعلم اني ما نقولكش صوت ولكن سجل بس بيش تقعد قوة التصويت في يدك وما تريحش عليك ؟
          
          سجلوا يا هووو حتى علي عيون التريس الي خسرناها