هلاوات بنوتات
اسمي نوف ودلعي ننوش دلعي طلعليا اخو صديقتي الصغير من جوه الگاع 
المهم اشتغل بالعقارات والترجمه ( اشاقه اشاقه)
من بغداد (نوتيلا)
و وحيده بين اخواني ال2 يعني شويه مدلعه (شويه)😌💅🏻✨
واختصرها عليكم 
لساني اطول مني واليحاچيني كلمه أردها بعشره
واتعارك ويه ذبان وجهي
ومفلسه اهلي (وهم الممنونون غصباً عليهم💅🏻✨)
ومع ذلك اجتماعيه احب اختلط بالعالم مادري ليش بس احس شعور حلو  بحيث حتى اسماء العالم گمت انساهم واخربط بيهم
اتمنى للجميع الخير والسعاده اموت عليكم✨🎀
وهاي بوسه مني لكم 💋💋(وأنتم الممنونون😒😂)
واريد اگللكم فد نصيحه اخيره (اعرف لغيت هواي بس شسوي احب الغي )
سلموا حياتكم بيد رب العالمين خلي عدكم ايمان انو كل صبر دنقدمه وكل تعب وكل حزن رح يرجع بداله الراحه والسعاد أضعاف الي نتمناه ودائماً خلوا گلبكم صافي وكل خير تقدموا لوجه الله لا تنتظرون مقابل من احد انتظروا المقابل من رب العالمين مثال 
اني ساعدت شخص فقير او خلي نگول مريض تكفلت بعلاجه بس اني ساعدته بدون مقابل ولوجه الله لأن ادري رب العالمين رح يعوضني بأضعاااف الي قدمته ليش!!؟ لأن گلبي صافي وكلشي اقدمه ما انتظر مقابل
فَ بليز لطفاً أرجو عليكم الله عليكم بداعة العزاز سلموا حياتكم بيد رب العالمين ولاتشيلون هم لأي شي الي يختاره رب العالمين دائماً هو الصح والخير الچ او الك
وبس والله هواي لغيت بس اني مثل ما گلتلكم مو بيدي احب احچي
احبكم هواي جميلاتي واتمنالكم الخير وراحة البال ماعرفكم بس احبكم لأن بنوتات مثلي💋🎀✨