Rahma-N
مااعرف شأكولج اتمنى اتواصل خاص ويه وحدة منكم
Rahma-N
من انقلت عائلة رحمة من المحافظات الى بغداد ام رحمة تحررت بشكل غير طبيعي واكثر من جانوا ساكنين بمحافظتهم مع العلم انهم گعدوا بمنطقة شعبية في بغداد إلا ان هذا ممنع الام انها تلبس قصير وتطلعوتدخل وتصادق رياجيل على زوجهه بس علمود تطلع وتسهروياهم وتفرفر وينطوها فلوس وملابس والمشكلة انو الاب ساكت عن هذا كوليته لحد الان رحمة متعرف انو ابوها يعرف ومغلس وساكت لو اصلا ميعرف
لا حول ولا قوة الا بالله
كل هاية ذكريات انطبعت براس رحمة من هي صغيرة جانت مرات امها اطلعهه وياها علمود الاب ميحجي وتسمع كلام الام مع رجال غرباء اريد اعوفه ممريحني اريد اطلك وقسم منهم يوافقهه وقسم اخر من الرجال يگولولهه لا مدام ساكت وميحجي
علمود بنانج
ندى: ماما ماما جوعانه راح ينكسر گلبي من الجوع
رحمة : ولج فززتيني انعل ابو الجوع الي يكسر گلب بنيتي دتعالي تعالي انطيني بوسة وانطيج اكل
Rahma-N
گاعدة رحمة بالقسم مالتهه بدائرتهه وحدهه ماكو مراجعين كولش قليل بحكم رمضان فاتحة تلفزيون مسلسل مصري وصافنه بي وراح بالهه بعيييييد
يوم اول تعيين الهه شگد جانت فرحانه شگد جانت نازكة وحلوة جانوا يسموهه الميدالية نعومة وصغيرونه وكشخه اهم شي جان عدهه ملابسهه شكلهه لازم كولشي تمام بعد ماعانت من ام بخيله وقاسية بس تحبهم جان حسره عليهه الملابس تذكر شلون جانت تلبس ملابس اختهه الجبيرة وشلون تلبس احذيتهه مع العلم رجلهه اكبر منهه بنمره بس جانت تخلي كلينكس وتلبسه
اختهه موظفة بالمصرف راتبهه زين بس هم خطية الام بالطالعة والنازلة انطيني فلوس مصرف للبيت اكل شرب مع العلم اكلهم جان بسيط واللحم مو دائما موجود مع العلم الام موظفة بس جانت بس على روحهه ولبسهه وذهبهه وجانت تضم فلوس بالمصرف هوايه تسوي سلف وتضم والبنات حال الضيم حالهم
اووووف ياماما شسويتي بينه
رجعت ابالهه وشلون صادفت حب حياتهه
ها رحمة اجي وياج باجر تسويلي اشعه
صار حبي بس كون نروح من وكت قبل المراجعين ناخذلج اشعه وادخلج للطبيب علمود ترجعين ع السريع
عفية يابعد روحي يااختي تره ماخذه زمنية واريد ارجع للمصرف بسرعة
حبي اني هم اريد اكملج بسرعة واخلص منج وراية شغل كومة مو عبالج المستشفى مال ابويه
الله لو المستشفى مال ابونه رحومة جان شصار بحالنه
حبي لو المستشفى مال ابونه جان ماشفتينه بالعراق العظيم جان طلعنه بره
يله الحمد لله ع كل حال
ثاني يوم من الصبح جنت اني واختي سنا بقسم الاشعة وبطلعتنه سناوي شفتي هذا الولد الي اخذلج الاشعه
اي شفته شبي
شتتوقعي متزوج
ولج وانت شعليج بي
سكتت كولشي محجيت بس جان هذا الحب من اول نظره
گمت ادور مراجعين واوديهم للاشعة اعرفهم لو مااعرف بس علمود اشوفه يماااا ويطير گلبي من اشوفه مااعرف منو يمي ولااحس بالناس حواليني حتى هو حس بيه وگمت من اجي بس يبتسم سمعت واحد يصيحله حسن وين الافلام
يمااا يمااا طلع اسمه حسن انطبع الاسم بگلبي وعقلي وروحي بس دانتبه مرات ديصيحوله ابو عبدالله
اوووف اوووف هنياله لام عبد الله
صادقت بنات قسم الاشعه كوليتهم من وراه علمود اعرف تفاصيل حياته عرفته متزوج وهسه صاير عنده ولد ومرته ويانه بالمستشفى تشتغل وبنفس قسمي بس حاليا مجازة امومة
هايه المعلومات ولامنعتني من حبه ومن التقرب اله مااكدر حبيته حب مال مراهقة بعمري وحياتي محبيت بالكلية جنت متقوقعة ع روحي استحي من ملابسي