Noorix7

سبِّح!
          ‏قال عُبيد بن عُمير: "تَسبِيحة بِحمد الله في صَحيفة مُؤمِن خَير له مِن جبال الدنيا تَجرِي معه ذَهَبًا".
          سُبحان اللَّه وبِحمده، سُبحان اللَّه العظِيم🤍.

 «اللهُم صَلَ وسَلّم على مُحمَد »
          

في حاجات مبتخلصش لما تنتهي…
          بتفضل عايشة جوانا، كل يوم بشكل جديد.
          ممكن نضحك ونعيش ونتكلم كأن مفيش حاجة حصلت
          لكن في جزء جوانا لسه متعلق بوقت كان فيه كل شيء أبسط وأحن
          وحشني إحساس قديم…
          إحساس إن في حد وجوده كان بيطمن القلب من غير كلام
          وإن في تفاصيل صغيرة كانت كفاية تخلي اليوم كله أحلى
          الغريب إن الأيام بتعدّي
          بس بعض الذكريات مبتعرفش تعدّي معاها
          بنحاول ننسى
          فنلاقي نفسنا بنفتكر أكتر
          وفي آخر الليل
          لما كل الأصوات تسكت
          بيفضل جوا القلب كلام كتير…
          محدش سمعه
          ومحدش هيعرف قد إيه كان صعب يتقال
          

            {اذكر الله}
          
                     «سُبْحَانَ اللهِ»
                     «الحَمْدُ للهِ»
                   «لَا إلَهَ إلَّا اللهُ»
                       «اللهُ أكْبَرُ»
               «سُبْحَانَ اللهِ وَبِحَمْدِهِ»
               «سُبْحَانَ اللهِ العَظِيمِ»
             «لَا حَوْلَ وَلَا قُوَّةَ إلَّا بِاللهِ»
            «اللهُم صَلَ وسَلّم على مُحمَد »
          « أستغفِرُ الله العظِيم وأتوبُ إليهِ»

أصعب جرح مش إن حد يبعد…
          أصعب جرح إنك تكتشف إن الشخص اللي كنت بتعتبره أمانك، هو نفسه السبب في خوفك ووجعك.
          إنك تفتكر كل مرة دافعت عنه، وكل مرة صدقت كلامه، وكل مرة اخترت تسامح عشان مكانته عندك…
          وبعدين تكتشف إنك كنت بتحافظ على شخص، وهو ولا مرة خاف يخسرك.
          الوجع الحقيقي إنك ماكنتش مستني منه الكمال،
          كنت مستني منه بس مايكسرش قلبك بالطريقة اللي هو عارف إنها هتوجعك.
          وأصعب حاجة؟
          إنك تفضل جواك كلام كتير نفسك تقوله، وعتاب كان ممكن يغيّر حاجات…
          بس فجأة تكتشف إنك تعبت من الشرح، وتعبت من إثبات إنك اتوجعت، وتعبت من انتظار تقدير من شخص اختار يوجعك وهو عارف.
          ساعتها مش بتكره…
          بس بتتغير.
          بتقفل الباب اللي كنت كل مرة بتفتحه على أمل إن المرة دي هتكون مختلفة.
          وبتسيب الذكريات مكانها، من غير ما تحاول تمسحها… لأن بعض الذكريات مش بتتنسى، بس بنتعلم مانرجعلهاش.
          يمكن هو يفتكر إن سكوتك ضعف،
          وإن بعدك كبرياء،
          وإنك هترجع زي كل مرة…
          بس الحقيقة إنك المرة دي مشيت لأنك أخيرًا فهمت إن أقرب الناس مش دايمًا أحنّهم، وإن بعض الأبواب مهما كانت غالية… لازم تتقفل.
          ومش كل باب اتقفل، ينفع نفتحه تاني…
          مغلق.
          

 ٣ أغسطس... يوم ميلادي. ❤
          لقد اتممت اليوم عاما جديدا ❤
          اليوم مش مجرد تاريخ في التقويم...❤
          النهارده بداية سنة جديدة من عمري، وصفحة جديدة بكتبها بإيدي.❤
          كل سنة وأنا أكبر بعقلي قبل سني، وأقوى بعد كل تجربة، وأهدى بعد كل عاصفة عدت بيا.❤
          يمكن السنين اللي فاتت مكانتش سهلة، وشوفت فيها حاجات عمري ما كنت أتمنى أشوفها، واتعلمت دروس تمنها كان غالي، لكن الحمد لله... لسه عندي أمل، ولسه عندي قلب بيحلم، ولسه مؤمنة إن ربنا بيخبّي ليا الأجمل.❤
          كل سنة وأنا أحن على نفسي، وأسامحها على كل مرة تعبت فيها وهي بتحاول تكون قوية.❤
          وكل سنة وأنا أحقق اللي نفسي فيه، وأوصل لكل حلم كنت بخاف أقوله بصوت عالي.❤
          يارب اجعل السنة الجديدة بداية لكل خير، وعوضًا عن كل وجع، وفرحة تنسيني كل دمعة، وراحة بعد تعب طويل، ورزقًا واسعًا، وأيامًا مليانة طمأنينة.❤
          وأكتر دعوة هتفضل تخرج من قلبي...
          يارب احفظلي بنتي، واجعلها أجمل نعمة في حياتي، واحرسها بعينك التي لا تنام، واكتب لها السعادة في كل خطوة، واجمع بينا دائمًا على الخير والمحبة، واجعل ضحكتها ما تفارقش أيامي.❤
          كل سنة وأنا وبنتي بخير، وكل سنة وإحنا أقرب لرحمة ربنا، وأقرب لكل حلم جميل مستنينا.❤
          وأتمنى إن السنة دي تكون بداية لحياة تستحق القلب اللي صبر كتير... وكل سنة وأنا بخير. ❤