Nox_rnd

يسعد صباحكم بكل خير
          وألف هلا ومرحباً بكل الغاليين  يسعدني ويشرفني تتابعو هذول الحسابات من طرف أختكم عاشقه الألحان  
          
          https://www.wattpad.com/user/ALA_-_-_?
          
          https://www.wattpad.com/user/ARWA2010115?
          https://www.wattpad.com/user/-_Hilda_-?utm_
          دعمكم ووجودكم يفرحني ويخلي القادم أجمل بوجودكم معنا 😚 تسلم لي هالطولة الحلوة ولا حرمني منكم. ✨

يسعد صباحكم بكل خير
          وألف هلا ومرحباً بكل الغاليين  يسعدني ويشرفني تتابعو هذول الحسابات من طرف أختكم عاشقه الألحان  
          
          https://www.wattpad.com/user/ALA_-_-_?
          
          https://www.wattpad.com/user/ARWA2010115?
          https://www.wattpad.com/user/-_Hilda_-?utm_
          دعمكم ووجودكم يفرحني ويخلي القادم أجمل بوجودكم معنا 😚 تسلم لي هالطولة الحلوة ولا حرمني منكم. ✨🤍
          

من احد المعايير الي بنصنف عليها الاشخاص هو السن
          
          و من وجهة نظري ان السن من الحاجات الي المفروض تتهمش في طريقة حكمنا على الشخص
          
          مش شرط عشان هو شخص كبير في السن اني لازم اخد كلامه دستور
          
          و انا ضد جملة مينفعش ترد عليه اصله كبير
          
          لا ليا الحق اني ارد و اختلف و اناقش بس في حدود الادب و الاحترام
          
          لان الاحترام مش معناه اني اوافقك في كل حاجة
          
          و السن مش شهادة ان الشخص دا دايما صح و الاصغر منه دايما غلط
          
          ممكن تلاقي شخص كبير في السن و عنده خبرة كبيرة في الحياة و تتعلم منه حاجات كتير
          
          و ممكن برضو تلاقي شخص صغير في السن عنده وعي و فهم و طريقة تفكير تخليه يقولك حاجة انت محتاج تسمعها
          
          و العكس صحيح
          
          ممكن الكبير يخطى و الصغير يخطى
          
          و ممكن الكبير يصيب و الصغير يصيب
          
          الموضوع مش متعلق بعدد السنين قد ما هو متعلق بعقل الشخص و اخلاقه و خبرته و طريقة تعامله
          
          و حتى لو حد اكبر مني انا شايف ان احترامه واجب من باب الادب
          
          بس الاحترام عمره ما كان معناه اني الغي عقلي
          
          و لا معناه اني اسكت عن الغلط لمجرد ان الي قدامي اكبر مني
          
          و في نفس الوقت مش معنى اني اصغر من شخص اني اتعامل معاه بتعالي او قلة ادب
          
          و نفس الكلام مع الي في سني
          
          المفروض طريقة تعاملنا مع الناس كلها تكون مبنية على الاحترام
          
          احترم الكبير من غير ما اقدسه
          
          و احترم الصغير من غير ما اقلل منه
          
          و احترم الي في سني من غير منافسة فارغة او محاولة اثبات اني افضل منه
          
          لان في النهاية السن مجرد رقم بيقول انت عشت كام سنة
          
          لكن مش بيقول انت اتعلمت ايه في السنين دي
          
          و لا بيقول انت بقيت انسان عامل ازاي
          
          العبرة مش مين اكبر
          
          العبرة مين عنده اخلاق و عقل و احترام و يعرف يسمع و يتقبل الاختلاف
          
          و لو اختلفت مع حد اكبر مني اقدر اختلف بادب
          
          و لو اتعلمت حاجة من حد اصغر مني مش عيب اني اتعلمها
          
          لان العلم و الحكمة مش ملك لسن معين
          
          و الانسان المحترم هو الي يحترم الناس كلها مهما كان سنهم

محدش بيتغير من يوم وليلة
          بس ساعات بيكون بيتغير قدامك وانت مش واخد بالك
          تغيير بسيط في الكلام
          تغيير في المعاملة
          حاجة كان بيعملها وبطل يعملها
          حاجة كان بيهتم بيها وبقت مش فارقة معاه
          وفي لحظة واحدة تكتشف ان الشخص اللي قدامك مبقاش هو نفس الشخص اللي اتعودت عليه
          بس الحقيقة انه غالبا مكنش بيتغير في يوم وليلة
          هو كان بيتغير واحدة واحدة
          وانت كنت كل مرة بتدي مبرر
          وتقول يمكن تعبان
          يمكن مضغوط
          يمكن ظروفه وحشة
          يمكن انا فاهم غلط
          لحد ما التغييرات الصغيرة اتجمعت مع بعض
          وبقت فرق كبير
          عشان كده متستناش دايما موقف كبير يقولك ان الشخص اتغير
          ساعات التفاصيل الصغيرة بتقول اكتر من الف موقف
          ومش كل تغيير معناه ان الشخص بقى وحش
          ممكن يكون اتعلم
          ممكن يكون اتوجع
          ممكن يكون عرف قيمة نفسه
          وممكن ببساطة يكون ظهر على حقيقته
          وفي كل الحالات
          متلومش نفسك عشان ملحظتش التغيير من الاول
          في ناس بتتغير قدام عينينا
          واحنا بنفضل متعلقين بالصورة القديمة اللي في دماغنا عنهم

            ـــــــــــــــــــ⋆⁺₊⋆ ☾ ⋆⁺₊⋆ ☁︎ꨄ︎⋆⁺₊⋆ ☾ ⋆⁺₊⋆ ☁︎ـــــــــــــــــ
          
          وكآخر رسالة لطيفة تُترك هنا، فلن يكون بمقدوري كتابة المزيد، فأعتذاراتي
          وكان لا بد أن تكون كلمة جميلة تليق بكل الكلمات التي سبقتها
          أدعو أن تمر أيامك القادمة بهدوء، وأن تجد فيها من الأشياء ما يبهج قلبك، ومن اللحظات ما يجعلك تبتسم دون سبب.
          وإن أثقلتك الأيام يوما، فليكن فيها دائما ما يذكرك بأن الأمور ستصبح بخير، ولو بعد حين.
          شكرا لكل اللحظات الجميلة التي كانت سببا في ابتسامة، ولكل شعور طيب مر من هنا وبقي أثره..ممتنة لأنك لازلت احاول حتىٰ هذه اللحظه ولم تستسلم، ممتنة لك، لذا فلتكن بخير واعتني بذاتك.
          لن تُكتب بعد هذه الرسالة كلمات كثيرة كما اعتدت، لكن هذا لا ينقص من جمال ما كان.
           بعض الأشياء يكون أجمل ما فيها أن تُترك كما كانت، ذكرىٰ لطيفة لا تحتاج إلىٰ نهاية كبيرة.
          لذلك، هذه المرة فقط، ستُترك كلمة أخيرة فيما بيننا كشخص أعتاد كتابة العديد من الرسائل اللطيفة
          أدعو لك أياما جميلة، وقلبا مطمئنا، وحياة تليق بكل ما تتمناه؛ كن بخير دائما واعتني بنفسك جيداً، في أمان الله وحفظه، أستودعتك الله الذي لاتضيع ودائعه. 🤍🌷

خلينا نتكلم عن موضوع ناس كتير اول ما تسمع اسمه بتخاف وهو الاورام
          
          بس اول معلومة لازم نعرفها ان كلمة ورم مش معناها تلقائيا سرطان
          
          الورم هو نمو غير طبيعي للخلايا وممكن يكون حميد وممكن يكون خبيث
          
          الورم الحميد غالبا بيكون محدود ومش بينتشر لاجزاء تانية من الجسم لكنه ممكن يعمل مشاكل لو كان كبير او موجود في مكان حساس او بيضغط على عضو مهم
          
          اما الورم الخبيث فهو السرطان وده ممكن يغزو الانسجة المحيطة وممكن ينتقل لاجزاء تانية من الجسم وده اللي بنسميه الانتشار او النقيلة
          
          والسرطان مش مرض واحد
          
          في مئات الانواع والأنواع الفرعية من السرطان وكل نوع له طبيعة مختلفة وسرعة نمو مختلفة واستجابة مختلفة للعلاج
          
          وممكن حتى نفس نوع السرطان يختلف من شخص للتاني بسبب الاختلافات الموجودة في الخلايا السرطانية والصفات الجزيئية للورم
          
          وعشان كده الطبيب مش بيكتفي بمعرفة ان في ورم وخلاص
          
          لازم يعرف الورم نوعه ايه ومكانه فين وحجمه قد ايه والخلايا شكله ايه وهل وصل لعقد ليمفاوية او اماكن تانية وهل فيه صفات جزيئية معينة ممكن تغير اختيار العلاج
          
          ازاي السرطان بيبدأ
          
          جسم الانسان مكون من عدد هائل من الخلايا والخلايا الطبيعية بتنقسم وتنمو وتموت بطريقة منظمة
          
          لكن احيانا بتحصل تغيرات في المادة الوراثية داخل الخلية
          
          بعض التغيرات دي ممكن تخلي الخلية تنقسم بشكل غير طبيعي او تمنعها من الموت في الوقت الطبيعي او تخليها تقدر تغزو الانسجة المحيطة او تنتشر في اماكن تانية
          
          ومش كل تغير جيني معناه ان السرطان هيحصل
          
          السرطان عادة بيكون نتيجة تراكم مجموعة من التغيرات مع الوقت
          
          والتغيرات دي ممكن تحصل بشكل عشوائي او تكون مرتبطة بعوامل بيئية او سلوكية او وراثية او بامراض معينة
          
          ايه اسباب السرطان
          
          مفيش سبب واحد ينطبق على كل انواع السرطان
          
          في عوامل ممكن تزود خطر الاصابة زي التدخين والتعرض لبعض المواد الكيميائية الضارة وبعض انواع الاشعاع والتعرض الزائد للشمس وبعض العدوى وبعض العوامل الوراثية والعمر وبعض العوامل المرتبطة بنمط الحياة
          
          لكن وجود عامل خطر مش معناه ان الشخص لازم يصاب بالسرطان
          
          وعدم وجود عامل خطر واضح مش معناه ان السرطان مستحيل يحصل
          
          وفي حالات كتير السبب المباشر مش بيكون معروف
          
          وفي فرق مهم بين السرطان الوراثي والسرطان اللي بيحصل عند شخص عنده طفرة مكتسبة خلال حياته
          
          مش كل شخص عنده تاريخ عائلي للسرطان هيصاب بالمرض

موضوع التعامل مع غير المسلمين من اكتر المواضيع اللي حصل فيها خلط كبير
          
          وفي ناس بتفتكر ان الاسلام امر المسلم انه يكره كل غير مسلم لمجرد انه غير مسلم وده مش دقيق
          
          وفي ناس تانية بتفتكر ان معنى حسن التعامل ان كل الاختلافات الدينية ملهاش اي اعتبار وده برضه مش صحيح
          
          الاسلام فرق بين العقيدة وبين التعامل
          
          فالمسلم ممكن يكون مختلف مع غيره في العقيدة تماما ومع ذلك يعامله بالعدل والاحسان ويحفظ له حقه ولا يظلمه
          
          وربنا قال
          
          لا ينهاكم الله عن الذين لم يقاتلوكم في الدين ولم يخرجوكم من دياركم ان تبروهم وتقسطوا اليهم ان الله يحب المقسطين
          
          يعني الشخص غير المسلم اللي مش بيحارب المسلم ولا بيعتدي عليه ولا بيخرجه من بلده مش مطلوب من المسلم انه يظلمه او يسيء اليه
          
          بل ربنا ذكر البر والقسط
          
          والبر مش مجرد انك متاذيش الشخص
          
          البر يشمل حسن المعاملة والمساعدة والاحترام والوفاء بالعهد
          
          وكمان ربنا قال
          
          ولا يجرمنكم شنان قوم على الا تعدلوا اعدلوا هو اقرب للتقوى
          
          يعني حتى لو في كراهية او خلاف بينك وبين قوم فده مش مبرر انك تظلمهم
          
          وده اصل مهم جدا
          
          العدل مش بيتغير حسب هو مسلم ولا غير مسلم
          
          ولو انسان غير مسلم له حق عندك لازم تؤدي حقه
          
          ولو ائتمنك على حاجة لازم تحافظ عليها
          
          ولو بينك وبينه عهد لازم تلتزم به
          
          ولو كان جار ليك فله حق الجوار
          
          ولو كان زميلك في الدراسة او العمل فله حق التعامل بالحسنى
          
          والنبي عليه الصلاة والسلام كان بيتعامل مع غير المسلمين بالبيع والشراء والمعاهدات والمخالطة في امور الحياة
          
          وفي نفس الوقت لازم نفهم ان حسن التعامل مش معناه ان المسلم يتنازل عن عقيدته

https://vt.tiktok.com/ZSquoGdFp/

مفيش اي استعداد لبداية الدراسة

https://vt.tiktok.com/ZSquXM79J/
          
          كلامه بيوجع بس بيفوق