أنا أمنية الطحان لسه مبتدئة فى مجال الكتابة، عندى معلومات مش كتيرة فى الحياة حبيت أشاركها معاكم على هيئة رواية وأشخاص ومواقف.  
 لازم نكون عارفين أننا جاين الدنيا دى عشان ندخل الجنة يعنى هنعيش كام سنة  وبعدين نموت " الموت اللى هو مرحلة  الأنتقال بين الدنيا والاخرة" ساعات بيجى على الإنسان اوقات بيحس أنه عايز ينطلق ويعمل كل اللى هو عايزة بدون أى صوت داخلى بيقوله حرام ،ولأسف بيكون اللى هو عايزاه ده معصية ربنا ولحسن حظه  ممكن يرجع لربنا لأى سبب"حلم ،شخص اثر فيه .،تفكير ،خوف من الموت،حزن دائم ،أقرب من القرآن اكتر ،صحبة صالحة او حتى بدون سبب "  
وممكن أنه مش يرجع لربنا خالص ويموت كده ودى بتكون كارثة وده الندم الحقيقى. أنا بحاول أنى أكون سبب ولو بسيط فى تغير حياتكم اتمنى أنه التغير يكون  للأحسن وبقرب من ربنا اكتر وأعرفكم معلومات عن دينكم أكتر .. أنا مش شيخة ولا اى حاجه أنا مسلمة بحاول أعمل صدقه جاريه ليا بعد وفاتى مش اكتر  والأهم أنا كمان مش كاتبة متمكنة أنا بس بحاول أظبط الرواية على قد ما أقدر وأتمنى الرواية تعجبكم وأذكرونى فى دعائكم وأدعوا لنفسكم وليا بأنه ربنا يرزقنا بالخير ويراضينا بيه أنا بتقبل أى نقد سواء حلو أو وحش بس المهم  الأسلوب.