Paradises7

انا اجيتك والدرب يمطر رصاص 
          وكل رصاصه تثور يم بالي انجتل 
          افتح الباب برضاتك حتى افوت 
          كسرة الشباگ هينه على الخبل
          انا رأي بديرة اهلي وكل مضيف
          ومن اشوفڪ مني يتبرة العقل 
          يا غرامك سوه المايصير 
          وي رخاوة حضنك تردني طفل
          ماتردني اتفاڪ اخوتك من تثور 
          انا زلمه ونعد مبيه رجل 
          شوگ ذيب ولاحه جوع وما نايم 
          ولو يضل محروم منك ما يجل
          ما غلبني الكاس ليلى من الليال
          ومن شربت اشفاگ سموني المثل

جيتك بليلة شته 
          ظلمة و مطرها رشك 
          و شبعده صار الدرب 
          خوف و رعيد و ثلج 
          و جفوف ادية زرك 
          و ببابك طحت ها كمت
          و ضميت ادية وردت
          على الباب بالروح ادك 
          بس كالو المن تدك 
          كلمن مشه لحالته 
          واحد سكن بالغرب 
          واحد سكن بالشرق.

هودر الليل.. وذكرتك والدمع بلل قميصي .. وما عذرتك شلون ترحل وانت تدري بروحي عايش بس إلك؟ والمكان البي كعدنا .. بقى ينشدني عليك ! هسه وين الگاك .. وين؟ يا حلم مرني وغفه بظلمه وسنين الموت خذتك .. وانه ضليت أعاتب بالصور.. وأبجي اعله طين!

گالولي تجي وحطت عصافير المحله أمتانية الخطار وأغصان الشجر نفضن ورك حنة وصواني صغار وعـدان البـخور اشتهن طعم النار وحرك روحه الشمع من سمع بيك وذا بوأنه الخاطرك رشيت ماي الورد عالتبه وغشيت برفيف الكلب شباجي كلت يمكن يجيك إتراب وبلهفه عطش تأنيت تانيتك تجي لكلبي تجي لعيني مثل جيت الحلم من غير دكت باب...

هــا يكلبي شكثر عندك ذكريات و  ذكرياتك بعد ماترهم دوه صعبة كالو من تفارگلك حبيب شلون حالة الفارك أحبابة سوة و كـون أعـود واكـعـد بذاك المكان أزرع سوالـفـهـم بـمـاي و ضوه بس أخـاف تذوب جفوني الدموع مـن تـمـر ضحكـاتـهـم ويـة ألهوى

مِنْ يِجِي اللِّيْل وتِفَز بِيَّ الذّكْرَة ..أصْفِن بْطاريْهم وأهِلْها لِعَبْرَة وآنه مَدري بيا كِتُر ضمّوك أهلْك ..وأدري جُوّا الكاع ماكو إلك رَدّة يَا حَنين الطّيب الـ ما فاركَـ البَال ..أدعي رَبّي وياك نَلْتِـم بالفَرَج بَاچِر عَلَى كْبُورْك يَمُرْ بِيّ الوكِت وأحتار ..وإلْك دَمْعَة تِصِح مَابيْها كِل حَيرة عَذْرًا يَالگبر مَامَرّيت بيك ابْعيد ..بَسْ طَيْفك يَمُرْني يِزِيْد بيْه النّوح

يا غايب عن العين .. القلب مانساك
          
          دونه غدا طارئ الحزن .. والدمع همال 
          
          ياللي اخذيت الروح .. في عتمة ثراك
          
          عقبك غدي صدري من الضيقه.. ولا زال
          
          يا ليتني فدوه .. تحت طية رداك
          
          ولا أشوف عقبك في دجى اليل .. منزال 
          
          يا جعل روحه فـ الجنان .. ومأواك
          
          ويجبر عزا منهو بكى .. والدمع شلال