شجرة 🌳

صباح الخير ، أول مرة أقوم وأنا مريض زكام وحرارة من سنتين تقريباً :( 
          

أعرف عدل وقع العادات والتقاليد بالبلد،
          بس في زميل لي من الجنس الآخر معي بالدوام 
          تقريباً لازق فيه طول الوقت من كثر الراحة الي القاه حوله 

كنت أشتغل فوق السرير لما غفيت بالغلط واللابتوب بيدي، وما صحيت إلا بشخص يهز رجلي ويسحبني اسلم عليه!
          
          سلمت عليه وأنا أحاول  أعرف هالنبرة لمنو؟ وعيوني مب راضية حتى الآن توضح لي وجه من هذا 
          
          الصوت صوت خالي فشديت على يده وأنا أهذر عليه وبست خده ورجعت كملت سدحه.
          

تهاوش معاي اليوم . . . والله من زمان ما عصبت هالكثر، وبنهاية اليوم طلع قرار بكون معاه بالشغل بشكل رسمي !
          
          

اكتشفت بأن ماعندك ذاكرة 

أمس وأنا بالنادي، حسيت بالكتمة فجأة وكأنه قلبي بيوقف في أي لحظة، وصدري متشنج بشكل مؤلم. 
          
          مع الأسف متعود على هالألم بس حدته وقتها كانت أقوى مرتين.
          فاضطريت أوقف تمرين وأجلس على الأرض ربع ساعة تقريباً، وبس جسمي تكيف وارتاح شوي ، أخذت أغراضي وطلعت من النادي 
          
          محد يبي يموت وهو يتمرن : ) 
          
          وبس وصلت السيارة احترت، أسوق بنفسي ولا أطلب مساعدة؟ 
          
          المضحك حركت السيارة ووصلت البيت بأمان، بس تأكدت لو بموت مت من سواقتي المتهورة قبل حتى مشكلتي الصحية هههههههههههههههههه

جماعة تعرفون لما الشخص يكون عريق وأكبر منكم وتبون تعطونه على جوه احتراماً له ولمقامه؟ بالضبط هذا الي قررت أسويه لما واحد نقل لدوامنا من أسبوعين فقط ، وما تعرفت عليه شخصياً إلا من ثلاث أيام. 
          أمس أو يمكن أول أمس قالي بالحرف الواحد: من اليوم ورايح سلامنا عبارة عن hug . 
          
          طبعاً متتت ضحك على طريقة كلامه ، توقعت يمزح أو يقلد حد وما استوعبت جدية الورطة الي طحت فيها إلا لما خالفني اليوم لاني ما حضنته واكتفيت أسلم عليه من بعيد 
          
          ههههههههههههههههههههههههههههههه اخخخ والله تعبت خلاص
          
          
          

أغلب أيامي الحالية تشبه المارثون، جدولي مزدحم حد الإرهاق، النوم بطمأنينة وعمق حلم حتى نهاية الأسبوع. 

كنت امزح لما قلت ارجع من حيث اتيت شكلك اخذتها بجدية

اليوم وصلت متأخر الدوام، كالعادة المتأخرين مالهم مواقف سيارات، ولازم نصف مع خلق الله في الشمس. 
          
          كان في حل آخر، سويت نفسي أدور موقف ولو ما لقيت بطلع، فسمحوا لي أدخل قسم المواقف الي كانت مليانة أصلاً.
          
          وعلى حظي الحلو لقيت سيارة بتطلع من مواقف الشرطة.
          
          صح نسيت أذكر، فيه قاعدة، الشرطة بالذات وبعض المسؤولين لهم مواقف ثابتة بالأسماء، ومحجوز عليها وما يدخلها أحد غيرهم. 
          
          طبعاً استغليت ان الموقف للحين ما تسكر بعد خروج الشرطي أو الضابط أو أياً كان، وصفيت بسرعة وأنا أعلن انتصاري على قوانين المواقف الزفت ومخترعها. 
          
          أول ما نزلت من السيارة شفت الأمن وهو متجه لي بوجه مكشر، وكأن السالف تخصه شخصياً!
          
          أما الشاهد من الموضوع لما طلع لنا فجأة العسكري المفضل، مع كوب الشاي والدخان، وتسند على المدخل يراقبنا
          
           فسألته بصوت عالي وفي نيتي الأمن المكشر يسمعنا: 
          "يا حضرة الشرطي، هل أخذت موقف سيارة لشخصية مهمة على غفلة!" 
          
          ما أبالغ لو قلت كان منبهر من سؤالي ، ورد علي:- 
          
          "المكان مكانك والموقف موقفك، بالعكس أفضل شيء قريب من بوابة الشرطة عشان نحرس لك السيارة كلنا" 
          
          
          اخخخخ أحب التعزيز ، ونعم نضيف فوز جديد ع الأمن :)