aseel_mk90
سلام عليكم انا الكاتبه نِهام ارسلت لك الرساله ما ابي اطول عليك في تنزيل واتباد رافض يخليني انزل والانستا متاخرين عن الواتباد تبين ارسل لك البارت هنا؟ اذا يمدي
aseel_mk90
ابدي اقرائي من تحت
مكتب سدى
وقفت سدى تتحرك يمين ويسار تمسك يديها بحركات هستيريه، وقفت أماني: هيه بنت
التفت سدى لأماني تكمل: وشبك اهجدي شوي
سدى ترتب أنفاسها: أيهم قضيته صارت مجهول وشرطه ماجابت لي حقي بس والله مايرتاح لي جفن لين الاقيه
أماني: ندور حل وبلاقيه ان شاء الله
سدى بتفكير تطلع ورقه: صقر ساس البلا لازم نبعده ورحت قبل للمستشفى مافيه شي يفيدني وشاكه بيحيى ولده بنشوف وضعهم
أماني: وش دخل يحيى ولده؟
سدى: ولده تو زوجته خلعته تقول انه عرفت ان ابوه يحيى يهدده فيها وهو ينساق لابوه ويسوي اشياء غلط اخرها واحد متصاوب ماقربُ منه بامر من يحيى و زوجته فوق تعبانه و اختفى بعدها
أماني بتفكير: طيب لو يكون هاذا أيهم؟
سدى: أيهم!
قاطعهم أتصال برقم مجهول لجوال أماني ، التفتت بستغراب تسمع: سلام عليكم
أماني: وعليكم سلام من معي؟
محسن: معك القاضي محسن رفيق نائب أيهم
قراءه ممتعه❣️
نِهام
aseel_mk90
بيت مطلق
تقدمت نجد تردف: يبه
مطلق: لبيه
نجد: ماني موافقه
مطلق بستغراب: على سيف؟
نجد: ايه
مطلق: وليه يابنيتي
نجد تحاوط دموع عينيها: مارتحت يبه
تقدمت شريفه: نجد دلوعه ماتبكين علشان خطبه
نجد: مدري يمه مدري
شريفه بسخريه تشرح لمطلق: هاذي هرمونات اذا البنت انخطبت سمعت عنها؟
مطلق يساير شريفه: ليه جتك؟
شريفه: ايه قالو لي خطبك واحد اسمه مطلق وجاني الجاثوم معها
تحولت دموع نجد لصدى ضحكتها وتقدم فراس: ايه جمعة طيبه وش سبب ضحك نجد وافقت؟
مطلق بحده: فراس البنت تسوي الي ترتاح له
التفت فراس لنجد: عييتي!
نجد: فراس علامك
فراس: ماتعرفين مصلحتك انتي الرجال مايرد
تجاهلت نجد فراس تتجه لغرفتها تجهش بلبكاء ، سبب رفضها هو وسيرته عجزت حتى تصلي صلاة الاستخاره وقفت تبت سجادتها: يارب ما استخير أوافق على سيف بس استخير لجاد
طالت سجودها وركوعها ودموعها اجهشت تركت البشر وتجهت لرب البشر
أستمرت الأيام يوم يتلي الأخر يقرع ٤ أشهر من غياب أيهم بجهل تام من جميع الأطراف ،
عند محسن وعبدالعزيز
تقدم محسن يضرب كفه لطاوله: وينه! نبشت الأرض أيهم حي؟
تنهد عبدالعزيز بجهل: والله مدري جدي وين حاطنه
وقف محسن بستعجال: تتبعنا أثر صقر ولا طلع منه شي وتقريبًا انه فاضحنا ماعندنا الى اننا ننومه ونحبسه
طارت عيون عبدالعزيز: نحبسه!
محسن: القضيه في المحكمه مجهول وصارو يدورون نائب يحل مكان أيهم
عبدالعزيز: بس كيف
محسن: في بيتي بستدرجه وهناك ندور شخص يخدره ونفتش الي قدامه وراه
عبدالعزيز: فهد
محسن بستغراب: من فهد؟
عبدالعزيز: فهد ولد خوي مساعد
محسن: ايه عرفته بس يوافق؟
عبدالعزيز: نحتاج شخصين مو واحد مدري عن حال أيهم اذا لقيناه؟
محسن بتذكر: فيه دكتوره اخت حرم أيهم
عبدالعزيز: ضنتي اذكر اسالك فهد؟
محسن: وش درا فهد
عبدالعزيز: يمكن يدور لنا حل
محسن: دور لي دكتوره وانا بجيب المحاميه
عبدالعزيز: محاميه!
محسن: ايه تسجل كل شي لي اول باول علشان لو فكر صقر يرفع علي قضيه
عبدالعزيز: ايه زين استودعتك الله وعلمني وش بتسوي
محسن يشير لجواله: بينا تواصل
aseel_mk90
سدى: تعرف ان شهر ونص اذا مالقيته القضيه تصير مجهول!
مسعود باسف: ياحضرة المحاميه والله مابيدي شي
سدى بغضب تدف الكوب الي امامها للارض: انا ادخل انا اطلعه ما اسمح لكم والله اذا طلع متاذي بشعره لاقلب المركز فوق راسكم
طلعت سدى من المكتب تدفع برجلها ويصدى صوت حذائها تتجه لمخرج المركز ، تقاطرت دموعها وسط مساء الرياض ونسمات الدافيه ، مسكت راسها بالم من سرعة الأحداث من حولها واجهشت بلبكاء من تذكرت حال أيهم في كوابيسها خافت عليه وخوفها تحول لجنون وبركان ماهدى ولا ركد
بيت زيد
مسك صدره وسط منامه بالم يزداد سرعة تنفسه يهز راسه برفض وبعد دقائق عجاف من المه ، فز من حلمه يفتح عيونه بذهول يشوف سيف ونجد! نجد بعد ما حملها وفكر فيها راودته الأحلام الكثيره الي تتعب قلبه قبل روحه وكل مره يشوفها الى ان صارت جزء من يومه ينام ليشوفها ، ضنوه تعبان من نومته وهو من صقيع الحب مجروح ، وقف بصعوبه يسمك راسه تنهد يجلس على كرسيه وسط غرفته يحرك رجله بتكرار وبعصبيه من كثرة احلامه يهمس: اذا مو لي ليه احلم وليه الشقى!
بيت مطلق
الضد بضد ، بعد شهور طويله تحلم فيه انقطع كل شي معاد صار منامها وقت لرويته ولاعد المنام يجمعهم ، وقفت كل أحلامها وشوق طغى في فؤادها كان مصبرها على مر الهوى شوفته وسط منامها ، يواسيها وهو بعيدً عنها والحين ضغط أكثر عليها ، تفتقده في يومها وفي منامها وزدياد ضغط مطلق وخصوصًا فراس بعد ماعرف بحب جاد وهو خايف ويتمنى نجد تختار سيف لجل ماتعيش مرارة انها ماتحمل بيوم ضناها بين يدينها ، يخاف يضلمها ويجهل مابداخل ضلوعها
