Ran89_8
بنوتات فيه نقطة حبيت أوضحها بخصوص مشهد المطر بين أسر وهادي، ومشهد المطر بين خلف وهادي
المشهدين متشابهين، وهذا الشيء كان مقصود، لكن إحساس هادي في كل مشهد كان مختلف
مع أسر، هادي كان مبسوط وهو يلحقه بالمطر ويعيش اللحظة معه
أما مع خلف، هادي من اللحظة اللي وقف فيها تحت المطر كان واضح إنه محتاج هالإحساس فعلًا، رفع وجهه للسماء وغمض عيونه وترك المطر ينزل عليه، وكأنه للحظات نسي كل شيء
وخلف شاف هادي بهالشكل، وحس إنه فعلًا محتاج يعيش هاللحظة، فحتى إنه توه طالع من المستشفى ما خلاه يفكر بمنعه أو يبعده عن المطر، خصوصًا إن خلف نفسه يحب المطر، بالعكس مسك يده وسحبه معه وخلاه يعيش الإحساس اللي كان يبيه
فالفكرة بالنسبة لي مو مجرد إن «هادي وأسر صار بينهم مطر» وبعدها «هادي وخلف صار بينهم مطر»
الفكرة في شعور هادي داخل كل لقطة، وكيف الشخص اللي معه تعامل مع هالشعور ❣️.
