َ

لمّا بتقابل مشكلة في الشغل، وتقف ترفع إيدك لربك وتقوله يا رب طلعني من المشكلة دي، دا مش عبادة للدنيا، دا من تمام التوحيد…
          
          لمّا تسمع إن الاستغفار في كتاب ربنا بيوسع الرزق والمال والولد، فتعمل ورد استغفار، دا مش عبادة للدنيا، دا من تمام التوحيد…
          
          لمّا تصلي على النبي صلى الله عليه وسلم بأوراد لفك الكرب، دا من تمام توحيدك لله عز وجل
          
          ربنا بيقول في كتابه: 
          
          أَمَّن يُجِيبُ ٱلْمُضْطَرَّ إِذَا دَعَاهُ وَيَكْشِفُ ٱلسُّوٓءَ وَيَجْعَلُكُمْ خُلَفَآءَ ٱلْأَرْضِ ۗ أَءِلَٰهٌ مَّعَ ٱللَّهِ ۚ قَلِيلًا مَّا تَذَكَّرُونَ
          
          لجوءك لربنا وقت ضيق الدنيا، هو إقرار منك إنه الوحيد المستحق للعبادة، وإقرار منك بربوبيته إن بيده الأمر وكاشف الغمة والرزاق وبيده مقاليد كل شيء…
          
          الناس اللي بتقولك أنت بتعبد ربنا عشان دنيا وعشان فلوس وعشان في ابتلاء!
          
          قوله آه… إحنا بنعبد ربنا للدنيا والآخرة
          وكمل وردك وقلبك مطمئن إن دا من كمال توحيدك لله عز وجل…
          
          .

حديث النبي ﷺ:
          «إن العبد ليتكلم بالكلمة من سخط الله لا يُلقي لها بالًا يهوي بها في النار سبعين خريفًا» 
          
          عارفين أكتر كلمة بترعبني في الحديث ده إيه؟
          مش «يهوي بها في النار» — مع إنها مرعبة فعلًا !
          لكن أكتر كلمة بترعبني هي: «لا يُلقي لها بالًا».
          
          يعني قال الكلمة وهو أصلًا مش حاسب لها حساب.
          ما وقفش ثانية يسأل نفسه:
          هل ترضي ربنا؟
          هل ممكن تجرح حد؟
          هل ممكن تفتح باب شر؟
          
          الكارثة مش بس في الكلمة الكبيرة،
          الكارثة في الاستخفاف بالكلام.
          كلمة تتقال كده على الهوا…
          من غير ما تعدّي على القلب ولا العقل…
          تكون سبب في هلاك الإنسان.
          
          علشان كده، اللي يفهم الحديث ده صح
          كلامه ما يبقاش كتير،
          يبقى محسوب.
          
          - الشيخ أمجد سمير

سُبْحَانَ اللَّهِ وَبِحَمْدِهِ , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته.
          
          الحَمدُللَّه، عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. 
          
          لا إِله إِلا اللَّه , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته.
          
          اللَّهُ أَكبَر , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته.
          
          استَغفِر اللَّه العَظِيم وأَتوبُ إِليه , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته
          
          لَا حَولَ وَلَا قُوَّةَ إِلَّا بِاللَّه، عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته